[N.(A).R]

بسم الله الرحمن الرحيم

السلام عليكم ورحمة الله وبركاته

بداية (( اللهم تقبل صيامنا وقيامنا وأعاد الله علينا هذا الشهر باليمن والبركات ))

أولا ألف مبرووك على الثلاث نقاط وهاردلك على المستوى

المستوى السيء جاء بسبب أنها أول مباراة بالموسم

عدم انسجام محاور الارتكاز , اصرار جيرتس على ياسر

اصرار جيرتس بعدم اشراك هداف الدوري الموسم الماضي !

أين الشلهوب يا جيرتس ؟

أريد أن اعرف لماذا جيرتس كان مصرا على نواف العابد

ولماذا كان مصرا على إكمال ويلهامسون المباراة كاملة

ويلهامسون ليس بكامل جاهزيته وليس بلياقته وأيضا كان يخشى المخاشنات مع لاعبين التعاون

أريد أن أسأل سؤال

لماذا تعاقدنا مع الجيزاني والجمعان ؟

أريد إجابة منكم يا عشاق الزعيم


ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــ

تقييم اللاعبين بالنسبة لي :

حسن العتيبي : الحمدلله تطمنت على عرين الهلال من بعد الدعيع

محمد نامي : ضعيف دفاعيا !

أسامة هوساوي : المباراة كانت كبوة جواد له

حسن خيرات : ارتبااااااااااك كبيير واظح

لي يونغ : بداية موسم أكثثر من رائعة

الغنام : قتالي وكان يسد بعض الفراغات لكن يعيبه البطئ

البرقان : كان شبه ضايع بالملعب !

العابد : مهاري , أناني , ثقة زائدة

نيفيز : يلف ويدور بالملعب ومافي حوله هجوم !

ويلهامسون : بالمباراة نقصته الجرأة

ياسر القحطاني : (الله يرحم مزنة )

أحمد الفريدي : كبييييييير هالولد بس يترك التهورعنه

عبدالعزيز الدوسري : من طينة الكبار

عيسى المحياني : لا تعلييق


شطحاااااااااااااات <<( الله يستر )

1- سمعنا بحضور مهول للملعب .. والملعب صار صحراء !

2- جيرتس أنت كبيير وأكبر من كبيير لكن جلّ من لا يسهو

3- ابن مساعد شكراا من الأعماق على هذا الفريق

4- نواف بن سعد تعجبني جلستك بالدكة لمساندة الفريق

5- سامي الجابر يالبببببى الصغنوون الي كان جالس جنبك

6- استغفر الله وأتوب اليه

7- سبحان الله وبحمده سبحان الله العظيم


ودمتم بـ ود

[N.(A).R]

أشششششششكر المشرفيين على قبول الموضوع

وأتمنى أن أشاهد ردود ترتقي بنا كجماهير للزعيم

[HRS.Eng]

والله انا اشوف ماله داعي الاعضاء يقيمون اللاعبيين
لانه بعض الاعضاء يفهمون تقييم انه تجريح وهذي اول مباراة يعني انك تقييم لاعب من اول مباراة ظلم فيها
والمفروض توقفون مع اللاعبيين كلهم بدون استثناء وش فايده تقيييمكم يعني مثلا المدرب بياخذ فيها
وانا ملاحظه ان بعض الاعضاء صاييريين مثل جمهور القذف طايحيين تجريح في اللاعبيين وتحطييييم ويقاله نقد ايه هيين امحق نقد؟!
ماهكذا جمهور الهلال
الله يوفق الهلال فوق كل ارض وتحت كل سماء

[تــونــه]

كثر الحكي وش يفيد
صحنا وقلنا ومحدن سمعنا

الله يعين

[قـنـاص الـعـربـيـ@]

والله شـــف ...

مالنا حق نحكم في بداية الموسم ...

وجــهت نظر.":/

[hilali_Marwan]

يعني تبغون نقعد حارقين دمنا على هجمات ولا في العسل يعني فرحانين بالمهاجم حقنا ؟؟؟؟

المباريات الوديه الي بالمعسكر ما سجل ولا هدف صح ولا لا !!

بطوله النخبه هدف لياسر وحيد عن طريق رادوي شاتها وكمل عليها ياسر لا تعتبر متعبه صراحه

مشكلت الاداره عطوفا جدا مع ياسر وكأن ياسرأمير الهجوم محد يأخذه غيره خلاص ملينا ياسر وجوده زي عدمه
لازم بس على قولت ابو مساعد ( ردد يا ليل مطولك ) خلونا نقعد على ياسر ذا ونشوف مين الي كلامه عين الصواب . يا جماهير اصحو الهجوم الهلالي مره ضعيف مو بس مرة اقولها وانا واثق جدا ضعيف لحد يقول نشرك مع ياسر مهاجم ثاني كذا ما استفدنا لازم بماهجم واحد والجماهير كلها طالبت فيه انا محروق دمي على الكرات التافه الي قاعد يضع فيها ياسر


ما اقول الا بوجود الجماهير المحبه له والله محا يتغير شئ الله يعين بس

[يحيى صالحي]

[B][B][Bياعمي ارتاح والله حرام أمثالك تحلل مبارة لا تقعد تجرح في الأعبين وأتمنى من إدارة المنتدى عدم نشر مواضيع تمس الاعبين باي ضرر

[$الشفق الأزرق$]

يعطيك العافيه أخوي

والحمد لله الاهم الثلاث نقاطدام أخذنا الاهم مانبي المهم اللي هو المستوى

وراح يرتفع المستوى تدريجيا مع تتابع المباريات كما هو الموسم الماضي

وبالنسبه للاعبين لو نقيم كل واحد في هالمباراه تجد التالي

العتيبي8,5
نامي7,1
هوساوي6,2
خيرات5,4
لي يونق8,2
البرقان5.3
الغنام7,1
العابد5,4
ويلهامسون6
نيفيز7,9
ياسر5,5
الفريدي5,7
الدوسري6,4
المحياني لايمكن تقييم مستواه

طبعا وجهة نظري واتمنى تحترموها

[♥ N E V E S ♥]

كفيت و وفيت

و جيرتس مشكلته ان راسه عنيد ومايقتنع ابد !!

يعني الشلهوب احتياط ...؟!

عيسى ينزل اخر 5 دقايق ويلعب طرف ...؟!

ياسر اساسي ...؟!

هذا غير تبديلاته اللي مادري وش تبي وسط المباراة !

الله يعين بس

يعطيك العافيه

[%القلعة الزرقاء%]

إقتباس الرسالة الأصلية كتبت بواسطة كلنا فداء الهلال يعني تبغون نقعد حارقين دمنا على هجمات ولا في العسل يعني فرحانين بالمهاجم حقنا ؟؟؟؟ المباريات الوديه الي بالمعسكر ما سجل ولا هدف صح ولا لا !! بطوله النخبه هدف لياسر وحيد عن طريق رادوي شاتها وكمل عليها ياسر لا تعتبر متعبه صراحه مشكلت الاداره عطوفا جدا مع ياسر وكأن ياسرأمير الهجوم محد يأخذه غيره خلاص ملينا ياسر وجوده زي عدمه لازم بس على قولت ابو مساعد ( ردد يا ليل مطولك ) خلونا نقعد على ياسر ذا ونشوف مين الي كلامه عين الصواب . يا جماهير اصحو الهجوم الهلالي مره ضعيف مو بس مرة اقولها وانا واثق جدا ضعيف لحد يقول نشرك مع ياسر مهاجم ثاني كذا ما استفدنا لازم بماهجم واحد والجماهير كلها طالبت فيه انا محروق دمي على الكرات التافه الي قاعد يضع فيها ياسر ما اقول الا بوجود الجماهير المحبه له والله محا يتغير شئ الله يعين بس

ياسر ما دخل حتى في بطولة النخبة



ولا هدف يا اخوان لاعب ضائع




يرجع يبي يصنع ولا في مهاجم غيره




والله مستواه ضااائع

[هلالـ السعوديـ]

بدأ الموسم فبدأت رحلة الهجوم على ياسر

الله يعين

[Ronaldenho]

اللهم وفق الهلال

...............

[FARIS.1997]

صحيح وين الشلهوب ؟

ببطوله النخبه كان احتياط ووقته توقعت المدرب يبي يتركه للمباريات الرسميه

لكن امس كان حبيس الدكه ؟؟ مشكله يكون على حساب العابد الي ماقدم الي يشفع له باللعب اساسي

بوركت

[16طـلـق الـمـحـيـا16]

والله شـــف ...

مالنا حق نحكم في بداية الموسم ...

وجــهت نظر.":/

[N.(A).R]

إقتباس الرسالة الأصلية كتبت بواسطة HRS.Eng والله انا اشوف ماله داعي الاعضاء يقيمون اللاعبيين لانه بعض الاعضاء يفهمون تقييم انه تجريح وهذي اول مباراة يعني انك تقييم لاعب من اول مباراة ظلم فيها والمفروض توقفون مع اللاعبيين كلهم بدون استثناء وش فايده تقيييمكم يعني مثلا المدرب بياخذ فيها وانا ملاحظه ان بعض الاعضاء صاييريين مثل جمهور القذف طايحيين تجريح في اللاعبيين وتحطييييم ويقاله نقد ايه هيين امحق نقد؟! ماهكذا جمهور الهلال الله يوفق الهلال فوق كل ارض وتحت كل سماء

يا أخي هذا مو تقييم تقييم الي في مخك هذا شبه تقييم

يعني أفهمك .. هذي وجهة نظري لكل على كل لاعب

وأكيد وأنت جالس بين اخوياك بالاستراحة ما تجلس تنتقد لاعبب

وتقول هذا ما أدى وهذا ما سوى شيء وهذا ضيعنا ؟

أترك لك الرد