[احبك ياابن مساعد]

بدون مقدمات




من فتره وانا ابكتب هذا الموضوع وانا اقول اصبر شوي عط سداح فرصه انتظر (حتى طفح الكيل)


الي قاعد يصير يقهر مع احترامي للجميع


الي يقولك تردد قناة الهلال الجديد وتدخل الموضوع وتتفاجأ سالفه ثانية
العنوان في وادي والموضوع في وادي ثاني واللي اعجب من ذلك الردود الي يتفاعل مع الموضوع ولا كأن صار شيء

اما انه ماقرأ العنوان او تعودو على هالحركات

وترد عليه تقول له مايصير تكتب هذا العنوان
يقولك عجبك عجبك رد ماعجبك لاترد ..!!!

المفروض المشرفين يكون لهم وقفة قوية مع هالنوعية من المواضيع

والاعضاء مستمرين على نفس الوضع
وهم ينقسمون قسمين


القسم الاول يرد عليك بهذا الاسلوب وهو عجبك عجبك .!!
والقسم الثاني يرد على الغير ولا كأنك رديت .!!!

بالله ياجماعه انا راضي ضميركم
يصير هالمواضيع والا لا .؟؟


قبل فتره طاحو بسالفه بااااااايخه

يكتب موضوع (حصريا مصريا قصريا ورسميا) طقم الهلال الجديد
وتقول بنفسك اخيرا الإداره نزلو الطقم الجديد
وتتفاجأ يقولك طقم الهلال الجديد من تصميمي

طيب كيف تكتب رسميا طقم الهلال

والشي الثاني ادري طولت عليكم هو
يقول المفروض يجيب الهلال مهاجم اجنبي ترد عليه وتقول (مع احترامي لوجهه نظرك انا ضد ان الهلال يجيب مهاجم اجنبي الي عندنا يكفي ومايصلح نشيل من الاجانب وكذا )
يرد عليك ويقول هذا رأيي عجبك عجبك ماعجبك بالطقاق
رجعنا لنفس الموااال

طيب انت كاتب موضوع المفروض تتقبل آراء الآخرين
ماينفع تفتح دولابك للناس وتقولهم انت لاتقول كذا وانت قول كذا


على العموم اتمنى تتفاعلون مع الموضوع ولاتطنشون وانسو نظرية المؤامره لحد يقول هذا يقصدني انا مااقصد احد كل اللي اقوله المنتدى بالفتره الأخيره يحتاج لوقفة من الاعضاء قبل المشرفين عشان تتغير بعض المواضيع لغير مقبولة