[روبين هود]

السلام عليكم ورحمة الله

كيفكم ان شاء الله بخير

نخش في الموضوع

الموضوع ومافيه اني خريج من الجامعة ولله الحمد من قسم الإعلام تخصص صحافة نشر الكتروني بتقدير جيدجدا

وهذا كله بفضل الله علي ومنته

والان وصلت للمحك الحقيقي والذي اصرف فيه كافة جهودي السابقة

وقلت اجي هنا استشيركم بين خيارات ثلاثة أنا شخصيا أفكر فيها ولا استغني عن تنويركم لي في امور أخرى قد أغفل عنها من باب فتح رزق للعباد ومحبة الخير لأخواننا المسلمين
فالخيارات الثلاثة هي:

1- الاعادة في الجامعة أو جامعة أخرى ((وهل يمكن أن اكون معيدا في تخصص التسويق؟؟)) أو ادرس على حساب الجامعة فيما بعد تخصص التسويق وانا معيد في تخصص الصحافة؟؟

2- الابتعاث الخارجي والذي يكون تبع وزارة التعليم العالي بعثة الملك عبدالله للمرحلة السادسة

3- دخول العسكرية والدورات العسكرية في وزارة الدفاع والطيران



آمل منكم ابداء الراي مع الاسباب والخبرات

وتنويري في اشياء مو ببالي

واقدم لكم شكري



أخوكم يوسف الهذلول

[اللافندر 8]

اولا :: الف مبروك التخرج

شوف يالغلااا انا ما افهم في هالامور وكم اتمنى ان اخدمك لكن للاسف ..

عمومااا انا ارى في البدايه ان تستخير الله في امرك .. ثم ترى الشي الاقرب اليك والانسب بالنسبه لك في الخيارات

الثلاثه اللتي وضعتها .. فرغبة الشخص اعتقد لها دور كبير .. في تحديد مستقبله ..

العذر والسموحه عالتقصير .. وعلى عدم مقدرتي على مساعدتك .. فيما تحتاجه بالظبط

من كل قلبي اتمنى لك التوفيق في حياتك المستقبليه ..

[s.Milandini]

مبروك التخرج ..
اسمح لي ، بأختصر قدر الإمكان ،،

بالنسبة للسلك العسكري .. فهو شرف وفخر أن تخدم به بلادك ..
لكن اعلم أنه ستتغير عليك أمور جذرية لم تتعود عليها من قبل ..
وستظل معك حتى ما بعد التقاعد إلى ما بعد 40 سنة إن شاء الله ..

حاليا ً وبالنسبة لي ، أفضل أن تتقدم بالإبتعاث الخارجي .. وتكمل الدراسة
تقدم إلى أي الجامعات الأمريكية أو البريطانية ، واختر التخصص المناسب
والمطلوب في سوق العمل بالمملكة .. ثم استعن بالله وتوكل عليه ..

وقبل كل شيء ، استخر ربك في الأمور كلها .. وبالله التوفيق

[برهوميـ]

دام معك جامعي لاتوفر الفرصه وشف لك واسطه في الامنيه سنتين وتطلع ضابط وان ماحصلت فوزارة الدفاع والطيران كلها سنه وتصير ضابط .. والمعيد زين اذا لك نفس دراسه
والابتعاث رايي انك تخليه اخر حلولك لان الغربه صعبه


الله يوفقك وويوفق الجميع

[وينك يالزعيم]

إقتباس الرسالة الأصلية كتبت بواسطة برهوميـ دام معك جامعي لاتوفر الفرصه وشف لك واسطه في الامنيه سنتين وتطلع ضابط وان ماحصلت فوزارة الدفاع والطيران كلها سنه وتصير ضابط .. والمعيد زين اذا لك نفس دراسه والابتعاث رايي انك تخليه اخر حلولك لان الغربه صعبه الله يوفقك وويوفق الجميع

انـا معاه بكلامه

[4th Hokage]

أنا والله ما أقدر أقولك وش تسوي..
لكن أقدر أحذرك من "الإبتعاث" بحكم إني مبتعث..
لا تفكر بالابتعاث لأن ما وراه إلا الغربة و فايدة الدراسة هي نفسها اللي بتلقاها في السعودية..
لكن إذا كانت أحوالك المادية صعبة فأنا أنصحك بالابتعاث لكن بشرط أن تكون من فئة "المجتهديين"،، يعني إذا بتبتعث لازم تحط في بالك من الحين إنك تشد حيلك و لازم تعرف إنك "بتشتاق" لأهلك وربعك مهما كاابرت..

أتمنى لك التوفيق ولا تختار إلا الدرب اللي ترتاحله حتى لو كان أصعب من باقي الدروب..

[ỳάṡṣẻя]

,,,

وعليكم السلام ورحمة الله وبركاته
ألف مبرووك التخرج الله يوفقك
أنا من رأي أخوي برهوميـ الأمنية خيار ممتاز

,,,

[^ABO FaHaD^]

الله

يوفقك

يالغالي
وكل واحد رزقه مكتووب

واستخر وربي معك ...........

[عادل بن ساعد]

هلا أخووي الغالي
ألف مبرووك و أتمنى من الله لك التوفيق في غايتك و أن
يصل بك مراقب الطموح و المعالي ,,
حقيقة يحق لك أن تحتار و لكن أسأل نفسك بماذا تميل
إليه و أستخر ربك الطريق الحسن , و إسأل من يعز على
قلبك , و كل مكتوب رزقه ,,
أسأل من الله لك النجاح في الدارين ,,
عادل

استخير اخوي وفكر كثير ..بس اشوف ان تكمل دراستك الجامعيه

وتكون بأذن الله معيد افضل

الله يوفقك ..

[روبين هود]

اللافندر 8 الله يوفقك ويجعلك ذخر واشكركك على مباردة الرد واخلاقك العالية واتمنى لك التوفيق

MOOOJ9 الله يخليك وانا راح اقدم ان شاء الله بالابتعاث الخارجي يوم 12/8 وراح نشوف اذا قبلوني اذا راح اطلع او لا واشكرك على ردك ومباردتك بمساعدتي

برهوميـ الله يوفقك وانا الامنيه فاتني التسجيل فيها لعدم علمي بها واما وزارة الدفاع فسجلت فيها والاعادة راح اقدم باذن الله عليها شكرا لك من كل قلبي أبو خليل

4th Hokage أقدّر لك مشاعرك الأخويه تجاهي ولكن لماذا تقول ان الابتعاث مو زين وانت مبتعث؟ اريد ان استفيد من خبراتك وانت على اي بعثة وكيف الأمور عندك؟ وماهي الوظيفة التي تنتظرك هنا؟ وكم اتمنى لك التوفيق في دراستك وان تاتي لنا هنا وانت مفعم بالشهادات العالية والمناصب الرفيعة

ỳάṡṣẻя الأمنية فاتنتي التسجيل ولكنني لحقت بوزارة الدفاع واشكر لك استشارك لي وبالتوفيق

ابو خـالـد عسى الله ييسر وراح استخير الله سبحانه واشكر لك تواجدك ووقوفك معي

Mr.Adel الله يبارك فيك أخوي عادل واتمنى لك التوفيق حبيبي واشكر لك مشاعرك الجياشة تجاهي واتمنى ان الله ما يحرمني منك ويكثر من امثالك اخوي عادل

كغّيــــم تشوف ان المعيد افضل؟ وجهة نظر ممكن تكون مضمونه باذن الله واشكرك اخوي على استشارتي واتمنى لك التوفيق

[4th Hokage]

إقتباس الرسالة الأصلية كتبت بواسطة روبين هود 4th Hokage أقدّر لك مشاعرك الأخويه تجاهي ولكن لماذا تقول ان الابتعاث مو زين وانت مبتعث؟ اريد ان استفيد من خبراتك وانت على اي بعثة وكيف الأمور عندك؟ وماهي الوظيفة التي تنتظرك هنا؟ وكم اتمنى لك التوفيق في دراستك وان تاتي لنا هنا وانت مفعم بالشهادات العالية والمناصب الرفيعة

أنا والله ياخوي شفت من أصناف المبتعثين كثير.. فيه منهم "اللعاب" وفيه منهم "المجتهد" و للأسف اللعابين أكثر..
عشان كذا أقولك من ألحين لا تفكر في الابتعاث إلا إذا كنت حاط في راسك إنك بتشد حيلك..

أنا والله مبتعث في أستراليا، أدرس هندسة صناعية..

[Miss.nora]

الف مبروك التخرج
و انا نصيحتي لك
تخلي الابتعاث اخر شي
و اذ حصلت لك الاعادة قدم عليها
لانك اذا صرت معيد شرط اساسي انك تكمل دراستك
و بالتوفيق لك

[maistro2t]

ما شاء الله ألف مبروك التخرج

شف و أنا اخوك أنا نفس وضعك بالظبط , اللهم بس كلية الهندسة

و جالس أدور لي وظيفة يبتعثوني و انا موظف عندهم << طرار و يتشرط
و إذا ما حصلت الله يخلي برنامج أبوعابد

الأمينة أشوفها قهر على معدلك و دراستك , و آخرتها عسكري , إلا أذا انت تهواها

الأبتعاث خيار ممتاز قدم عليه ولا أنت خسران شي

الأعاده , ما أدري أذا أنتو نفس كليتنا تبتعثك ع حساب الجامعه
إذا كانو بيبتعثونك فأنا أقول قدم عليها حتى راتبهم ممتاز, بس طبعاً لا رجعت تراك بتخدم عندهم

و أنت عاد أستخر وشف اللي يناسبك

بالتوفيق لك

[الضحى]

خذها نصيحة أم ..الله يحفظك .


تستخير ربك عدة مرات .


ونصيحتي تبقى للإعادة على نية أنك تقدم للدراسات العليا بعد عام من العمل تكون قد


أكتسبت خبرة وتتضح لك الأمور ...أنا أشجع الإبتعاث ولكن بعد ممارسة العمل لمدة عام .


أسأل الله العظيم رب العرش العظيم أن يوفقك ويسعدك وينفع بك البلاد والعباد


وتكون نموذج للمسلم المثابر ..اللهم آمين وأولادي وجميع المسلمين .