[Wo0o0LF]

بسم الله الرحمن الرحيم

اولا:احب ابارك للشعب الهلالي على المشاركه في جميع النهائيات واخذ 3 منها ونستنى الرابعه بكره انشاءالله

اللي بيقول وش الثلاثه اللي اخذناها يكون نسى ان السلام على
خادم الحرمين الشريفين بطوله الكل يتشرف بأخذها وهي اغلى بطوله
بس الجمهور الهلالي ما يرضى الا ان الكاس تكون من يد سموه وهذام ا تعودنا عليه

نتكلم عن النهائي شوي انا من وجهة نظري هذي المباراه مالها اية مقاييس اللي بيجد ويجتهد في ال90 دقيقه هو اللي بياخذها وان شاء الله لنا وهذا المفروض محد يتوقع اي نتيجه الا الهلاليين انفسهم صدقوني اذا امتلى الاستاد صدقوني محد راح يطلع منه منكم الا وهو مستانس ومتشقق فا ان شاء الله اننا نملي الملعب

ثانيا:انا متأكد انكم استغبتوا من نقطة المحياني للي في الموضوع بس لو تلاحظون ان المحياني سجل في نهائيين او نهائي ومباراه خلت هلالنا ياخذ اللقب ويفرح بالبطوله مع ان النهائي الاول ما اخذناه بس ان شاء الله يسويها المحياني ويسجل في الاتحاد عشان نقولهم هذا المحياني اللي اعتقدتوا انه مقلب ما رضى يطلع الا في الاوقات الحاسمه وان شاء الله المحياني وغير المحياني يسجلون وناخذ الكاس

ثالثا:انا متأكد مليون في الميه ان ما بين جيريتس وعزيز اي مشكله والدليل ان عزيز يتدرب مع اللاعبين في التمارين الجماعيه بس حبيت اعلق على كلام رئيسنا يوم انه يقول وش بيكون ردة فعل اللاعبين المنضبطين عندما يكون الحاجه وتستدعي تأتي باللاعب الغير منضبط وتلعبه طيب يا سمو الامير انا معك بس لو لعب الغامدي والفريدي كلهم هجوميين و بيكون فيه فراغ كبير وكبيير في وسط ملعب الهلال هذا اذا الله شافى الغامدي وتهيأ له اللعب طيب والغنام يا سمو اذا كان مستوى اللاعب المنضبط لا يرضي الجمهور الهلالي فالغنام له عيوب كثير ومنها عدم اجادة التغطيه وهي اهم شي نحتاجه في ظل غياب رادوي فانا ارى من المتوقع لا ومن الضروري ان لاعب في مقام عزيز و خبرته يلعب خصوصا اذا كان قدام الاتحاد الا اذا كان عزيز بيسوي زي ما سوى في نهائي الدوري السنه اللي فاتت فالغنام خير وبركه لكني اعتقد ان عزيز اكبر من كذا ومافي يعقد محمد نور زي مالكل عارف الا ابو عزه مع اني منيب راضي على غياباته بس الشكوى لله وهذي وجهة نظري انا والكل يقدر يقول وجهة نظره

ثالثا:انا سمعت ان سكولاري بيجي النهائي ويسجل ملاحظاته على الهلال ويشوف لعبهم بس شفني اقولك لو الهلال لعب في اسيا بروح الهلال وابداع نجومه صدقني لو انك قاعد في الاستاد من بداية الدوري لا لو انك قاعد في النادي وتشوفهم يتمرنون بنفوز عليكم ان شاء الله فلا ريفالدو ولا سكولاري ولا الاسماء كلها راح توقف في وجهنا في الاسيوية

واسف على الاطاله

تقبلوا تحياتي