[ملكـ الآحزآن]

السلام عليكم ..

اول شي اهني كل المسلمين بهذا الشهر المبارك ..

وعسى ينعاد علينا وعليكم قوولو امــــين ..


كالعاده ندخل في صلب الموضوع ..


خلونا نكون واقعيين في مستوى الهلال هذي السنه ونقول البدايه ..


عده نقاط تخلينا مانتفائل ابد .. ! .. غير كذا واعتقد ان الكثير راح

يشاركني الكلام الي اكتبه ان الهلال بصراحه يخوف يخوف يخوف ..

هلالنا من بعد ماكان جمره في بدايه السنه الماضيه .. ويحرق جميع منافسيه

احس اني القى الرماد منه في السنه هذي ..


غياب ويلي المفاجئ والاخبار عن تركه للهلال .. اصابه عزيز والغنام والمرشدي .. سلمان الفرج تأخره عن التدريبات ! وغيرها من الامور

المدرب كل يوم نسمع خبر بيروح مو رايح .. بصراحه شي الواحد مايتطمن عليه ..

لو نرجع للسنه الماضيه راح نلقى الهلال كان يمشي بخطى ثابته ..

بخطى ثابته يمشي ملــك


لكن الملك في السنه هذي يواجه الكثير من العقبـات الي احنا كجمهور اربكتنا ..


نتكلم عن المستوى مو بقوه الهلال الي كنا نشوفها وتعودنها من المدرب جيرتيس

واعتقد انكم شفتو بطوله النخبه او نقول من بدايه المعسكر الى بطوله النخبه ..

هل تعلم اخي الهلالي كم سجل الهلال هدف ؟ << من بدايه المعسكر الى بطوله النخبه وطريقه كيف الاهداف !

احسبها ورد علي ..

لكن ماراح نستبق الاحداث والدوري راح يبدا قريب وراح نشوف الهلال

وصدقوني اذا ماظهر الهلال في اول مباره للدوري متى راح يظهر !

لاحد يقول لي في الاسيويه راح يبدع .. اذا لم تظهر بشكل مطمن في البدايه

اعتقد ان الفريق الخصم راح تزيد ثقته بنفسه في ظل ضعفك ومستواك الغير

مطمن ! ...


نتمنى وياليت ان يكون هذا الهدوء الهلالي الي يسبق العاصفه في بدايه الدوري

نبي نتفائل بالاسيويه وغير الاسيويه المهم المستوى والروح الجماعي ..









شــــــــــكرا ..

[حاتم]

تبي الصحيح بس من دون زعل
لــــو انك من كاتب هذه الموضوع ابرك لك ولنا
وليش كل هالتشائم انت قريب من ادارة الهلال او الجهاز الفني اكيد لالا والف
يعني كلامك كلهـ من الصحف والجرايد واليوم كل الصحف هدفهم الوحيد اسقاط الهلال
وانت الله يعنيك انجريت وراهم
{اسف بس هذه هو الصحيح }

[wem11]

كلامك صحيح ومافيه اختلاف وهذااااك قلتها اااذ حضرت الروح الجماعيه حضر الفريق باكمله

مثل ماقال نواف بن سعد من ينتقدنا سيمدحنا بنهاية الموسم نصبر ونشوووف اخي الكريم فثق تمام الثقه بأأأن مستوى الهلال مطمئن بأذن الله وسنشاهده امام التعاوووووووون وسيقدم المامول منه ويرضينا تفاااااااائلووووا بالخير تجدوه

شكرا لك اخي الكريم ع حرصك تجاااااه زعيمنا<<

[ملكـ الآحزآن]

إقتباس الرسالة الأصلية كتبت بواسطة حاتم تبي الصحيح بس من دون زعل لــــو انك من كاتب هذه الموضوع ابرك لك ولنا وليش كل هالتشائم انت قريب من ادارة الهلال او الجهاز الفني اكيد لالا والف يعني كلامك كلهـ من الصحف والجرايد واليوم كل الصحف هدفهم الوحيد اسقاط الهلال وانت الله يعنيك انجريت وراهم {اسف بس هذه هو الصحيح }

انا تشائمت بس في نفس الوقت قلت

راح يبان كل شي في المباره الاولى في الدوري ..

وراح اذكرك بكلامي ..

شاكر لك ..

[ملكـ الآحزآن]

إقتباس الرسالة الأصلية كتبت بواسطة wem11 كلامك صحيح ومافيه اختلاف وهذااااك قلتها اااذ حضرت الروح الجماعيه حضر الفريق باكمله مثل ماقال نواف بن سعد من ينتقدنا سيمدحنا بنهاية الموسم نصبر ونشوووف اخي الكريم فثق تمام الثقه بأأأن مستوى الهلال مطمئن بأذن الله وسنشاهده امام التعاوووووووون وسيقدم المامول منه ويرضينا تفاااااااائلووووا بالخير تجدوه شكرا لك اخي الكريم ع حرصك تجاااااه زعيمنا<<

حبيبي والله شاكر لك مرورك ..

[بن جبله المطيري]

بأذن الله الضحيهــ الاولى للزعيـــــم التعااااااااااااااون

والبقيهــ تأتي ,,,

ولكن علينا واااااااجب كجمهووووور أن نحضر ونسااااااااند وننتظر النتاااااائج

مشكووووور حبيبي

[sa’ad]

يا اخي وش تحس فيه

الموسم تو ما بدأ وانت ما تتفائل

والله انك غريب انت والي متشائمين مثلك


عجبا لك

[قناص 20 المجمعه]

يا اخي وش تحس فيه

الموسم تو ما بدأ وانت ما تتفائل

والله انك غريب انت والي متشائمين مثلك

[بن شويل ..]

أي والله أخوي صح لسانك ..
كلامك والله هو اللي بخاطري ..
زعيمنا والله يخوف ..
لكن بإذن الله الأيام الجاية تكون خير وبركة ع الزعيم ..

[hiLali Heart]

اللحين الموسم ما بعد بدا والهلال ما شارك في [ مبارايات رسميه ]

وانتم تقولون المستوى ما يطمن

اتركوا عنكم هالتشائم والاداره واللاعبين عند مستوى تطلعات الجماهير ان شاء الله

[سند15]

المشكلة عند بعض الجماهير المطامر في مناصب الغير
أبسألك سؤال هل تثق في إدارة شبيه الريح ؟
هل ترئ أنهم يقومون بعملهم بالطريقة الصحيحة ؟
ما هو مصدر أخبارك التي منها بنيت وجة نظرك؟

هذه الاسئلة لك ولمن هم على شاكلتك
خلو الهلال في حاله وأحكموا عليه نهاية الموسم
فهمت إلا أعيد
طفشتونا نجي للموقع مواضيع متكررة لكن بأسلوب مختلف

[عاشق السكب الهلالي]

تفائلوا بالخير تجدوووووه................

[$الشفق الأزرق$]

يارجل خلك متفائل

ويلهامسون راح لظروف ويرجع الخميس

جيريتس عارفين وضعه والبديل جاهز ومتابع للفريق اول باول

الفرج قضيه تحدث بكل نادي وعزيز العام اكبر مثال

الاصابات المفروض نكون حاسبين حسابها والهلال يملك البديل( البرقان-الدوسري-خيرات-نامي)

طبيب النادي يوجد طبيب خاص وبإنتظار الطبيب القادم وراح يكون على مستوى

هو شي واحد اللي مايطمن وخاصه بالرياض____________اللي هو الجمهور

[صـدى الـهلآل]

كلامك مزبوط ,,
هذا الواقع ,,

[&فتى القواره&]

تذكر كيف كانت مباراتنا مع القادسيه الموسم الماضي في أول مباراة بالموسم. مستوى سيئ لكن في الأخير ما شاء الله
إبدااااااااااااااع للأخر.
ما عليك ان شاء الله . لا تخاف فالهلال في أيدي أمينه.