بالبدايه امسي عليكم بالخير ,,,
اللي صاير في المنتدى امر محزن مبكي ومفرح ..
فعلا جميع ماذكرت موجود
خلال هاليومين الماضيه شاهدنا جميع انواع واشكال الاشاعات فعلا عندنا صحافه اشبه ماتكون بالمنجمين
كلمه صحيحه والف كلمه كذب ... ما ان نزل الخبر بإن جريتس سافر الى المغرب إلا وتفاجأنا بالاخبار عن انتقال المدرب الى المغرب والتوقيع مع المغرب اشياء تستوجب مننا الوقوف عندها والتفكير فيها هل فعلا وقع جريتس مع المنتخب المغربي ؟
طيب وين الثقه يا أصحاب الثقه في ادارة النادي ؟
كم مره صرح شبيه الريح بأن المدرب باقي الى نهاية عقده هل تعتقدون بأن هذا نوع من التخدير .!!
وش المصلحه طيب من التخدير مصيرنا راح ندري ان المدرب وقع مع المنتخب المغربي صح ولا انا غلطان
طيب الان طالما ان شبيه الريح صرح بالشي هذا ليه مانكون على تمام الثقه بالكلام اللي هو يقوله ونلتفت لأمور نادينا ونشوف اوضاع فريقنا ونكتب مواضيع تفيد بالطرح والمضمون ومنها نعدل الاخطاء الموجوده في الفريق بشكل عام وننتقد الشي الموجود فقط ونبتعد عن الاشاعات اللي لا تودي ولا تجيب سببنا انهيار في نفسيات الاعبين والسبب الاعلام وكلنا على ثقه بأن الاعلام ماكتب لنا الصحيح مجرد اشاعات ومع ذلك نقنع انفسنا بأن المدرب راح ووقع وخلاص ..
طيب خلونا نفرض بأن جريتس وقع وراح يمشي وين المشكله ؟
هل الي جابه عاجز عن انه يجيب افضل منه ؟
فعلا نحن كجمهور فينا اصناف .
الصنف الاول : وضعهم محزن وهم اللي معاهم معاهم عليهم عليهم . ينزل موضوع عن توقيع جريتس تلقاهم يصدقون هالشي والردود مؤيدين للخبر وبنفس الوقت ينزل موضوع ينفي توقيع قريتس تلقاهم ينفون هالشي والردود تنفي كذلك .
الصنف الثاني : وضعهم مبكي فعلا هالنوع هذا اللي انا اشك في وطنيتهم وانتمائهم لنا كسعودين بغض النضر بأننا نشجع الهلال تلقاهم يسبون في المدرب والاعبين والاداره يصدر منهم ردود والله انك تتكدر من وضعهم فعلا يسببون شوشره في المواضيع والواحد منهم يبي الاداره تجيه للبيت تاخذ رايه بالتعاقدات او بأوضاع الفريق انا عن نفسي اقولهم ياخوان ما انتم مجبورين تشجعون الهلال فيه كذا فريق توجهو لهم وشجعوهم .
الصنف الثالث : وضعهم مفرح وفعلا يتميزون بثقتهم بإداره النادي ولا يلتفتون للإشاعات وتلقاهم في كل المواضيع على نهج واحد ماهو في كل موضوع له راي مره مؤيد ومره معارض بعكس ذلك .
اتمنى مننا كجمهور بإنا نكون من الصنف الثالث ونبقى على ثقه بالإداره الهلاليه ونترك عننا الاشاعات
وكلنا ثقه في لاعبين الهلال والله يوفق فريقنا والاسيويه هالسنه بعيون هلاليه
الوضع الشجري
