[أبو عبد الملك9990]

السلام عليكم

كيفكم حبايبي

أمس وصلت للملعب الساعة 5 ونص تقريبا .. وكان فيه أمطار شديدة وتسبحنا أكثر مما تسبح حسن معاذ
رحنا المدرجات وقعدنا والجو ممطر لكن كل شيء يهون لعيون الزعيم

رحت الدرجة الاولى وماعجبني المكان فطلعت ورحت للدرجة الثانية

بدأت المدرجات تمتلي من قبل المغرب
المهم جو الجماهير النصراوية والاتحادية معنا في المدرجات
في البداية كان جمهور الهلال يتكلم كل ماجاء اي نصراوي او اتحادي ويقول ( برا على برا يابو خمسة ) ومن هالكلام

لكن جو ناس قاعدين يتكلمون ويسبون في جمهور الهلال يقولون ( نيفيا ) وعبارات ثانية صعب اقولها في هالمكان

قاموا الجماهير الهلالية وحذفوهم بالنعالات ( الله يكرمكم ) وعلب المويه , بكل شيء والله ماخلوهم
العسكر مساكين جاهم شوي لأنهم كانوا يحتمون بالعسكر من الي جاهم هههههه

بعدها كل واحد فيهم مسك نعاله وحط رجله ومعاد شفناهم

لكن جو ناس بعدهم نصراوية غيرهم يتكلمون على الجمهور الهلالي نزلزا لهم الرجال وأدبوهم بالعقل

حاولوا العسكر يفكونهم وطلعوا النصراوية برا المدرجات

وكل شوي تصير مضاربة بسبب هالكلام

يجونك في المدرجات يرفعون الشعارات النصراوية ويهايطون

لكن والله انهم ندموا انهم جو الملعب من الي جاهم

في الأخير العسكر منعوا اي شال او شعار نصراوي او اتحادي من دخول المدرجات
اي واحد يشوفون معه شال نصراوي او اتحادي يأخذونه ويرمونه
والله يستاهلون كل الي جاهم

وترى ماقاموا يتكلمون على ياسر الا بعد الي جاهم
لكن الجمهور الهلالي رد عليهم وقام بتحية ياسر والهتاف باسمه

ياليت الهلال فاز وسكتهم لكن الحمد لله على كل حال
قدر الله وماشاء فعل