[لـ ع ـيـون يـاسـر]

بسم الله الرحمن الرحيم ..

صباحكم / مساؤكم .. خير

في البداية ابارك لكم صفقتي الجيزاني والجمعان .. وما زلنا بانتظار ظهير ايمن وقلب دفاع ..


مدخل / لا اجد طريقة اعبر فيها عن شكري وامتناني لك يا محمد الدعيع ..
قدمت اروع التضحيات .. لا تساوم ولا تزايد قبل تجديد عقدك .. دائما توقع على بياض ..لكن هذه هي سنة الحياة .. وحان موعد الفراق يا اسطوره ..بكل تأكيد نتألم .. ونبيكي ونتحسر على فراقك .. لكن لا نملك الا ان نقول سهل الله دربك ووفقك اينما حللت وارتحلت


بالنسبة لموضوعي .. وعذرا سأتحدث بالعامية .. علها ان تكون ابلغ

مثلكم عارفين حبايبنا الزعماء الكوتش قيريتس وقع عقد مع المنتخب المغربي .. ومسأله خروجه للمغرب مسألة وقت ..
ومن الآن قيريتس يخطط لقيادة المنتخب .. ومن الآن يحاول يقنع بعض اللعيبه اللي اصلهم مغربي انهم يلعبون لمنتخب المغرب . وما يلعبون لاي منتخب ثاني ..

قيريتس ما راح يكون له اي طموح مع الهلال .. حتى لو كان طموحه كاس اسيا ما راح يتحمس لها كثير . .لعدة اسباب ..
اولا انه حتى لو فاز بكاس اسيا .. ما راح يدربنا بكاس العالم .. وعلشان كذا ما عنده دافع قوي للفوز ..
ثانيا : ان عقده وقعه خلاص .. وما جعل الله لرجل قلبين في جوفه .. خلاص تفكيره مع المغرب ..

وعلشان ما يكون فيه لبس .. جيريتس مدرب كبير وقدير .. وقدم كورة حلوه بالهلال .. ومتعنا خلال موسم خرافي .. لكن الهلال لا يقف على اي مدرب ..

انا اشوف وحسب وجهة نظري الخاصه .. اننا نقول لقيريتس بيض الله وجهك وتسهل الله يسهل دربك .. والوجه من الوجه ابيض .. اذا وافق يوقع مخالصه او نحوله للفريق الأولمبي لين يقضي عقده ويروح للمغرب ..

واتمنى من الإداره تجلب مدرب كبير سواء كالديرون او غيره ..
لأنه بيكون عنده دافع قوي وقوي جدا لتحقيق بطولة اسيا ..

يعني ابي المدرب يتغير من الحين .. قبل المعسكر .. معه 3 شهور قبل مباراة الغرافة يمديه يتعرف على اللعيبه وقدراتهم


وش رايكم .؟