[العباد2009]

اولشي مبروك عليكم الشهر
شباب الى متى ذي المهزلا و الإداره ساكته لهم
من الموسم الماضي و حنا نسمع ان جمهور الهلال في الرياض و في جده يلاقي مضايقت من العسكر
انا اقول ليش الإداره الهلاليه ما تحط مراقبين على الجمهور

تقريبا الكل شاف الجمهور في اول مباره كي كان عددهم والسبب من ادارت الملعب الي ما فتحت الابواب الى بعد المباره بي فتره طويله
الحل

ان جمهور الهلال في الرياض لا تحضر المباره الجايه
طبعن الامير عبد الرحمن بن مساعد بيتسائل ليش ما في جمهور وادارة الملعب بتتسائل كمان لانه بتشوف مافي احد من الجماهير الهلاليه
طبعن الامير عبد الرحمان بن مساعد بيتكلم بيقول السبب وغير كذا بيدخل منتدى جمهور الهلال وبيعرف السبب
انا اطلب طلب واحد بس انكم ما تحضرو المباره الجايه في الرياض عشان الامير عبد الرحمن يعرف السبب

[هتشكوك]

اخوي العباد
يومك سعيد يارب و الشهر عليك مبارك << بدرى

شوف اخوي مو اول مره نتناقش فى موضوع الجمهور ولا أخر مره اتوقع
بتكون اصطوانه نعيدها اذا مافيه تدخل ...!!!

اذا تذكر مباره الهلال و الوحده فى ملعب الملز العام , المباره كانت العصر و جمهور الهلال كان على الموعد
بس كانت فيه مشكله الاخوان حقين شباك التذاكر كانو يصلون التراويح رغم ان وقتها مو رمضان بس الاخوان مسبقين
و يخافون من الهيئه و مقفلين شباك التذاكر ^_^
وقتها صرح الامير عبدالرحمن بن مساعد الله يطول بعمره يارب و وجه عتبه على الجمهور الهلال
و يوم وصله الخبر عن طريق الجوال او شاشة التلفزيون و شاف تدافع جمهور الهلال , ان فيه مشاكل فى البوابات
وتدافع الجمهور ومنهم محدثك اخوك فى الله من اللي عانو و وجه لهم الامير عبدالرحمن بن مساعد عتب
وبعد نهايه المباره اعتذر

ومثل ماوجه عتب الامير عبدالرحمن بن مساعد على الجمهور و اعتذر
بوجه له عتب انا و عتب محب ياصاحب السمو

صاحب السمو الله يطول بعمرك يارب مانبي كراسي منصه
ولا نبي يسمحون لنا ندخل بالدخان فى المدرجات مثل المنصه
ولا نبي يجي مويه بارد مثل المنصه

[ نببببببببببببببببببببببببي]

ندخل الملعب من غير مضايقات طال عمرك من رجال الامن بس << مايبي شي ثاني

والله ثم والله ماقصرت فى شي ياصاحب السمو بس حس فى جمهور الرياض شوي

مجرد احساس < عنوان كسيده

[ رساله ]

قالها العم جن الملاعب , ابو عبدالله
ادمن بروم الهلال الرسمي حاضرين حاضرين الملعب لو على عكاز

ولا عقب كلام العم ابو عبدالله كلام
وحاضرين حاضرين الله لايعوق بشر

يومك سعيد

[تائه بين أسوارالزعيم]

إقتباس الرسالة الأصلية كتبت بواسطة هتشكوك اخوي العباد يومك سعيد يارب و الشهر عليك مبارك << بدرى شوف اخوي مو اول مره نتناقش فى موضوع الجمهور ولا أخر مره اتوقع بتكون اصطوانه نعيدها اذا مافيه تدخل ...!!! اذا تذكر مباره الهلال و الوحده فى ملعب الملز العام , المباره كانت العصر و جمهور الهلال كان على الموعد بس كانت فيه مشكله الاخوان حقين شباك التذاكر كانو يصلون التراويح رغم ان وقتها مو رمضان بس الاخوان مسبقين و يخافون من الهيئه و مقفلين شباك التذاكر ^_^ وقتها صرح الامير عبدالرحمن بن مساعد الله يطول بعمره يارب و وجه عتبه على الجمهور الهلال و يوم وصله الخبر عن طريق الجوال او شاشة التلفزيون و شاف تدافع جمهور الهلال , ان فيه مشاكل فى البوابات وتدافع الجمهور ومنهم محدثك اخوك فى الله من اللي عانو و وجه لهم الامير عبدالرحمن بن مساعد عتب وبعد نهايه المباره اعتذر ومثل ماوجه عتب الامير عبدالرحمن بن مساعد على الجمهور و اعتذر بوجه له عتب انا و عتب محب ياصاحب السمو صاحب السمو الله يطول بعمرك يارب مانبي كراسي منصه ولا نبي يسمحون لنا ندخل بالدخان فى المدرجات مثل المنصه ولا نبي يجي مويه بارد مثل المنصه [ نببببببببببببببببببببببببي] ندخل الملعب من غير مضايقات طال عمرك من رجال الامن بس << مايبي شي ثاني والله ثم والله ماقصرت فى شي ياصاحب السمو بس حس فى جمهور الرياض شوي مجرد احساس < عنوان كسيده [ رساله ] قالها العم جن الملاعب , ابو عبدالله ادمن بروم الهلال الرسمي حاضرين حاضرين الملعب لو على عكاز ولا عقب كلام العم ابو عبدالله كلام وحاضرين حاضرين الله لايعوق بشر يومك سعيد

كلآآآآم في الصميم .. وياليت يتم تنسيق الموضوع بشكل جيد .. وتصحيح الأخطاء الإملائية .. ثم يكون

التثبيت هو المسآآر للموضوع ..

ياليت .. السلطآني .. الهلآل موتي .. أي مشرف يثبت الموضوع ..

والله معآنآآة ماصآآرت !!

[m-a--j--e-d]

كلامك جميل اخوي بس طلبك صعب وماله داعي ما تبي الجمهور يحضر معليش والله وبعدين اكيد الامير عبد الرحمن بن مساعد داري وش قاعد يسير بس مو اي حركة بينفذها الامير لا زم يقولها تلقاه يبحث عن هذي المشكله اخوي وبدون ما نعلم
وبالاخير هذي وجهة نظري اخوي واتمنى انك تتقبلها وشاكرين لك على موضوعك ومجهودك وحرصك على الجمهور الهلالي

[البلـــ13ـــيزر]

يعطيك العافيه

وان شاء الله يوصل للرئيس

وانا من الرياض ولي سنتين ما حضرت في الملعب لان علي نذر ان ما احضر الا اذا تعدلت ثقافة رجال الامن


كل واحد وكرامته قبل كل شي

[commander.]

.. تتوقعون ان هذا السبب في قله الحضور في الرياض ...

[قاسم ابن سايق]

اسمعوا يالغالين

من اصعب الاشياء انت تدخل الملعب من دون مضايقات
لان اخوننا حقون الامن مو مصفين النية

[@جنون الزعيم@]

إقتباس الرسالة الأصلية كتبت بواسطة قاسم ابن سايق اسمعوا يالغالين من اصعب الاشياء انت تدخل الملعب من دون مضايقات لان اخوننا حقون الامن مو مصفين النية

صدقني يالغالي ..
حضرت مع الزعيم مباريات في الشرقية (ملعب الدمام + الخبر) وملعب جده
وملعب مكة والرياض ..
كل ملاعب السعودية تعامل العسكر عسسسسل بإستثنى الهمج أللي على ملاعب
مدينة الرياض ..!!
وعن نفسي مباراة الغرافه ماراح أحظرها بالرياض وراح أطلع لقطر لأني حرمت
على نفسي أحظر أي مباراة لزعيم فالرياض ..ولله الحمد ماصارلي أي موقف معهم
لآكن إنكـ نشوووف بعينك شخص كبير بالسن وبرآسه شيب وينهان وينضرب قدااام
أولاده وبسبب دخوله بعلبة ببسي ..!!!؟؟؟؟ أي تخلف وهمجية هذي ..!!!
مناظر كثيرة مقززهـ شفتها في ملاعب الرياض في تعامل العسكر مع الجمهور
كرهت بسببها الحظور في مدينة الرياض ...
ألف شكر على الموضوع ..
وتحياتــي يازعمـــاء ...

[بن جبله المطيري]

الله يعينكم بسسسسسسس ................

[s a d n e s s]

وش نسوي أخووي من متى وأحنا نشتكي للأدارة
مافي فايدة الا بعد مبارة الوحدة العام إلي بالعصر
خلو مسؤول ما اذكر اسمه المهم يتابع دخول وخروج الجماهير
فجاة أنقطع الرجال ومعد نشوفه الله يعين بسس

[الهلالي100%]

والله عــجزناااا وحنا نطااالــب لكن الحل الامــثل انـه محد يحضر مباراة الفـيصلي بعد القااادمه لانه بالرياااض ,,,



اناااا عندي حل افــضل انه يروووح عدد من الجماااهيــر للتمرين ومعهم لافــته يطالبون الاداااره بإيجاااد حل

للعــسكر الهمجي وهذا الحل الامثــل


دمــتم بووود ,,,؟

[قناص الشرقية 714]

كلامك جميل اخوي بس طلبك صعب وماله داعي ما تبي الجمهور يحضر معليش والله وبعدين اكيد الامير عبد الرحمن بن مساعد داري وش قاعد يسير بس مو اي حركة بينفذها الامير لا زم يقولها تلقاه يبحث عن هذي المشكله اخوي وبدون ما نعلم

[هلالي عرباوي]

وآلله ماعندي كلآم غير كلمه واحده فقط ..

آلله يــــعـــــيـــــن بسسسسسسسسسس ...

[وليد -ABO AL]

مشكور اخوي

وان شاء الله يجدون ح لهذه المعاناة

[abodi al hilaly]

يعطيك العافيه

وان شاء الله يوصل للرئيس