[عبدالمحسن الشمري]

المكان : رفحاء ـ
الوقت : 9:00 ليلاً
الاشخاص المتواجدين : انا و اخوي و خالي
الحاله النفسيه : بين الروقان و الوناسه

هذا حالنا امس في مباراة الهلال و التعاون كنا في قمة الفرحه لاننا راح نشاهد زعيمنا

و نجومنا من نامي الى ياسر لكن خالي ذكرنا بـ عادة الجمهور بالحضور

كالعاده جمهور لا يستحق الهلال يضيق الصدر و اشوى ان مخرج الجزيره ما طلع المدرجات كثير

الليله ما تمنيت الهلال يفوز ولا ياسر يسجل كثر ما تمنيت الامير عبدالرحمن ما يكون في المنصه

على شان ما يشاهد الجمهور اللي خذله و خذل اللي خارج الرياض


المباراة اليوم كانت ممله و المستوى ضعيف و الهجمات قليله و التهاون حضر بالاعبين

لان ما في جمهور يرحب بزعيمه اللي اخر مباراة لعبها كانت دور 16 آسيا اللي قبل ثلاث شهور

يعني بعد طول غياب ما اشتقتوا لهلالكم ولا احترموا الجهود اللي تبذل من اميرنا و سامينا على شان تستانسون

البعض يقول خل الحضور الحين و نأجله لـ الغرافه و انا اقول هالكلام ما يليق بحجم الهلال بقلوب عشاقه

كل الشكر لكل اللي حضروا اليوم .