انا اليوم جايب لكم موضوع خطير والله
شفته بعيوني في كم محل مو محل واحد
البنغالي اكبر حرامي
والله ياناس اني شايف شاب طالع من المحل ملعوب عليه
والسبب انه فيه ناس تجهل وش الموضوع ابقولكم قصتي وحركة البنغالي
القصة
قبل مدة لاتقل عن شهر يمكن وما اتاحت لي الفرصه اكتبها بالمنتدى دخلت محل من محلات
الروضة ما اقدر اذكر اسم المحل واقطع رزق صاحب المحل لأنه مسكين يمكن
مايدري والبنغال هو الكسبان وكفيله مايدري وش السالفه المهم نكمل دخلت المحل انا وا
خويي بيشتري mw2 قال خويي للبنغالي عندك الشريط قال عندي ويطلع الشريط وخويي على
نيته قاعد يكلم البنغالي وانا اتفرج على الاشرطه ولا شفت الشريط شوي يوم عطاه 245
ركبنا السيارة وامسك الشريط واقلبه واشوف الا وش تتوقعون البنغالي مسوي
الشريط اللي شراه خويي مستعمل وابن اللذينا البنغالي مغلفه بغلاف فيلم dvd 
والله وننزل انا وخويي ونشرشح ام البنغالي انهبل يوم انقفط 
ومصدوم وساكت ولا قال ولاكلمه وحنا نشرشحه وناخذ الفلوس ونذب الشريط بوجهه
حركة البنغالي
انه ياخذ الاشرطة المستعمله ويحطه بغلاف ويحط سعره سعر جديد بغلافه والناس على نياتهم مايدرون ويشترونه وهو الكسبان اللي ابي اوصله يا اخواني انكم تنتبهون والبنغالي لايلقاك مخفه وتشتري منه ويلعب عليك
كيف تعرف الشريط اصلي ولا مستعمل
الشريط يجي تحت خط شريط لاصق انت تفك بالسحب
مكتوب عليه بالأبيض
PLAYSTATION3
مكانه تحت ناظر الصورة المربع الاحمر
اعذروني اخوني مالقيت صورة فيها الغلاف
واخيرا ً الموضوع مهب منقول ولا شي انا كاتبه بنفسي
واتمنى الانتباه والتمعن بالشريط قبل الشراء
واتمنى من الاعضاء الدخول والرد على الاقل بالشكر والدعاء مو تدخل وتطلع
اتمنى اني افتدكم
خطأ ممكن احدكم وقع فيه 
الوضع الشجري
