[nassoo]

السلام عليكم ورحمة الله وبركاته

ابدأ في موضوعي دايركت

اللي تابع مباراة الهلال وفالنسيا لاحظ كيف كان الهلال ضاغطا رغم النقص والغيابات الموثره والمهمه وغياب ويلي وياسر لكن الصراحه اللعيبه ابدعوا وادوا اللي عليهم لكن انا عندي ملاحظه بسيطه هو ان الهلال صحيح انه خسر في بعض المباريات الوديه لكن مو مهم الفوز زي مو مهم الاستفاده وتصحيح الاخطاء يعني نخسر الحين ولا نخسر في الدوري والمباريات المهمه لكن

* غياب ياسر القحطاني

لاحظت على الهلال تأثير غياب ياسر لأن ياسر مو بس مهاجم هو مهاجم ولاعب وسط احيانا لأنه يملك ذكاء سحب المدافعين وفتح الثغرات لويلي ونيفيز والشلهوب ومن ثم تتاح لهم الفرص باذن الله واتمنى ان ياسر يرجع بأقرب وقت ممكن عشان نستفيد


*غياب ويلي

لاحظت تأثير غياب ولي لأنه صانع العاب من الاطراف يعني يروح عند الكورنر ويرفع سريع وما عندنا لاعب يؤدي هذا الدور بفاعليه

*عزوز الدوسري

لاحظت على عزوز ذكائه وسرعة قدمه في المرور واتمنى انه يستغل هذا الشي في سرعة نقل الكره مع زملائه


*نجم المباراة

هذي المباراة لاحظت على هذا اللاعب الجديه وعدم النرفزه كثيرا زي باقي المباريات وكان نجم المباراة بتحركاته ومهاراته وتمريراته وتسديداته واهنيه على محاسبة نفسه المهم انا ما قلت من هو نجم المباراة هو اللاعب المبدع والفيلسوف الصغير احمد الفريدي واتمنى منه احسن من كذا بعد وشد حيلك يا احمد اكثر واتمنى اشوفك نجم الموسم الجاي وتراك ابدعت والى الامام سر


نقطه اخيره (جريتس)

تكفى لا تتهاون عشانك بتروح تكفى ركز معانا عشان تروح ونذكرك بالخير


* قفله ( خاتمه )

اتمنى التوفيق للزعيم في باقي المشاركات والبطولات القادمه

هذا وصلى الله وسلم على نبينا محمد وعلى آله وصحبه اجمعين