بسم الله الرحمن الرحيم
سبحان الله العظيم الحين صار ( الفريدي يعرض مستقبله الكروي للخطر ) >>>>>>>>>> كلمه اعجبتني من كبرها وفقعت مرارتي
ابي اشوفه الي كاتب هالكلمه بعد قول الفريدي على النصر وش كان يقول
يا ناس الظاهر من كثر مانتم فاضين كل واحد قاعد يحلل ويتفلسف ويقرر على كيفه
بدل ما تشجعون اللاعب وتحثونه على الأفضل وتقدم المستويات الرائعه جالسين ومستلمين الرجال ، خالد عزيز وهو خالد عزيز الي سواه في النهائي مع الاتحاد ما جاه مثل ما جاء الفريدي وهي مبارتين بس وحده منها وديه والثالثه حقت النصر كلنا نعرف سالفتها , وبعدين اللاعب تنرفز شوي وش صار كل شخص يتنرفز ويعصب من اشياء تافهه ، لاتقول لي هذا لاعب وما ادري والمفروض ما يطلع منه هالشي ليش هو مو بشر والا حلال لكم وحرام على غيركم كل شخص معرض للموقف هذا صغير كان او كبير لاعب او مسئول , انتم ما تدرون وش الي صاير بالضبط قبل المبارات معه يمكن صاير له اشياء لاعبه في نفسيته وبعدين فيه ناس ما ادري وش يبون من الفضاوه
كل واحد قاعد يحبط من ناحية الي يقول ولا لاعب حواري والثاني قرر له عقوبه من راسه والثالث مدري وش ناوي له والرابعه يشوف انه يعرض مستقبله للخطر.
انا من اول يوم لي بالمنتدى وانا ما احب اشارك بس خلاص انفقعت كبدي ما عاد اقدر اصبر
انا عارف ان الموضوع انواع الحوسه بس وش اسوي وعلى ما يقولون جديد وتوه يتعلم
الوضع الشجري
