[الزعيم الناري 0503]

السلام عليكم ورحمة الله وبركاته

من زود الفضاوة تخيلت مجلس فيه مجموعة من مشجعي الجار

اتمنى ماحد يفهمني غلط جيراننا كثير منهم الشباب والرياض

يمكن اقصد واحد منهم الله اعلم المهم في هذا المجلس صاروا يتناقشون في امور ناديهم العائد بقوة

للساحة والسبب بسيط لانهم تعاقدوا مع مدرب صاحب تاريخ كبير ومشرف والدليل انه مايبقى مع نادي

واحد موسم كامل وهذا يبين انه مدرب مطلوب

البداية كانت كالعادة مع جارهم اللدود اللي مستواه مو قد مستواهم ليش مو قد مستواهم لانهم لعبوا

اربع بطولات وجارهم ماطلعهم بشكل مباشر الا من ثلاث بطولات بس والرابعة ماقدر يفوز عليهم

مسكين هالجار مايقدر عليهم قالوا واحد اتركونا من النتايج وخلونا في اللقب الجديد بصراحة ماتحسون

ان مافي منافسين لنا في نتيجة التصويت يعني انفردنا بالصدارة وحافظنا عليها حتى النهاية وهذا دليل

على جماهيرية النادي اللي كل يوم تزيد بسبب البطولات المتتالية من تصويت زين لاكثر شعبية لنادي

القرن يعني وصلنا لقلوب الجماهير باسهل طريقة مو جارنا اللي اخذ اللقب من شقة غرفتين وصالة

في لندن يعني السالفة كلها غش في غش اما لقبنا اخذناه بجهد وعرق لان صوت الجماهير هو الصوت

الاصدق والاقرب للحقيقة (مدري وين صوت هالجماهير في تطوير الفريق)

قال واحد يعتبر عاقل اتركوا جارنا وخلونا في الصفقات الجديدة وش رايكم فيها وبدا النقاش المثمر

يعني تفاح على جوافة على ليمون

اول واحد قال بصراحة اهم شي عندي اللاعب الاصلع راح لاني مااقتنعت في مستواه من البداية

(تكفى يامورينيو)

جاك الثاني ماشي 2000 قال بصراحة يكفي اللاعب الشرقاوي اخذناه وهو يشجع جيراننا

وهم ودهم يشترونه بس فكره احترافي اختار الفريق الافضل (يعني بعد كل جولتين ثلاث يكون

هو لاعب الجولة طبعا بالطريقة المعتادة التصويت اولا)

اما الثالث متحمس يقول جبنا لاعب من نفس جنسية لاعبهم ونفس المواصفات بس الفرق ان

لاعبنا هادي واخلاق ومايحب المشاكل (ومايسجل فاول من نص الملعب في اخر دقيقة)

وختمها الرابع ومسوي يحب الفريق انا بالنسبة لي مااقول الا فريقنا بمن حضر يعني فريقنا ممتاز وماعليه

كلام (لا وانت الصادق فريقكم بمن صوت)

خاتمة / اعتذر على الفضاوة الزايدة بس قلت قبل الاختبارات اسوي قصص وروايات لان الاختبارات بتسوي

فينا روايات بوليسية واكرر مرة ثانية لاحد يفمهني غلط جيراننا كثير