[البالون]

بسم الله الرحمن الرحيم
السلام عليكم ورحمة الله وبركاته



الحقيقة كتبت هذا الموضوع بعد موقف صار لي اليوم مع أحد أصدقائي من مصر ..
قاعدين نتكلم في الكورة و طبعا يكلمني عن فريقه المفضل اللي هو (الزمالك) وانا أكلمه عن (الهلال) ..

قال لي حبيت الهلال بعد ما شفت هدف ذهبي لنواف التمياط على الكويت (يقصد اللي بكأس اسيا2000) ..
ومن بعدها عرفت هاللاعب والهلال .. ثم قال ابيك اليوم ترسل لي الهدف من اليوتيوب .. قلت (ابشر) !!!

والله واتصفح اليوتيوب والف و أدور ابي الهدف .. بعد جهد كبير لقيته وبجودة سيئة جدا ..
الحقيقة بعدها انغبنت .. لأني بحثت عن مقاطع مهمة للهلال ونجومه وما حصلتها

اللي يقهر من جد .. هدف ياسر في كأس العالم
تخيلوا ما حصلته ع اليوتيوب وهو تقريبا من أهم المقاطع اللي يفتخر فيها أي سعودي مو (هلالي) بس .


بعدها تتبعت الموضوع وجدت ان هناك سببين رئيسين لقلة مقاطع الهلال وندرتها :

1- شكوى ART ضد اليوتيوب واللي ساهم في حذف أغلب أهداف الهلال ..
2- جيراننا الفاضين .. واللي استلموا مقاطع الهلال و صوتوا ضدها (طبعا اذا المقطع جاء عليه عدد معين من الاعتراضات ينحذف دايركت) ..


والآن .. محد ينكر أهمية واجهة الهلال في الانترنت واللي أشوفها من خلال اليوتيوب
لتحسين صورة الهلال ونجومه ( عربيا ) وهذا المهم و المطلوب و ( عالميا ) وهذا الأهم والمفيد من وجهة نظري ..

الطريقة هي بالترتيب :

1- كل واحد يرفع المقاطع اللي عنده خصوصا القديمة والمهمة ..
والأهم من رفعها هو تسميتها باسم مناسب بالعربي والانجليزي ..
( طريقة الرفع ابحث عنها في اليوتيوب وتحصلها )

2- التصويت على كل مقطع تمر عليه للهلال ..





( الطلب الثاني ) واللي ما يقل أهمية .. هو من المصممين المبدعين الهلاليين .. واللي يتحفونا دائما بابداعاتهم !!

طلبي هو اننا لاحظنا في الفترة الأخيرة منكم عدم الاهتمام بالمضمون بقدر الاهتمام بجودة الفيديو ..
يعني صرتوا تهتمون بالاخراج أكثر من مضمون الفيديو من أهداف أو مهارات للاعبين ..

أتمنى الاهتمام والابداع في المضمون قدر اهتمامكم و ابداعكم وتألقكم في الاخراج ..




واعذروني لسوء تنظيم الموضوع ( شكــرا لكم ) ..!