[تــونــه]

والله انا محبط جدا جدا جدا ليش هالمستوى ليش هالتخاذل ليش هالاستهتار

بعض جمهور الهلال وش تحسوا فيه كل ما قلنا الفريق فيه خلل واضح تطلعوا اعذار "مره الملعب سيء , مرة اول مباراة للفريق, مرة الفريق فيه نقص لاعبين"
هذا جيريتس طلع وقال المستوى ماااااش و ارضية الملعب سيئة يعني لا يكثر يا جماهير التطبيل و التلميع

ارجع للفريق المحبط :
خطة 4-5-1 تتنافى مع توجهات الاداره و الجماهير واللاعبين باللعب الهجومي وين راحت مصادر الخطورة المتعدده "معاد شفت شيء ابد ابد"
ليش المدرب يلعب بـ 4-5-1 ضد فرق تتكتل و تتمترس في مناطقها؟؟
ليش الاداره ما تناقش المدرب في هالموضوع؟؟
اذا مستحين من جيريتس ترى جيريتس ما استحى منكم وراخ وقع مع المغرب
ولا ضربلكم حساب يعني ناقشوه و نشفوا دمه قبل لا ينشف دمنا بباقي المنافسات

هلالنا العام الماضي كان لعبه جماعي من الدفاع لرأس الحربه نشوف الكوره تتناقل بسلاسه و الوسط مع الهجوم يلعبوا بمتعه وبدون انانية في اكثر المبارايات بينما هذا الموسم صار لعبنا أي كلام انانية وكل واحد يشوت و يمزع على راحته "نيفيز يشوت ولا همه تمركز باقي اللاعبين" "ياسر يشوت وحاله مثل حال نيفيز" وخذ الفريدي و الدوسري و العابد على شاكلته!!
انك تسدد كل مره هذا لعب حواري وين الجماعيه "نفكفك الفريق الثاني ونطقطق فوق روسهم بالباصات و البينيات و العرضيات" لكن هالموسم والله لتنقهروا قهر من هاللعيبه اللي كل شوي يشوتوا و يضربوا بمنهجية الفريق الجماعية عرض الحائظ
تذكروا "بوشا" من كثر ما جاه تطبيل على شوتاته كبر راسه و صار اي كوره يشوتها ومعاد همه الفريق و لعبه الجماعي و هذا شكله بيصير عندنا

نقاط مهمه و سريعه:
- الفريدي "يابارد ياحارق اعصاب جمهور الهلال والله اذا استمريت على هالمستوى و البرود و الانانية ابشرك بعد سنتين بالكثير تنسيقك او اعارتك لأي فريق" ياشيخ حس في هالجمهور اللي ذبحتهم ببرودك و انانيتك و قتلك للكوره السريعه و اللعب السريع في الفريق

- نامي والله ابي امدحك بس للاسف امكانياتك ما تسمحلك صح انك مجتهد بس هذي قدراتك "امس شفنا الهجمات من وراك وانت تارك خانتك حتى اسامه يناظر فيك نظرات قهر معناها الله يردك يا لي بيونق لهالخانه"

- العابد , الدوسري "يا ارض احفظي ولا تنشقي" واحد ما وده يلعب كوره مدري وش حقق بحياته عشان يمن علينا بهالمستوى و الثاني قالوله ميسي و صار محد قده .... يا صغار "كلاعبين" تواضعوا و اعرفوا ان بهالمستوى راح يكون مصيركم مثل الصويلح و العنبر ومن سبقهم

من المفارقات العجيبه العجيبه العجيبه:
لاحظوا معاي من شاف مستوى الهلال امس يظن ان الفريق يمر بمشاكل و ان احد زملاء اللعيبه يمر بمشاكل وان الامواج تتلاطمهم من كل ناحية
ومن راى لاعبي الاتحاد ضد الاتفاق و روحهم العاليه في اللعب و حماسهم و توهجهم و تعاونهم مع بعض يظن ان هذا الفريق هو بطل الموسم الماضي وبطل ولي العهد و الصاعد لدور ال8 الاسيويه

]]فتشوا عن اللاعبين المتخاذلين و تدميرهم لروح الفريق الواحد
في الاتحاد مشاااااااااااااكل واذا دخلوا لعيبته الملعب نشوف روح و حماس منقطع النظير بينما في الهلال يمكن فيه مشاكل بس ماهي السبب ان لاعبي الفريق يدخلوا بهالروح و التخاذل و البرود
والله فيه كلام واجد بس الجمهور المطبل راح يرفض و يلمع ويقولوا عني و عن غيري من العشاق المتيمين بالهلال اننا ما نفهم واننا داجين ومن هالحكي
حسبنا الله و نعم الوكيل[[

لم اتطرق في هذا الموضوع لياسر لان موضوعه اشبع

اخوكم سلطان