[El Barca]

بسم الله الرحمن الرحيم

السلام عليكم ورحمة الله وبركاته

.. || || ..


العنوان صحيح مُبالغ فيه شوي لكن لـ لفت الإنتباه فقط
في برنامج فوانيس على الرياضية السعوديه أكد سمو الأمير
إنه مشغول جدًا ومايقدر يتفاهم مع مجلس الجمهور على الدعم وما إلى ذلك
ومشاكل الجمهور بشكل عام .. وطلب أن أحد من أعضاء الشرف يكون منتبه لمشاكل الجمهور

وأيضاً قال إن الميزانيه في الوقت الحالي ماتسمح إننا نجيب لا مهاجم محلي ولا أجنبي !!
المعنى إن ياأعضاء الشرف تحركوا وسووا شي .. من بداية فترة رئاسة الأمير عبدالرحمن
إلى حد الآن ماشفنا أي عضو شرف يتكفل بصفقة أو بشي يفيد النادي .. إلا واحد إلي قال إنه بيتكفل
بالمهاجم الأجنبي بس الإدارة الهلاليه والمدرب الحالي يختار منهو !! والعضو الشرفي "" بارز ""
ماتوقع في غيره إلي هو عبدالله بن مساعد أو سعود بن تركي أما الباقين ماظنيت
الأمير محمد بن فيصل لاهي بشغله في الخارج وماندري وش وضعه
والوليد بن طلال في الخمس سنوات يدفع مليون أو 500 ألف وبندر بن محمد مادفع رواتب اللاعبين
والجهاز الفني والإداري في الفئات السنية 13 شهر يعني سنة وشهرين !! كيف بيدفع 5 ملايين كأقل تقدير ؟
المشكله هذي مهي بس في هلالنا لا ، في النصر والشباب والإتحاد لحد يقولي آل الشيخ
آل الشيخ أصلاً هو رئيس النادي وهو اللاعب وهو الإدارة وهو كل شي تدرون كم دافع في بداية الموسم ؟
30 مليون ريال ريال ينطح ريال ماتوقع في عضو شرف هلالي بيدفع هالمبلغ الضخب ولا ؟


عموماً .. نبي أحد يهتم في الجمهور !! باقي على مباراة الغرافه شهر تقريباً ولا فيه لا مجلس جمهور ولا رابطة
مجلس الجمهور طلب دعم من الإدارة أو من أعضاء الشررف لإن ميزانيته ماتسمح له إنه يدعم أغلب المباريات
والرابطة على ماسمعت إنهم عزلوا عشان مجلس الجمهور لإنهم يشوفون مضايقات الأمن لهم والتعب إلي يتعبونه
ولا فيه لادعم وحتى دفاع عن أعضاء مجلس الجمهور !!!! كرمتهم إنهانت تعرفون معنى كرامتهم إنهانت !!
أتمنى سواءً من الإدارة أو من أعضاء الشرف ! إنهم يعطون الجمهور وجه !! نبي نحس إننا لنا قيمه
إذا حضرنا وتعبنا ونفضي أنفسنا وأخرتها نطلع من الملعب بدون أي تحيه من اللاعبين أو من رئيس النادي !!
لحد يقولي اللاعبين قبل بداية المباراة يحيون الجمهور !! شوفوا هزازي كل ماسجل هدف إتجه للجمهور !!
شوفوا عماد الحوسني أول ماسجل هدف له إتجه للجمهور وسوا حركه بهلوانيه وفرح معهم بهدفه !! ليش لاعبين
الهلال مايعبرون الجمهور !! متأكد فيه بعض الأعضاء بيقولون أكيد الحوسني بيروح للجمهور لإنه متحمس وهذا
أول هدف له مع الأهلي ! طيب نيفيز قدام الفتح الموسم الماضي ! أول ماسجل الهدف قام يخمخم اللاعبين وبعدها
راح لجيرتس وفرح معه والجمهور محد يعبره ماكأن فيه ناس يشجعون الكيان والنادي يعني وحاضرين في الملعب

|| :: لقطة ختام :: ||

وين راحت رووحك يامحمد ؟



ويعطيكم العافية