[FaReS alZaeem]

السلام عليكم ورحمة الله وبركاته ..

اللي مراح يقرا الموضوع كامل لا يقراه احسن >>>> قل قسم

اللي دعاني اني اكتب هالموضوع صراحه هو مااشوفه من بعض الجماهير الهلاليه .. بصراحه هااالني كما هالكم بعض المواضيع اللي تنكتب في منتدى الجمهور الهلالي

واحد كاتب ان فيه مؤامرة ضد الهلال عشان الجزيره ما راح تسوي استوديو تحليلي لمبارة الهلال والثاني يكتب ان القناة السعوديه ضد الهلال

والثالث يقول من حقي ادافع عن الهلال وامدحه بس مو من حق الباقين انهم يمجدون فريقهم او يمدحونه

والرابع يبي الناس كلهم يمدحون الهلال وبس وغيره ياكل خس

بالله وش المشكله ان سووا استوديو تحليلي ولا ماسووا؟؟

بعض الناس مشكلتهم يبون يصير الهلال هو الفريق الوحيد بالعالم وغيره لأ لا احد يمدحه ولا احد يقول عنه شي ابد

يعني فريق زي الهلال ما يحتاج انه يتلمع .. هو ملمع ومرصع وجاهز بنجومه وبطولاته وعراقته

مهمتنا كجمهور مو النفخ في الهلال ولا المدح اللي مال امه داعي . مهمتنا نراقب ونقول عن الخطأ خطأ لان الزعيم هو اللي يهمنا مو استوديو تحليلي وقناة مع فلان ولا مع علان


ونحاول نرتقي بفكرنا ونترفع عن سفاسف الامور وفلان نصراوي وفلان مدري وشو والقناة الفلانيه وش سوت والقناة العلانيه وش سوت

انا ما اقول لا ندافع عن الزعيم ولا اقول نسكت عن الحق .. بس المهم ما نتصيد الاخطأ وتكون همنا الاول والأخير



صرخة مواطن

القناة الرياضيه السعوديه ... قناة الوطن >>>>الحمدلله اني ما اشتغل فيها ولا مسؤل عنها

قسم ليجيني ضغط وسكر وراح اموت قهر من كثر ما لاقي ملاحظات من الجماهير الغاضبه >>متعوب عليها الغاضبه

إرسال .. فوانيس حاليا .. مساء الرياضيه .. كل الرياضه .. في الثمانيات .. كلها برامج متابعة ومهمه في القناة

هاااتوا لي قناة عندها زي هالبرامج في قنوات ثانيه ؟؟؟

ما اقول ان القناة تووووووب ولا شي لا سمح الله >>>خايف منهم


بس اقول يا اخوان هي قناة واحده وتحاول ترضي الجميع .. وتغطي كره قدم وغيره

ولا عندها فلووس اللي يجييها من وزارة الاعلام تشتغل فيه وش تبون تسوي اكثر من كذا

وحنا وانا اولكم قمنا عليها بحملة وهي توها ما كملت شهر من بداية التطوير

عطوها فرصه ,, ووقتها لكل حادث حديث

بالتوفيق للزعيم فوق كل ارض وتحت كل سماء


والسلام عليكم ورحمة الله وبركاته