[بو فيـصـل]

نعم .. أنا زعلان جدا..

الفريق ممتاز و مقدم مستوى كبير .. الكل يتفق معي ..

لكن الفريق محتاج إلى لاعبين في بعض المراكز

كامل الموسى راح و سكتنا .. كامل المر راح و سكتنا ..

و بعده القحطاني عبدالرحمن توه موقع للنصر ..

و حنا جالسين نناظر ..

الفرق كلها تشتغل إلا حنا نايمين على الموسم اللي راح ..

الموسم الجاي ورانا آسيا .. و أدوار نهائية و بعدين عندنا دوري .. يعني نحتاج إلى لاعبين من طراز عالي ..

و بالنسبة للي يقول عندنا لاعبين في خط الوسط كفاية ..

أنا أقوله ما عندنا إلا ويلي و الشلهوب و نيفيز ..

صحيح عندنا العابد و الفريدي و الدوسري .. لكن هؤلاء لاعبين صغار الخبرة و المباريات الكبيرة تنقصهم ..

ألحين ما بقى إلا يحيى الشهري و راشد الرهيب ..

إن شاء الله على الأقل واحد منهم نشوفه بشعار الزعيم ..

بالنسبة لراشد الرهيب .. فهو فرصة ذهبية .. أدري بتقولون لي يونج .. يا إخوان أنا أكثر واحد معجب بالكوري .. لكن الكوري كم بيجلس معنا .. الموسم الجاي و بيمشي.. أنا أفكر لبعيد .. راشد راح يكون محفز للكوري و للزوري .. بحيث نلعب الكوري يسار و الرهيب يمين .. في حال نزول مستوى الزوري أو الإصابات لا قدر الله .. و بعدين إذا راح الكوري وين ندور على ظهير يمين ..

و بالنسبة للشهري لاعب يلعب في أي مكان في الوسط و لاعب فنان ..

أتمنى توصل رسالتي ..

و إلا ترى سنندم على عدم شراء هؤلاء اللاعبين ..

أتمنى تحرك سمو الأمير و أعضاء الشرف و تكاتف الجميع في هذه المرحلة المهمة و الحساسة ..

و يعطيكم العافية جميعا ..