[منخفض جوي]

السلام عليكم ورحمة الله وبركاته

حقيقه من الغبن الي احس فيه ماراح اطرح مقدمات ,

برنامج على الرياضيه السعوديه المذيع الظاهر اسمه الحمدان او حمدان المهم و فيه لاعب الوداد بركات ( الي بصق في الملعب اكرمكم الله وجلس يعتذر ) المهم وواحد من المنظمين من المغرب العربي و مين ...!!!

وفواز الشريف اكبر كاره للهلال ...
المهم انه فواز الشريف متصنع للمثاليه ( والذيابه ) لابعد درجه من اول البرنامج وهو يغمز ويلمز في الهلال وجمهوره ..
لكن الي شد انتباهي انه يقول الجماهير الهلاليه دايم تدخل الملعب مو امس بس .. وبعدين وجه كلمه للجمهور الهلالي في مامعناه ( تراكم فشلتونا ) .. طبعآ تفلسف شوي وبعد كذا سأله المذيع تتوقع لمين البطوله .. وكان ردالشريف : الهلال والسبب ان الهلال له علاقه مع هذه البطوله .. سأله المذيع انت تقصد علاقه فنيه طبعآ قال ( الشريف ).. لا .. ونزل عليه المذيع لمى درا انه الرجال حاقد.. وجلس يصرف ... ورجع الشريف وبدأ يصرف يقول جماهير الهلال كبيره والبطوله تبغى جماهير .. ( الشريف ) يلمح انه المنظمين بيجاملون الهلال علشان شعبتيه ومصلحة البطوله ...!!


الشريف يقول بالعربي وقدام المغاربه وعلى قناة سعوديه الهلال بياخذ البطوله لانه التحكيم معاه والهلال يرشي التحكيم .. ودايم ياخذ هالبطوله بالتحكيم ...!!!

الشريف يقول بالعربي جماهير الهلال همجيه وغير واعيه ( وهو يعرف انه ممكن يكون الخمسه اشخاص الي نزلوا الملعب نصراويه ولا اتحاديه ولا حتى من مشجعين نادي ظمك ) ,,


انا عندي سؤال مهم جدآ ويقرقع في صدري من فتره طويله ...

وين المركز الاعلامي .. وين كتاب الهلال .. وين كبار الهلال .. وين ادارة الهلال..؟ ( هذا سؤال واحد )

الكل في اجازه ..!!

يعني اذا مايطلع الروقي يسكت كل جاهل .. ماراح احديطلع ..؟

انا الحقيقه استغرب هذا الصمت الغريب ...
في الفتره الاخيره وخاصه في الرياضيه كل يوم يطلع واحد ويحاول يتسلق على الهلال ويسب ويشتم ويغمز ويلمز وكله من تحت لتحت .. وربعنا ولاكأنك موجود ...!!!


طيب الى متى ...!!

لنا البطولات والانجازات ولهم البيانات والتصاريح ... انا معاكم 100% وانا والله كنت اقول كذا ..

بس جد تراها طالت وشمخت بالعاميه .. مابقى الا لقمان ( عامل في الدوام عندنا ) يطلع على الرياضيه ويقول ( والله هادا هلال سوي رشوه حكم ) ...!!!


المشكله الرياضيه السعوديه قالها بتطور وتتغير وتصير قناه عالميه بالهجوم على الهلال او على الاقل يجيبون متعصبين جهله مثل الشريف والصرامي لكي يتهجموا على الهلال ( قالهم محايدين ) ,,


انا لي طلب واحد بس .. اي حشره يطلع على منبر اعلامي ويتفلسف ببكذب ودجل وتضليل للشارع الرياضي .. يطلع واحد كفؤ من الهلال يلجمه حجر في فمه .. مو طلب صعب اعتقد ..