[ع ــزوز]

السلام عليكم ورحمة الله وبركاته

مساكم الله بالخير | صبحكم الله بالخير

كأول موضوع في منتدى الهلال واحس اني تهورت يوم ضغطت على اضافة موضوع جديد

طبعاً اول هدف من الموضوع هو الفضفضه

ثاني هدف من الموضوع اني اتفلسف واظهر ابداعاتي الفلسفيه

في هذه الايام امر بنفس الاحساس اللي تمر فيه جنوب افريقيا

وهو الكآبه و الطفش و تحس ان نظامك غبي و انه راحت عليك الوناسه وكل شي

بعد ان تم السحب علي من قبل العائله الكريمه وسفرهم صرت وحيد

نوم الى المغرب سربته وبلوت الى الفجر ونوم الى المغرب و هكذا

وربي تمر لحظات الواحد يحس نفسه بقره ياكل و يشرب ويخمد

الا تحس ان البقره زايده عنه شوي بما انها متزوجه وعندها مسؤوليه

وانا لي الله

طبعاً الموضوع اقرب ما يكون لفضفضه فتكفون خلوني اخذ راحتي

بعد 4 ايام زواج واحد من العيال تخرجت انا وهو سوا السنه اللي فاتت وجعل ربي يهنيه ويطعمه الحلال

طبعاً يوم افكر فيها واعوذ بالله ان يكون حسد لكن هالحين انا خلصت سنه وباقي لي ست سنوات الين اخلص دراستي

يعني لا زواجي و لا زواجك الين بعد ست سنوات

وبعدها سنتين علشان تطلع اللي في راسك يعني هذي 8 سنوات محروم

طيب هذا هو الحرمان براسه و كراعينه

طيب قلنا بننحرم وناكل تبن و جا يوم ونزلت السوق بالغلط

والله يا تتعب نفسك و تكره ابو هالحياه

وتضطر والعياذ بالله للعلاقات الغير مشروعه

لاحد يجي ماشي مليون ويقول انت ضعيف ايمان علشان ما امسح بوجهه الارض

انا اتكلم عن نفسي و اعترف اني مقصر وكل ابونا مقصرين

وطبعاً لو قلت بتزوج واعف نفسي تحس تو باقي ما طلعت اللي في راسك

وباقي بدري جداً

بشكل عام تخبط فكري ابن سته وستين كلب وانتم بكرامه

فاللي عنده حل يرحم امه يقولنا يمكن يكسب فينا اجر ويريح اذاننا اللي تقطعت من هالمكالمات و يريحنا من هالوسوسه و الخطوط اللي نمسكها قبل النوم

بس