[ازرقاوي]

اللي بالرياض والمناطق القريبه ترى مالكم عذر ..الله الله بالحضور للملعب لأن المباراة هذي لها نتائج قويه اتوقع ان جماهير الحالمي بعد المباراة تبي تقلب على رئيسها شكلهم خلاص يغلون غلي واحنا ان شاءالله نبي ناكلهم أكل ..اذن ياحبايبنا جهزوا نفسكم وعلى الملعب لافتراس فريق الدجاج وسامحونا على قل الكلافه ...
....
....
ياسر تراها ليلتك لاتفوتها فريق الدجاج صدقوا الكذبه ويبي يطيرون بالعجه اتوقع اندفاع نصراوي ولأول مره نبي نشوف ياسر من دون رقابه صارمه على فكره الغنام بيلعب هالمره وميزته الوحيده كوره الطوليه وهذي تبي تربكهم ولو رادوي يساهم بعد بالكور الطوليه الساقطه للهجوم عز الله راحوا ملح ...
....
....
الحلو ان الحكم اجنبي وعلى طاري الحكم يقولون ان خليل جلال الى هلحين وهو قاعد يلقط وجهه بعد ماشاف حكم البرشا والانتر وهو يطرد تياقو بالضبط كانت الحاله مشابهه لحالة فيقاروا اللي ضرب رادوي بالكوع لكن خليل لعب الخوف في راسه وصار جبان عموما اللي وده يشوف مقطع الطرد http://www.youtube.com/watch?v=sP3z7JEP26o
....
...
مبروك علينا الكاس الجديد بعد 11 يوم تاريخ 11|5|2010 كاس الزعامه الاسيويه "نادي القرن" تبون الصراحه والله حاله انا اخاف عليكم من الادمان على تعاطي الكؤوس والالقاب وعين الحسود فيها عود .. هاه تتطلعون للمطار تستقبلون الكاس أو مليتوا ؟؟؟ هالمره ماتتكرر الا كل 100 سنه يعني كلكم قدامي على المطار نبي نقلبها فله وناسه خلونا نزيدهم ضغط ....
.....
....
بتال النصراوي المتعصب يواجه اختبار جديد ..تذكرون اول ماطلع خبر نادي القرن الآسيوي كان بتال في برنامجه لاحس ولا خبر ليش من القهر اللي كان يعانيه ..الرجال انتفض وبدال مايهنيء الهلاليين طلع في برنامجه يشكك باللقب ..نشوف وش بيسوي بعد مايستلم الزعيم الكاس ويطير به للرياض ؟؟؟؟