[روقـــــان]

السلام عليكم ورحمه الله وبركاته


::


شخبآركم مع الصيآم آن شاء الله مرتآحين


اكيد الجميع شآف موضوع آخوي عبدالله الدهش بخصوص نقل المبآراه لملعب الامير فيصل


http://vb.alhilal.com/showthread.php?t=920681




ومن هنآ آقووول جآك يآمهنا ماتتمنآ ..


لآن كثير من الاعضآء كتبوو واستآئو من ملعب الملك فهد بحجه البعد والكبر الزايد

الحين مآلكم آي عذر المباراه بيوم آجازه وبنفس الملعب الي تبوونه


نبيها حمله خلووه يفلل . نبي نرد على من تهجم على الهلال وعلى جماهيرته العظيمه


تكفوون الاستاد الاربعآء نبيه يهتززز من الموج الازرق الي عودنا بكل منآطق المملكه بحظوره ومؤآزرته



ومن هنا يكوون لنا الرد القوي على رئيس النصر وشآكلته وتطاوله على جمهوور الهلال بالايام المآضيه

بآن لنا الحظور والانتصارات ولهم التصويتات



وموعدنآ ان شاء الله يووم الاربعآء لتسجيل حظوووور جماهيري غفير



::


والعذر والسموحه على عدم تنسيق الموضوع


بس كتبته على عجاله لشد وشحن الهمم ان شاء الله للحظور للمبآراه القادمه

[love al hilal]

يسلمووو


يعطييك ربي الف عاافيه على الموضوووع الرااائع


تحياااتي

[غريب جده]

والله لو امتلى الملعب وزياده عقلية خبيلان الطفوليه ستضل كما هي

وجمهور الهلال ما يستفزه تصريح من ملك البالتوك

[خالد 91]

إقتباس الرسالة الأصلية كتبت بواسطة غريب جده والله لو امتلى الملعب وزياده عقلية خبيلان الطفوليه ستضل كما هي وجمهور الهلال ما يستفزه تصريح من ملك البالتوك

كــلامك صحـــيح والله لو يمتلي الملعب كله بيقــــووول خبيلان انا اكثر منكم

[البدر939]

اتمنى من جميع الجماهير الهلاليه يكون ردها غلى خبيلان هو الحضور مع المؤازره الفعاله ومن الناحيه الاخرى مقاطعة التصويت الفاشل اللي يصب في مصلحة الشركه المنافسه لشريكنا موبايلي

[عبد العزيز00]

بأذن الله سنملئ الملعب عن بكرة أبيه

[Sultan | سلطان]

::

اي رد الله يصلجك .. عليكان ماعنده عقل يعني مايفهم .. حاله حال الحمير وجمهوره الله يعزكم



جمهور الهلال الأول وبــ الأرقـــام في كل شئ



والأربعاء .. ان شاء الله الحضور يكون كبير ويليق بالزعيم .. فهي اخر مباراة برمضان قبل التوقف بالرياض ..

نتمنى حضور كبير ورائع .. والأمل بعد الله بأهل الشرقية والقصيم بدعم الهلال بهذه المباراة ..



والأهم من هذا كله " التفاعل " بالمباراة بالشكل المطلوب اللي يليق بنادي القرن ..



::

[حاتم]

الله يعطيكم العافيهـ
انتم يا جمهور قبل كل مباره تقولون حمله وحمله لتعبئة اي من الاتتادين
ولكن وقت المباره جمهور لا يتعدى ال5000او اكثربقليل يعني حضور ضعيف
وبعد المباره تقولون الامن او الرابطه تحتجون وتعتذرون ولكن الهلال يستاهل هذه التضحيه
ونقول ان شاء الله جمهور فل بوم الاربعاء

[hilali_Marwan]

بآذن الله الرد بالملعب يا جماهير الهلال ..

تكفون آخر مباراه للهلال قبل توقف الدوري للايام العشر الاواخر ...

[الزعيمxXx]

اهل رياض بملون الملعب
مشكور على الموضوع

[كلنا للازرق]

الوعد الملعب ان شاء الله الجماهير عبدالرحمن بن مساعد يبي يحضر نبيها موج ازرررق

[المحال6]

حااااااااااااااااااااااااااااااااااااااااااااااااااااااااظرين حاظرين بأئن الله

[جدعان]

ومن هو هالخبل عشان نرد عليه؟
حضورنا بإذن الله بيكون دعم لفريقنا والا فتى البالتوك ماقام ولا قعد عندنا !

من قناة لقناة يبربر واستاد الملك فهد يشهد على من هو الفريق الاكثر جماهيريه !

يعطيك العافيه

[AL3ze]

اهم شي لا نتكل على بعض ابد


كل واحد يجي ومعاااااه كل اخويااااااااااااااااااااه

[أبوخـــلـــودي]

اهم شي انتم ياسكان الرياض روحوا الملعب وخلوكم من باب الحاره الزعيم اهم