15/05/2010, 12:28 AM
|
| زعيــم متواصــل | | تاريخ التسجيل: 14/09/2009
مشاركات: 135
| |
|
المختصر المفيد لما ورد في برنامج (ساعه في الملعب) الذي يستضيف عبدالرحمن بن مساعد
استضاف برنامج ساعه في الملعب على بانوراما FM عبدالرحمن بن مساعد
بداية البرنامج كان ترحيب حار من ماجد التويجري بالضيف عبدالرحمن بن مساعد ..
ماجد : بارك لسمو الأمير بالتأهل ونقل تهاني كامل طاقم الـ mbc
وكان اول سؤال وش كنت ترميله لما قلت بعد التأهل لو ما تأهل الهلال سأستقيل ..؟
فـ قال عبدالرحمن انو قبل المباراة ما صار فيه اي تصريح بخصوص الإستقاله كما كتب بعض الصحفيين ومن غير المنطق ان اصرح بتصريح كهذا قبل المباراة .. اما بعد المباراة .. قلت لو كل اللي صار بهالموسم من جهود للمدرب واللاعبين والحضور الجماهيري والمبالغ المصروفه ما ادت للتأهل .. حـ يكون هذا شي محبط .. وابستقيل علشان اتيح الفرصه لغيري وبكل تأكيد سأكون مع الرئيس الجديد قلبا وقالبا وسأدعمه كأي عضو شرف اخر ..
فاصل
بعد بداية البرنامج وبعد اعلان الأرقام بـ 3 دقائق وصل اكثر من 35 رساله نصيه
نواصل
ماجد : خالد عزيز لاعب مهم نجم كبير قصه عريضه بين فتره وفتره ينقطع عن التدريبات والإداره تؤكد بدون عذر العقوبات موجوده .. متى ينتهي هذا المسلسل .
خالد عزيز لا يختلف عليه اثنان انه الأفضل والأبرز في المركز اللي يشغله وقد يكون من اهم اللاعبين باسيا هذا الكلام بشهاده جميع المدربين اللي تعاقبوا على الهلال لكن المشكله ان الموهبه الكبيره لا يمكن ان تكون ذا قيمه اذا لم يكن يوازيها ادنى درجه من الإنضباطيه انت تتحدث عن أربع أو خمس أو ست غيابات وفي ادارات مختلفه ومدربين مختلفين ومدراء كره مختلفين اذا المشكله ليست في هؤلاء وانما المشكله في الشخص نفسه وانا رأيي في خالد عزيز احبه كشخص واعتقد انه من اطيب الناس اللي تعاملت معه بطيبه القلب واقول له من خلال هذا البرنامج من غير المعقول ان تضيع الموهبه في اسلوب غير انضباطي وعدم التزام لأنه مهما كانت الموهبه في الوقت الحالي عدم الإنضباط بأي حال من الأحوال يجعل عمر اللاعب قصير خصوصا اذا كان مع مدرب محترم
يعني بنهاية الأمر لاعب موهبته اقل وانظباطه اكبر بكل تأكيد اهم من لاعب موهبته كبيره وغير منظبط ..
يعني خالد عزيز عنده مشكل مزمنه بتفكيره ومتى ما تغلب على المشكله فإنه سيعيش امجاد عديده وسيكون مؤثر لمنتخب بلاده ولناديه
سمو الأمير طرح موضوع انو خالد ممكن يطلع احتراف لنادي خليجي تحديدا السد القطري هل هذا مطروح او كلام جرايد .؟
والله المشكله اخوي ماجد ان الموسم انتهى واحنا امام تقييم السيد قيريتس والكابتن سامي بعد 5 أيام وعلى ضوءه سيتقرر من سيبقى ومن سيعار وفق الخطه اللي وضعها المدرب لاحتياجات المدرب
سمو الأمير لا ابالغ اذا قلت برضه انه اكثر من 20 رساله تستفسر عن موضوع رادوي وانه لن يبقى .. ويقول البعض انه بسبب امور ماديه
ياخي المشكله ان الصيف توه بادي يعني الجرايد ماهي لاقيه وش تكتب .. أتمنى ان تملى الصفحات اذا ما فيه اخبار صحيحه بالكلمات المتقاطعه احسن
يعني رادوي ينتهي عقده 2012 وقلت سابقا واقوله الحين .. المدرب باقي .. لي يونق جددنا عقده نيفيز باقي 3 سنوات ويليهامسون باقي سنتين
ماجد سائل يقول.. متى يستقيل سمو الأمير .؟
انا ماني حريص كثير على البقاء في الوسط الرياضي اقول لك ليش ؟ لأنو اسباب كثيره منها ان الوسط الرياضي مرهق بكل المقاييس يعني انا لما ادخل في عمل لازم ادخل فيه كلي يعني اعمل بكل امكانياتي وهذا مرهق بشكل العائلي والجسدي والمالي .. والهلال يستحق اكثر من ذلك..
يعني انا ولله الحمد والمنه ولله الحمد والمنه ولله الحمد والمنه كنت مشهور قبل ان ادخل الوسط الرياضي
يعني المكاسب بالنسبه لي محدوده .. مثل المحبه اللي الاقيها والأشخاص اللي تعرفت عليهم ..
وعدا عن ذلك كل مافي الوسط الرياضي يعبر عن ذلك .. تصفيه الحسابات .. الحقد .. الأمور تؤخذ بحساسيه ..
سمو الأمير حتى ايمن رزق ( مخرج هذا البرنامج ) ماله علاقه لا بالشعر ولا بالرياضه
قال لي وهو يحضر للبرنامج ( الراقل ده خطير )
سمو الأمير فيه واحد اسمه ارسل يمكن 10 مسجات يقول اهم شي انك تكون باقي يا سمو الأمير ويكون عقدك مع الهلال مدى الحياة ..
سمو الأمير عبدالله الفارس يقول هل هناك عضو شرف داعم في الهلال .؟
خلني اكون اكثر وضوح .. بعض الأشخاص اعزهم واقدرهم كانو يتكلمو عن عبدالعزيز بن فهد
الحقيقه ان عبدالعزيز بن فهد لم يدعم نادي الهلال بأي شي
الحقيقه الثانيه ان الخير اللي انا فيه بفضل الله ثم بفضل عبدالعزيز بن فهد ..
تأكد انه لم يدعم الهلال مباشرة بأي حال من الأحوال .. لأنه شخصيه اعتباريه .. ولن يدعم نادي واحد
هذا سائل يسأل يقول ابو فيصل اتمنى تكوين لجنه استشاريه مكونه من ( الخالدي و الخراشي و الحسيني و ابوثنين والشنيف والبطي )
يعني اذا كان موسمنا بهالنجاح وموسمنا ناجح محتاجين لجنه استشاريه كما ذكر .. اذا كان موسمنا فاشل وش بنسوي .؟الجهاز الفني بقايدة السيد جيريتس على مستوى عالي والجهاز الإداري بقياده سامي الجابر متميز جدا .. والحمد لله الأمور ماشيه ونتائجنا تؤكد ذلك .. ما ذكر اناس نعتز بخبراتهم ولكن لا اظن اننا بحاجه الى لجان
هل الأسماء اللي ذكرت وطرحت في السؤال اكفأ من سامي وقريتس ونواف بن سعد
الأسماء اللي ذكرتها فيه منهم اشخاص نستفيد منهم بشكل مباشر .. يعني انا سبق وسألت خالد الشنيف وأخذت رأيه بأمور تخص النادي .. كذلك نستمع اليهم في البرامج والتحليلات .. ونأخذ بآرائهم ..
الأخت منال تقول انا عندي طلب من سمو الأمير .. نريد ان يلعب الهلال مع فرق مثل انتر ميلان ( اعتقد تقصد في المعسكر )
معاها حق احنا بشكل مؤكد سنلعب مع ليفربول وبقي خطوات بسيطه لكي نلعب مع ارسنال .. ايضا فريق الماني كبير لا يحضرني اسمه
سمو الأمير احدهم يقول نريد لاعبين مميزين امثال القحطاني والشهري واحمد الموسى وراشد الرهيب
اعتقد اولا ان اغلب اللي ذكرت لاعبين وسط مهاجمين واحنا عندنا وفره بهالمركز .. الشلهوب والدوسري والعابط ونيفيز والفريدي ....
وكذلك احنا لدينا مدرب سيحدد اللاعبين الذين يريدهم في النادي لكن تواجهنا مشكلتين .. اتمنى الجمهور يحط في باله امرين
الأمر الأول .. في الأمانه ومع احترامي لجميع الأنديه اللاعبين اللي ممكن يشكلوا اضافه للهلال ليسوا كثيرين .. بل اقول ان احتياطي الهلال ممكن يلعبو كأساسيين في اكثر الأنديه
الأمر الثاني .. اللاعبين المؤثرين من الصعب انو انديتهم تتخلى عنهم ..
واحنا ممكن نستقطب اسماء يقول المشجع وش نبي فيه او ما نحتاجه .. لكن يتأكد اننا ما جبناه الا حسب حاجه المدرب وخططه ..
فاصل
ماجد من طول الفاصل الواحد يستطيع ياخذ غفوه ..
ايه طال عمرك تجيب دراهم الفواصل
ههههههههههههه الله يزيدكم
سمو الأمير .. ليه ما يوضع حد للأخبار الصحفيه الكاذبه وما دور المركز الاعلامي تجاه ما يحدث
من خلال تجربه سنتين بالبدايه كنا اي خبر كاذب واي خبر غير صحيح نطلب من المركز الإعلامي ينفيه .. وبعدين اكتشفنا انو لو تفرغنا لنفي جميع الأخبار ما راح نحصل وقت للعمل في النادي ومن الآن احب اقول للجمهور الخبر الصحيح والرسمي سيصدر من المركز الإعلامي وموبايلي الهلال ..
يعني بعض الإخوان في بعض المطبوعات يقول لك الهلال سيتعاقد مع اللاعب الفلاني .. ويجيب لك 15 اسم .. ولما يتعاقد اللهلال مع اللاعب .. يجي يكتب لك كما انفردنا بالخبر سابقا ..
ياخي انت ذكرت 14 اسم غلط
سمو الأمير تركي السويلم يقول عميد حراس العالم محمد الدعيع هل بيستمر الدعيع او بيعتزل
محمد الدعيع نبغاه يبقى معنا لين يحس انو هو غير قادر على العطاء .
لكن بإذن الله وبعد توفيق الله هو اللي راح يرفع كاس اسيا
سمو الأمير بالفريق هذا والنجوميه اللي حققها تتحدث عن بطل دوري وبطل ولي العهد والمشاركه بجميع النهائيات .. وش اللي انت حاس انك محتاجه ليكون الهلال اكثر تميزا .. ويحقق كاس اسيا في الموسم القادم
اول شي توفيق رب العالمين .. لأنو احنا مهما عملنا من غير توفيق رب العالمين ما راح نحصل على شي .
بعد ذلك يأتي دعم الجميع ..
يعني اتمنى من جميع محبي الهلال انو يدعمونا .. يعني منظر الجمهور في المباراة الأخيره اقسم بالله العظيم ما تتخيل تأثيره
يعني منظرهم والطريقه اللي كانوا متفاعلين فيها هذا هو اللي نحتاجه من الجمهور ..
الشي الثاني محتاجين دعم من اعضاء الشرف ومن السعوديين ككل ..
الشي الثالث احيانا يكون السكوت من بعض الأعضاء دعم
سمو الأمير نهله عاشقه الزعيم تقول ابغى تقول لي اطرف موقف تعرضت له هالموسم ..
ذكره ماجد بالمشجع اللي جلس يناظره بطرف عين لما لي يونق ضيع كوره .فذكر سمو الأمير امور كثيره وانو يتنرفز كثير بالملعب وينرفزه الناس اللي تجي تصور اثناء سير المباراة وامور كثيره تخليه احيانا في مشاهده المباراة بالتلفاز ..
سائل يقول ما حقيقه اصابة ياسر القحطاني ..
اللاعب الآن في ليون وسيجري عمليه يوم الثلاثاء القادم وسيحتاج لأكثر من شهر كتأهيل ..
الدكتور يقول لياسر انت اقوى لاعب بالدنيا .. يعني فعلا حاله الفتق كانت سيئه جدا فيه تمزق وفيه شعر في عظمه ( نشكر ياسر لتحامله على اصابته من أجل الهلال )
واحب بهالمناسبه اشكر نواف بن فيصل لأنه كلمني يقول اي شي تحتاجونه واي عقبه تواجهكم بطريقكم لتحقيق البطوله الآسيويه علمونا عنها وسنحاول في تذليلها لكم ونفس الكلام قاله لخالد البلطان
اسئله بشكل سريع يا سمو الأمير ..
ابرز النقاط التي جعلت الهلال بهذه الوضعيه فريق بطل وقوي ومن الصعب جدا ان يهزم
توفيق رب العالمين اولا .. جهد كبير من الجهاز الإداري بقياده سامي .. الإعداد الجيد من قيريتس واجهزته الفنيه والطبيه واهم الأسباب احساس اللاعبين بالمسؤوليه ورغبتهم في تعويض جماهيرهم بعد اخفاق الموسم الماضي بالإضافه لأهم عامل وهو دعم الجماهير ..
طيب الهلال في المواسم الماضيه كان يسجل بصعوبه ماللذي غير شكل الهلال .. الكل يسجل الان.؟
الحمد لله رب العالمين وهذا بفضل الله ثم بفضل قيريتس .. كنا العام صعب يتسجل فينا لكن ما نجيب هدف الا بطلعة الروح .. المباراة الوحيده اللي ما كنت راضي عنها وحسستني انو هذا هلال الموسم الماضي هي مباراة الإتحاد
وكل الفرق تواجه هالمشكله ومستحيل تلعب كل الموسم بنفس المستوى ..وبرشلونه كأقرب مثال ..
يعني بالمواسم الجايه بنركز على بطولتين .. الدوري وأحد الكأسين ..
يعني الموسم هذا والماضي اخذنا ولي العهد .. الموسم الجاي بنركز على الدوري وكأس الملك
طيب سمو الأمير سامي من اكثر اللاعبين اللي خدموا الهلال .. وسامي يواجه ضغوطات كبيره ما رأيك عن ما حدث تحديدا بمباراة النصر ..
سامي كانت ردة فعله طبيعيه لما حدث من امور لو تم اتخاذ القرارات فيها كام ممكن تفيدنا بالإياب لكن مبالغ فيها وغاب عن مباراتين مهمتين .. واتمنى مستقبلا ان يكون اكثر هدوء مع انو بعض الأحيان الواحد ما يقدر يتحكم بأعصابه ..
|
الوضع المتطور
