[**هلالي الصميم**]

السلام عليكم
اسعد الله اوقات الزعماء الأبطال فوق أي ارض وتحت أي سماء
اعزائي الزعماء بدون اي مقدمات من غير مجاملات ومن غير زعل ايه نعم من غير اي زعل
نحن معاشر الزعماء لا نقبل الا بالمركز الاول ولانرضي بغيره حتى ولو كنا طرف ثابت في كل النهائيات نحب دايما ان هلالنا هوالبطل وهو كذلك دائماً
امس زعلنا وعتبنا على الفريق وفيه احد يقول لاتعتبون ابدماشاءالله عليهم ماقصروا وسووا اللي عليهم طول الموسم وزياده لكن اخي الزعيم الا تتفق معي انه من المنطق ان نقول للمحسن احسنت وللمسيء اسئت نعم السكوت عن اخطاء الفريدي القاتله هذا اكبر خطاء تقولون لي ليش؟كلكم شفتوا الفريدي في اخرثلاث مباريات اثنتين منها كرت احمر وكملها بالنهائي ضربة جزاء احس انها ضايعه من كل قلبي لابد نقوله وش السالفه مو علشاننا مانحبه لا بالعكس احنا نبي نصحح الاخطاء ولازم الكل يعرف ان جمهور الهلال عاشق متيم واولهم الفريدي لانه مو على كيفه يلعب بمشاعر الهلاليين.
نيفيز مفهههي في عالم اخر ولايدري هل هو في الملعب ولافي سريره من كثر ماهوبارد ونايم
المرشدي وهوساوي ياسلام على مخارج الطوارئ اللي فاتحينها قدام الخصم مافي ازفت من كذا ولا لايفوتك لابدوا يتصادمون قدام الباب والله انهم يصيحون ويضحكون بنفس الوقت
ويلي شكله امس ماله خلق يلعب من غير نفس
والله العظيم اني احبكم يانجوم الازرق لكن هذا عتب محب والله ان مصلحة الهلال هي فوق كل شئ
حسن العتيبي والله انك بطل وتستاهل كل خير وشيك موقع على بياض للتجديد مع الفريق مستميت على الاخر ولاهي غريبه على نجوم الزعيم لانه هذا طبعهم اللي نعرفه عنهم.
عمر الغامدي الف شكر لك ماقصرت.
ياسر محاولاتك مشكور عليها لكن السقوط الكثير اثر عليك وكان لازم انك تركز على التسجيل اكثر.
نواف العابد مبدع جداً في تكسير الخصم اكثر من لعب الكره.
سلمان الفرج يعتقد انه في مباراة وديه وتحصيل حاصل.
عيسى المحياني اتمنى من جيريتس يفهمه ويعطيه فرصه.
الادارة من الرئيس ونائبه ومدير الكره النجم سامي الجابر واعضاء الشرف والاداريين وكل العاملين بالنادي شكرا لكم لاتكفي ابداً
جيريتس والجهاز الفني شكراًولكن ولكن ولكن انتبهوا على الفريق ترا شكله مش ولابد هاليومين وثقتنا فيكم كبيره ولا فيه شي يصعب عليكم باذن الله
يشهد الله علي اني ماكتبت هذا لشيء غير حب الهلال وكل ماينتمي للكيان الازرق.
سامحوني ان قصرت او قسيت على احد مع جزيل شكري
دمتم بود والى ان نلتقي ونفرح قريبا يوم الاربعاء
بالتوفيق لزعيمنا الغالي