- !!- الله الله يالجمهور بالحضــورً , وســأمي الجابر عيـونك فضحـتك :( !!
السلام عليكم ,
لاحظت وانا اتجول بالموقع التفاعل الكبير الملموس من الجماهير الذي يبشر بخير باًن درة الملاعب راح تمتلي اليوم بيوم تاريخي للهلال وللاستاد ,
حبيت اتطرق لموضوعين بنفس السياق ! الاول عن الجماهير والاخر عـن سامي الجابر ,
اخواني اعضاء الشرف الداعيمين دوما ( الجماهير) ,
انـتم شمعة الانجازات ووقود محركات الهلال اليوم يومنا ياجماهير نريد التفاعل المشهود عنكم ووقفتكم الصادقه الدائمه وقوة حناجركم واصواتكم لناديكم فهذا هو انتم وبكلمكم بصراحه اخواني عن بعض النقاط الي تزعجني وحبيت اوضحها لنستمتع بهذا اليوم /
. اول شي حبيت اذكركم آن هذي المباراه اخر مباراه بالموســـم والذي يعتبر من افضل المواسم للهلال واقواها , لذلك بعد هذه المباراه يالربع راح تفقدون الهلال لثلاث اشـهر او اكثـر على بال مايبدا مؤسم الدوري السعودي من جديد فعلشان تسذا (كذا) نبي نودع الهلال توديعه صـغنونه
ونملى المدرج بروح وهيبة جمهوره
..ثاني نقطه وهي الاهم ( التفاعل )
مثل ماذكرت سابقا انها راح تكون اخر مباراه موسم وبنقد الهلال ثلاث اشهر
فياليت من الجمهور الي راح يحضر يتفاعل ويستهيش ويسمعنا حلاة صـوته ويرفع المعنويات وعن نفسي اخواني ماشوف راح تخسرون شي او ذاك التعب الي بيحصل لكم واذا على وجع الحنجره فحنجرتك اذا ماوقفت مع الهلال من راح توقف مـعه !؟
وابد بعد المباراه لا تفتح حنجرتك لثلاث اشهر آن بغيت
... ثالث نقطه الرابطه <~ لازم ولابد يجيب طاريها
اتمنى من الرابطه تريــح شوي مسامعنا بين فتره وفتره من استهاشتها , وتبعد عنها الطبول والطق والهجولـه
لانها ترسل مؤجات غريبه للجمهور تصيبهم احيانا بالخمول وعـدم التركيز من اثار الطق والهجولـه والصراخ الي مايفيد ولا ياخر -
كلي امل تكون الرابطــه بطموح الهلالين وامالـهم
وناتي لمحورنا الثاني بالموضوع والذي اعتبره اضافه فقط لمكوناته - - سأمي الجابر
شدني صـوره لسامي وهي لقطت له بالمؤتمر الصحفي للمدربين قبل مواجهة الليله فتاملت عيون الذئب والذي احزنني حالها
دعوني اعرضها لـكم
<~ احبك والله ياســامي وتشهد عروق قلبي
عيونك ياسامي فضحتك , نعم تشتاق لايام النزالات وسميتها نزالات لان الفريق كان يلعب بـروح الهلال المعهوده منه
ويقاتل لاجل الفنيله الي يرتديها وكنت خير مقاتل ياسأأمي
صوره اتعبتني يوم شفتها , واضح ملامح الظلم من الايقافات والتعب من الازحات ’
ومزاولت الخطط لايقافـه وتهميش تاريخـه ’
جعلك سالم ياســامي وحفظك ربي وحمااااك
وابعد عـنك حسادك ومن يـريد ابعـــااادك
مصير الاســـاطير تبقى تاريخ وقيم وحضارات وحب شعب وانت جمــعـتهم كلهم ب (مأدبة قلبـك )
الله يحفظك ,
نلتقي بعد الفوز آذا لعب الهلال بـروحه واوج مستوى جمـهوره .. باذن الله
كليجا
ـــــــــــــــــــــامــــــــــــــ 
الوضع العادي
