[الضرغام الازرق]

السلام عليكم ورحمة الله وبركاته ..



مساءكم زعامة وبطولات .. وصباحكم لاعزاء للحاقدين <<



سأبدا بالنقطة الثانيه .. وسيكون شاهدا على كلامي كل من حظر المباراة .. قمة القهر والغبنه



انك تملك أكبر قاعده جماهيرية في الخليج العربي وتكون عندك رابطة سيئة بمعنى الكلمة رابطة



حواري ان جاز التعبير اكثر ..ما رايناه في النهائي من الرابطة شي يرفع الضغط ويجيب الهم



والسكر ويصير حالنا مثل حال جمهور النصر من ناحية رفعة الضغط وارتفاع السكر .



شوفوا رابطة الاتحاد افضل رابطة في الخليج العربي .. جمهورهم ما يوصل 11 الف مشجع وتحس



انهم 100 الف في الملعب والسبب ان قائد رابطتهم استطاع ان ينتقي الاهازيج المناسبة وفي الوقت



المناسب .. اهازيج قصيرة الحانها جميلة معانيها قويه .. ورابطتنا من يا هلال عزك عزنا الى حبيبكم



مين واهازيج بايخه والحان سامجه ومعاني ذابله .. وفوق هذا يقلدون رابطة الاتحاد عيني عينك



امس من قوة اهازيج الاتحاد وتفاعلهم استحيت اني في الملعب والبركة في رابطتنا .. والبلا فوق كذا



مجلس الجمهور الهلالي وش فائدته .. ما نبي مجلس جمهور يجيني المدرج ويقول لا احد يجلس على



الدرج والا ينظمون الاعلام اللي يشيلها الجمهور .. ابي مجلس جمهور ينظم الجمهور يفعلهم .. مو



مجلس كلهم يستحون يكلمون الجمهور .. او ما لهم قيمة في الملعب .. الجلوس على الدرج فيه رجال



امن يمنعون هذا الشيء .. رابطة الاتحاد اجبرت اكثر من 25 الف هلالي حظر المباراة على السكوت



والانبهار من ادائهاالفعال واللي نتائجه كانت على ارض الملعب .. وراح افصل لكم وش سوا الجمهور



الهلالي في ظل اختفاء الرابطة السيئة فيما تبقى من الموضوع .. بس الحقيقة عيب والله عيب اللي



صاير في المباراة .. قمة المهزلة ورفعة الضغط .





وصلت للملعب الساعه الخامسة والنصف تماما .. وكان شارع جابر زحمة والبركة في التنظيم الامني



قصيت التذاكر ودخلت للمعب .. انتابني شعور رااائع وانا الجمهور الهلالي حاظر وكان الملعب بيمتلي



عن بكرة ابيه .. ما ان جلسنا حتى بدأ الجمهور الهلالي بالعد من 1 الى 5 .. وترديد رقم 5 وهو ما اثار



غضب الجماهير الاتحادية القليلة في ذاك الوقت وبدات بترديد نيفيا .. الجو كان شوي حار وشوي كتمة



بس لعيون الزعيم كل شي يهون .. بدا الزحف الجماهيري الهلالي والاتحادي كذلك .. وما زال عدة



اشخاص اتمنى ان يحلوا محل الرابطة يقودون الجمهور الحاظر باهازيج جيدة نوعا ما مقارنة بالرابطة



في السادسة دخل واحد نصراوي ومسوي فيها طرزان بن فرناس ولكن رجال الامن مسكوه مع رقبته



وحطوه في الغرفة اللي جنب بوابة 24 يبون يمزحون معه شوي لانه استخف دمه وخفة الدم يقابلها



خفة دم بكل تاكيد .. نرجع للمدرج الجمهور الاتحادي بدا يتكاثر والجمهور الهلالي ببطء يزحف للملعب .



أذن المغرب وصلينا ورجعنا للمدرج .. وبدات افضل رابطة في الخليج العربي باطراب الجميع بالاهازيج



الرائعه وسط غياب الرابطة الهلاليه المزعجة على غير سنع .. بعدها دخل لاعبي الاتحاد الى ارض



الملعب لتحية الجمهور الاتحادي اللي بادلهم التحية .. طبعا الجمهور الهلالي قابلهم بصافرات



الاستهجان وترديد رقم 5 .. في هذه اللحظات بدات الرابطة بازعاجها بمايكات ضعيفة لا نكاد نسمعهم



والرابطة الاتحادية متفاعلة بشكل كبير وكانه يعطون رابطتنا درس مجاني في كيفية قيادة الجمهور



بدا بعض الافراد بتكوين مجموعات على هيئة روابط رغبة منهم في تكوين رابطة موحده بعيدة عن رابطة



الازعاج ولكن سوء التنظيم بينهم جعلهم شلل كل واحد يغني عى كيفه .. هدات الامور وساد الصمت



فجاة من دون سابق انذار .. انتظرنا اذان العشاء وصلينا ورجعنا .. ودخل حسن العتيبي وخالد



شراحيلي الى ارض الملعب وسط تصفيق حار وقوي جدا خصوصا لحسن العتيبي الذي للمباراة الثانية



على التوالي يحظى بعاصفة من التصفيق الحار .. ثم دخل مبروك زايد واحارس اللي معه وردد الجمهور



الهلال خمسة رغبة منهم في ارباك الحارس .. ثم دخل لاعبي الزعيم وبدخولهم التهبت المدرجات



وتعالت الصيحات .. وزاد الحماس ... وثم دخل لاعبي الاتحاد ولم يتمالك الجمهور الهلالي نفسه



فردد نيجيريا .. ثم سكت الجمهور الهلالي استمتاعا بالطرب الاتحادي .. في هذي اللحظات وصلت لقمة



الغضب والجمهور كذلك .. تخيلوا رابطة الهلال بدات تقلد رابطة الاتحاد في مشهد مخزي والله ..



باضرب مثالين .. رابطة الاتحاد تردد ياكلك .. شوي الا رابطة الهلال تردد نفس الاهزوجة .. قلت يمكن



توارد خواطر .. لكن بعدها جمهور الاتحاد باشارة من الرابطة يسوي الزلزال وتجي رابطتنا تبي تسوي



نفس الحركة .. وش هالتوارد والكثير الكثير بس ما ابي اغثكم واجد .



خرج الفريقان الى غرفة الملابس استعدادا للمباراة وسكتت رابطة الاتحاد وسبحان الله من توارد



هالخواطر وسكتت رابطة الهلال .





استعد الجميع لدخول اللاعبين لبداية المباراة .. وما هي الا لحظات ويخش اللاعبين غير المنضمين



للقائمة التي ستخوض المباراة .. صفقولهم الجمهور ثم دخل الاحتياطيين .. ثم جريتيس الذي حظي



بتصفيق حار ورد التحية للجمهور .. دخل لاعبي الفريقين لارض الملعب وسط صمت تام .. شكل



الجمهور اعجب بالموسيقى اللي صاحبت دخول اللاعبين ..





بدا اللقاء والكل على اعصابه .. واجواءرائعة وحماسية .. الجمهور الهلالي عين على الملعب



وين على رابطة الاتحاد المميزة .



انتهى الشوط الاول دون اي حدث يستحق ان يذكر .. انتظرنا الملك الله يحفظه وادينا النشيد الوطني



والكل وضع يده على قلبه خوفا من القادم لان الشوط الاول كان الهلال سيء .



بدا الشوط الثاني .. والاتحاد مسيطر .. حتى سقط ياسر داخل منطقة الجزاء واخذ كرت اصفر



ردد الجمهور الاتحادي عبارة ياسر وينه .. فرد الهلاليون خمسة ولكن شكل باقي في قلوبهم شي



فرددو نيجريا نيجيريا. اتت ركلة الجزاء الاتحادية وبعض الجمهور ينوي بالخروج ولكن بصوت ضعيف



من بعض الجمهور .. يقول اجلسوا يمكن تضيع .. وبالفعل ضاعت .. هي بس ضاعت والمدرج يشعلل



ويصفق ويطبق الزلزال ويتراقص .. ويحاولون بث الحمس في اللاعبين المرهقين .



مرت الاشواط الاضافيه على خير واتت ركلات الحظ وخرج الهلال وخرج الجمهور الهلالي واولهم



انا من الملعب . وكلن راح لبيته وباقي حسافة ان رابطة الهلال هي افشل رابطة في تاريخ كرة القدم



السعوديه .







نقاط ضرغامية /



1/ استغرب من الجمهور الغاضب من مستوى الهلال .. وكانهم لم يقرؤوا القصيدة التي مطلعها



لكل شيء اذا ما تم نقصان .. فلا يغر بطيب العيش انسان



هي الامور كما شاهدتها دول .. من سره زمن ساءته ازمان





2/من الطريف حقا انني الى هذه اللحظة لم اصادف اتحادي يحاول يغيظني بسبب الهزيمة ولكن



النصراويين هم من قام بهذه المهة .. وبعد كذا يزعلون لا قلنا جمهور المسيار



3/ الاربعاء القادم الهلال في حاجتنا اتمنى نكون في الموعد وندعم الفريق فالفوز والخسارة وارد



في كرة القدم وليس عيبا ان تخسر ولكن العيب ان تخسر بنفس المستوى .



4/اسال الله العلي العظيم ان يجعل الفوز للهلال على بونديكور انه على كل شيء قدير .



5/ اشكركم على المروووور واسف على الاطالة ونلتقي اذا اراد الله ذلك





ختاما / وش بيدي .. ما دام هذا اختيارك



فوق خدي .. دمعه تطلب اعتذارك