[ابومشاري الهلالي]

السلام عليكم ورحمة الله
احبائي جماهير الزعيم ونادي القرن الاسيوي
اسعد الله اوقاتكم وتقبل منا ومنكم
نعرف ما يمر بالهلال في هذا الوقت من انتقاص واستهزاء من قبل النصراويين الحاقدين وغيرهم
والسبب في رأيي هو محاولة زيادة الضغط النفسي والجماهيري على زعيمهم وخاصه في البطوله الأهم الاسيويه
ولم يجدوا ما يستهزئون به الا بالجمهور الهلالي .... والصراحه ان الجمهور هو من اعطاهم الفرصه وسلمهم دفه التجريح
والا... هل من المعقول ان تحضر جماهيرهم بعدد اكثر منا مهما كانت المبررات من مضايقات وامن وغيرها من الاعذار
وغير تفوقهم في العدد في المباراة الاخيره الا انهم اكثر فعاليه ونشاط وليسوا مجرد متفرجين!!!!!!!!!!!!
يعني هلالنا في هالمواسم من اكمل ما يكون ماشاء الله تبارك الله بطولات واداره ونجووووم وهم لهم 15 سنه ولابطوله حقيقيه ومع ذلك واقفين بكل قوه مع فريقهم (بالله فكروا فيها شوي)؟؟؟؟؟؟؟؟؟
حتى انهم صاروا بكل جرأه يقولون انهم الاكثر عددا في السعوديه والخليج وكلكم شفتوا برنامج فوانيس (يوم الصرامي يسأل الشيخي بكل وقاحه واستهزاء: يعني تبي تقول ان جمهور الهلال أكثر من جمهور النصر؟ ... ) بالله ماهو شي يرفع الضغط اللي صاير منكم يا اكبر جمهور عرفته الملاعب السعوديه
المهم بعد هالكلام نجي للمهم: اسيا اسيا اسيا
بطوله قريبه جدا بحول الله من فريقنا ........... وهذا وقت جمهورنا بعد توفيق وليس وقت اللاعبين والا الاداره والا المدرب
كلكم تعرفون الهلال مهما كان من يمثله او من يديره او من يلعب له ..إذا وقف جمهوره وملأو الاستاد تشجيعا وحماسا كيف تنقلب الموازين لصالحه وكيف يتحمس لاعبيه ويتحطم الخصوم ...
فاقرب مباراه هي مباراة الفيصلي نبي رد قوي وحاسم من كل محب للهلال ليس بالحضور فقط بل بالحماس والتشجيع المجنوووون خللو اللاعبين والمدرب يحسون ان وراهم جمهور يجملهم امام الفرق الاخرى ويلهب حماسهم ويحسسهم بالمسئوليه وخلو الرعب يزلزل الصرامي وغيره من المتربصين وارفعوا رأس بن مساعد ونواف وكل هلالي على الارض
تكفون تكفون تكفون هذي الرابطه ترى ماهي ضروره ولا تقدم ولاتؤخر الا احيانا تزعج وتلخبط وشوفوا الجماهير الاوربيه وغيرهم مايحتاجون روابط وهم يرددون وراهم لكن اللي ينظمهم هو احساسهم وتفاعلهم مع الاحداث داخل الملعب
نبي صوت هدير الموج الازرق الحقيقي مع كل هجمه او لعبه حلوه زلزال واذا انقطعت الكوره زلزال واذ تملك الخصم الكوره زلزال آخر يعني نشاط طوال المباره مهما كانت النتيجه
خلونا نستغل عدم وجود رابطه ونجعلها بروفه نسخن فيها اصواتنا وكفوفنا ونسخرها لصالح فريقنا وطريقه نمشي عليها في ماتبقى من البطولات والله يقويكم وانا متأكد انكم قدها

ومهما كان التحدي فجمهور الهلال دائما يضعه في القمه