[XxROYALxX]

السلام عليكم ...

مساء الخير شباب / صبايا

اليوم كنت قاعد اقلب بالمفضلة بجهاز أخوي

وأحصل مقطع رهــيب لجمهور تركي

والله لو يلعب ريال مدريد بملعبهم بيخاف منهم

تخيل لو جمهور الهلال زي كذا في الملعب وش يصير بالخصم ؟؟
نبي ننشر المقطع هذا حتى الجمهور يتعلم عليها طوال الثلاث أشهر


http://www.youtube.com/watch?v=zQZRcNnPOQ4


تحياتي
لكم

[@الل990ورد@]

الجمهور التركي من أقوى الجماهير المؤثرة بالعالم وحماسي بشكل ررررررههيييب يعطيك العافية

[راقص السامبا_7]

جمهور اكثر من رائع


لكن انا ما يعجبني غير جمهور البرسا اه بس

[الزعيم2200]

يابن الحلال كم مرة قلنا نبي نزين كذا وكذا ولا نشوف شي ازين جمهور شفتة ويرعب المباراة الأخيرة للهلال امام بونيدكور هاذي افضل شي شفتة

[hadeel alyahya]

جمهور مرررررررررررررررعب

يممممه وقسم بالله يخوووووفون

ليت جماهير السعوديه كذا

>>> بس حنا من عذرنا لاملاعب تساعد على التشجيع وامن يرفع الضغط والجو حااااااااااار

حتى المويا يالله تشربون من امن الملاعب الله ياخذهم

[الشلهوب -10-]

جمهور اكثر من رائع


لكن انا ما يعجبني غير جمهور البرسا اه بس

[hilaly al7afar]

ياويلي ويلااااه لو جمهورنا زي كذا ^_^ ..

[أبوعبدالـلـه]

لو جمهور الهلال كذا بنفوز على الغرافة بخمسة مع الرحمة
اما النصر والاتحاد بسبعة
ههههههههههههههههههههههههههههههههههههههههههههههههه

عموما بالتوفيق

[ReeM Alfala]

..
.


كم مره قلناها مافيه فايده !!

وحلوه يتعلمون عليها 3 شهور هههههه يعني لهدرجه خايفين من الغرافه والله لو أنه برشلونه .

[m!ss هـلآليـه]

وااااااااااااااااااااااااااااااااااااااو .. جمهور مجنووون !
اتمنى اشوف مثل هالجماهيـر فـ مُدرجاتنا : )

[الهلال-اسامه هوساوي3]

طيب ليه ناظر برا
خل نشوف بالداخل اقرب مثال
الي هم الأتحاد والله انهم يرجون الملعب رج
ياخي يوم نهائي الملك اخذت احد القنوات مقابله مع القرني رئيس رابطة الأتحاد قالو له عطنا اهزوجه عن الأتي قال 1 2 3 ويغني والجمهور معه ويوم راح لرئيس رابطة الهلال قال 1 2 3 وغنى لحاله والجمهور سحب عليه ههههههههههه
والله شي يضحك وبنفس الوقت يرفع الضغط
اتمنى الجمهور الهلالي يصير حماسي لأن الحماس له دور في اداء اللاعبين

[شمااالي]

‘نت قدييييييييييييييم , الموضوع مكرر عن الجمهور هذا ,,

[abu_sol6an]

مانبي كذا على طول

نبي حماسنا في مباراة بنيدكور بالضبط

[هــلالـــــ(تـمـيـم)ـــــيـ]

يارجال جمهور الهلال يبغى بس حماس

ويفتك من زعاج البطاطي وطقته ,,,,نفس مباراة بونيودكور

[حبيب الهلاليين20]

نبغى زي مباراة بندكور ويكفي.........