صباحكم ورد عشاق نادي القرن...
بدخل في الموضوع مباشره انا بصراحه اعجبني رأي وتفسير
الاستاذ عادل عزت مديرشركة ديهاتسو عبداللطيف جميل
والمشرف على الإستفتاء للاكثر جماهيريه وشعبيه للانديه
السعوديه بالاشتراك مع الشركه الأمريكيه العالميه إبسوس
بالتفريق بين الارتباط والتعلق بالنادي وبين الشعبيه الجماهيريه
وبالفعل هناك فرق كبير وكان طرحه جميل ويدل على عقليه
كبيره تداخل في برنامج فوانيس لهذة الليله بتواجد سمو الامير
بندر بن محمد عملاق الهلاليين ووضح صورة الأرتباط
بالنادي وربطها بالحضور بالملعب وبالمدرجات وذكر مثال
جماهير النصر وقال هذا لايدل على اكثرية جمهور نادي
النصر بالحضور بالمدرجات رغم انا نعرف والكل يعرف
ان الهلال اكثر حضور من النصر ولكن نرجع لموضوعنا
وقال الشعبيه حسمنها بالاتصال المباشرعلى عينات عشوائيه
في جميع مناطق المملكه ونحن نسأل الشخص ماهو ميولك
وتشجيعك ولانسأل ماهو ارتباطك بناديك وقال قد يكون
صاحب الميول لايحضر بالملعب وليس مرتبط بناديه
في اي مكان ولكنه ذو ميول فقط وهذا مانريده من الشعبيه
توضيح الميول وليس الارتباط مثل جمهور النصر
يصوت بهوس وجنون ويحضر حتى لو فريقه فاشل
هذا يسمى ارتباط وهوس وغير واقعي ولايدل على
وعي من الجمهورولذلك احب اغتنم الفرصه بأخذ كلة
ارتباط وتلقيبها بجمهور النصر وهذا اللقب الجديد
حصري مني وطازه اخر لقب لجمهور النصر
هو((( جمهور الإرتباط))))
وبالمناسبه اتمنى عدم اخذ الموضوع باني مهتم بالنصر
اويهمني وان اني اتهكم عليهم لكن حبيت القبهم بهذا اللقب
لانه مستحق لهم بدون اي جدال ولا ينافسهم احد فيه
ونبارك لهم الحصول على اللقب..
لتوضح كلمة (إرتباط) تعني ارتباطك بشئ ماء
وتعلقك فيه قد يكون تعلقك وارتباطك به يستاهل
ومحل تقدير وقد يكون ارتباطك بشئ لايستاهل
ويكون الارتباط هنا هياط لايودي ولايجيب وهذا ينطبق
على جمهور النصر جمهور الارتباط العاطفي
الخاطئ والغير ملامس للواقع لان الفريق
بعيدآ عن الانجازات والاضواء.
وترا انتبهوا كل نصراوي معه رباط
يربط نفسه بكل شي يتعلق بناديه الفقير
اللي رابط نفسه بالنادي واللي رابط
نفسه بالملعب واللي رابط نفسه بالترزز بالقنوات
والي رابط نفسه بالاتصال على القنوات
واللي رابط نفسه بالبيانات واللي رابط نفسه
بالتصريحات واللي رابط نفسه بالتصويتات
واللي رابط نفسه بماجد عبدالله المغبر
واللي رابط نفسه بالرمز المرحوم
واللي رابط نفسه بالمنتديات
واللي رابط نفسه بكل مكان حنا اكثر
جمهور واللي رابط نفسه على تزوير
البطولات ولاننسى المرابطين على تشويه
سمعة نادي القرن والتقليل منه لأجل خدمة ناديهم
الفقير يعني فعلا جمهور الارتباط
مربوطين بكل مايتعلق بناديهم
الفقير من الانجازات والاضواء والبطولات والملاحم
وكل شي ومثل ماقلت هنا الارتباط يعتبر
ارتباط غير واعي ولايمت للحقيقه بصله
الارتباط الصحيح يكون ارتباط بالدين اولآ
ثم بالرياضه وكل شي يكون في المنجز
والمنتج ولا يكون ارتباط بالخاسر والفاشل..
وكذلك اتمنى
من جمهور نادي القرن الرقم الصعب الحضور
بكثافه بمباراة الوحده بمكه المكرمه وان شاءلله الفوز
هلالي وتستمر الصداره هلاليه......
وبالاخير تقبلو خالص تحياتي واحترامي..
اخوكم المتيم والعشاق للهلال(خالد)
الوضع العادي
