السلام عليكم ورحمة الله وبركاته
حياكم الله في اول موضوع لي في منتدى الجمهور الهلالي 
الكل يعلم ان اليوم الهلال لعب في الملز >> لا يا شيخ قل والله 
اليوم لبيت للزعيم وحضرت المباراه في ملعب الملز لكن بصراحه لم تكن كاي ليله ... تسالو ليه صح !! يلا خلوني اسرد لكم ما حدث 
* قبل اروح للملعب بصراحه كنت متخوف من الحضور الجماهيري
بس بيضو الوجه ولو ان طموحنا اكبر بس ما قصرو
* وصلت للملعب واشوف في ناس ما سكه سرا وفي شباك تذاكر مافيه الا اثنين عاد انا قل الحمد لله على نعمة العقل رحت للشباك قلت تذكره لاهنت ومسوي اني ثقل اعطيه العشرين يعني اني كاش
الا ويقول باقي 130 خخخ طلعت حق الدرجه الممتازه ~ قلت لا يالطيب غلطانين ودحدرت للسره
اول ما دخلت تخيلو لقيت مين
( الامير عبدالله بن مساعد ) ~ واطامر لين ما وصلته قال مشغول قلته تكفى عطنا فيس وضحك قل امر قلت ابي اتصور معك يابعدي عشان اوري اعضاء المنتدى اني واصل
وشوي الا واحد ينبرش معانا في الصورة
من جد تواضع الله يحفظه
* دخلت المدرجات وسمعت هلال هلال هوه هوه قلت لا اكيد انا غلطان المباراه شكلها في استاد الملك فهد
الا واتاكد وامسح عيوني واكب فوق راسي مويه
الا ويطلعو جماهير الهلال
المهم من جد شي مؤسف قلت بيسوون زي الي في الرس
وشوي بدت المباراه واسمع صوت الرابطه واقوم اناقز لهم
بس بصراحه زعلونا الرابطه في الشوط الاول ما عندهم الا صفقه صفقه صفقه وحنا ما غير نصفق كان ودي اصفق الي جنبي >> بيجيكم خبره بعد شوي
بس الشوط الثاني الرابطه مبدعين بس تصدقون اكتشفت اشياء كثيره بعلمكم عليها :
تدرون وش سبب عدم تفاعل الجماهير الزرقاء معا الرابطه ؟!!
ياخي تعال شف وين رابطتنا ووين الجمهور 
من جد ~ المفروض الرابطه تكون وسط كثافة الجمهور عشان ماينام منهم احد
نسيت حاب اشكر رئيس الرابطه مدري منهو بس من جد اليوم صار موقف له يشهد على طيب خلقه ~ كانت ضربه ركنيه للخصم واطلقت جماهير الهلال صافرات الاستهجان والتذمر بس قالهم شباب ما يصير احنا زعماء في كل شي والزعامه في الاخلاق اهم شي
كان في واحد جنبي مدري وش سالفته بصراحه كان ودي اهفه ببقس واطيره للامن ~ لحس مخي ~ يقول نواف التمياط بيضيعنا والله لو انه منزل سامي ابرك ~ بصراحه انا شكيت وقتها لاني سهران يومين قلت شكلي احلم اني رحت المباراه واتلخبطت حساباتي
الا والخوي خربها يوم قال كفو يا لعابد
انا بصراحه غيرت مكاني عرفت انه مو طبيعي
بالنسبه لفئه من الجمهور اليوم زعلونا بصراحه :
1- في ناس تدخن وقدام الامن ما عندك احد ~ بس ما راعو الغير ولا عرفو ان فيه اطفال وفيه كبار سن
2- في ناس تطلق الفاظ سيئه لا ينبغي قولها بحكم انا مسلمين قبل كل شي
3- كنت اقز واحد صغير يكلم اخوه الكبير يقول سمعت ذاك وش يقول قال وش قال ما سمعته !! قال ينادي حسن العتيبي ويقول رد على جوالك اليوم لو كنت رجال
حرام والله هالبراءه نعلمهم هالاشياء طبعا انا قلت فئه او بالاصح شرذمه لا يتجاوزون الاعداد البسيطه
اليوم بصراحه كان في الملعب اربعه لعيبه اجانب >> ادري ان بعضكم بيقول شف النصاب مافيه الا ثلاثه ونيفيز مسافر كيف اربعه
!!
بصراحه (( محمد نامي )) هو الاعب الاجنبي الرابع
مستوى متالق لا بعد حدود باصات سليمه 100 %
فاتمنى كما اننا نحب ان ننتقد بسرعه ان نمدح ونشد من ازر هذا اللاعب بصراحه اليوم اشرح صدري جمهورنا العزيز عندما ردد اسمه مرارا
نسيت اقول لكم من جد من جد اكثر شي يفرح في هالمباراه ~
صدقوني مو عودة الجمهور ولا عودة ياسر للتسجيل بس عودة الفريدي لمستواه
اختم مواقفي بموقف من جد مت ضحك عليه
:
ونا طالع من الملعب في ملعب بجانب الملعب الرئيسي للملز بنفس المقر كانو الهنود يشغلون مضخات الماء الكهربائيه الا ويخشو هالبزارين يتروشو ويلعبو ويتسبحو
وفي الختام تقبلو اسفي ان اخطيت ~ الخطأ وارد بحكم انها اول مشاركه ~ واتمنى توجيهي الدائم
ووعدتكم بهديه سويتها على السريع اتمنى تكون مقبوله للموقع باكمله
جميع احداث الملز + اهازيج الرابطه + اهداف المباراه + فرحة الجمهور بالاهداف
اضغط هنا 
( طرائف حضوري للمباراة + صوره مع الامير عبد الله بن مساعد + اهازيج الرابطه كلها + اجنبي 5 في صفوف الهلال + هديه مني لكم وللموقع ) >> حياكم 
الوضع المتطور
