[احبك..ياهلال..]

السلام عليكم

بصراحه انا اكتب هالموضوع بعد ما شفت التراخي من الجمهور الهلالي بخصوص مباراة الاياب امام النصر يوم الاحد وكانكم ضامنين التاهل...لدرجة ان المواضيع الحين مركزة على مباراة بونيديكور الي باقي عليها اكثر من 10 ايام ومباراة الاياب باقي عليها 3 ايام فقط..

انتوا تبونا ننهزم؟
تبون تنكبونا؟؟
كل واحد بس همه ينزل موضوع جديد فقط؟؟

بسألكم سؤال وجيه ممكن




احنا ليش تجمعنا في هالمنتدى ؟؟


اكيد لانا نحب الهلال ,,,
طيب دامنا نحب الهلال هل ترضون ان الجمهور يكون سبب الخسارة في الاياب لا قدر الله...

ابي تفسير منطقي للي قاعد يصير من اكثر الاعضاء في المنتدى؟؟؟
ليش المباراة ما بقي عليها شي وباقي نردد الخمسه؟؟
كانا نسينا ان النتيجة 2-0
والنصر ممكن يفعلها ويسجل قولين الشوط الول ويكون لاعبينا تحت ضغط نفسي كبيييييير فالشوط الثاني..

الله لا يقوله لاكن صدقوني احنا كذا جالسين نخدر لاعبينا,, على بالكم اللاعبين ما يدخلون المنتدى ويقرون ارائنا..
وش بيكون شعور اللاعبين اذا لقوا اكثر المنتدى يغني على الخمسه ويجر موالات الفرح...
طيب الى متى...


لو فاز علينا النصر وتاهل راح تكون هالخمسة نقطة سودااااااء في تاريخنا كهلاليين,,
لازم نعلن التحدي ونشحن انفسنا ولاعبينا ان المباراة الجاية هي مباراة اكون او لا اكون...

لازم نبعث روح الحماس باللاعبين,,
لازم يحسون بالمسؤلية وصدقوني احنا الي نأثر فيهم بشكل اكبر من اجتماع مع الادارة او مع مدرب..

اللاعبين ينتظرون اراء الناس الي تهتف باساميهم بالملعب اكثر من اي شخص ومتى ما لقونا متراخين وواثقين ومستهينين بمباراة الاياب راح يبردون مثل مباراة الدور الثاني اما النصر يوم كان كل الاعضاء يقولون بنفوز بخمسه زي ما فزنا على الاتحاد..
وللاسف ليت اللاعبين ما حضروا ذاك اليوم..

صدقوني الخوف ليس من لاعبي النصر,,الخوف من لاعبينا الي متى ما تخاذلوا مثل الشوط الثاني فالمباراة الاخيرة بعد ما سجلنا الاربعة قاموا اللاعبين يستعرضون بمهاراتهم...

وبالعكس متى ما لاعبينا حسوا بالمسؤلية واعلنوا التحدي وحسوا بتخوف الجمهور من اي مباراة تلقاهم يعلنون التحدي مع انفسهم ويقاتلوووون عشان الجمهور الهلالي وصعب اي فريق انه يجاريهم,,

خلاصة الموضوع اتمنى نأجل التغني بالخمسة لان التغني بالتأهل هو الاجمل,,
خلونا نأجل الحديث عن مباراة دور ال16 لان لسا بدري كثييير عليها وكذا راح نشتت تفكير الجمهور ومن ثم اللاعبين,,

خلونا نوحد مواضيعنا عن مباراة الديربي.. قيوم الاحد راح يكون يوم لا ينسى في التاريخ لان النصر لو فعلها وتأهل راح تكون تاريخية بحق الهلال,,, ولو يؤكدها الهلال باذن الله تعالى راح نسجل في التاريخ اقصاء النصر من ثاني نهائي في موسم واحد...
لازم يسجل التاريخ وقفة جمهور الهلال يوم الاحد..
لازم نحرق المدرجات بالحمااااس...

تكفوووون يا جمهور الهلال خلونا نركز بهالمباراة وبعدها راح يكون التغني بالتاهل احلى وامتع مع التغني بالخمسااات كل ابوها...


والسلاااام

[احبك..ياهلال..]

اتمنى الرفع باسرع وقت ممكن...
وشكرا للمشرفين كلهم

[ابو يعقوب افضل مهاري]

كلام سليم يجب موازره الفريق وبعدين نفكر في مباره الاوزبكي

[حمـ(الهلالي)ــد]

إقتباس اللاعبين ينتظرون اراء الناس الي تهتف باساميهم بالملعب اكثر من اي شخص ومتى ما لقونا متراخين وواثقين ومستهينين بمباراة الاياب راح يبردون مثل مباراة الدور الثاني اما النصر يوم كان كل الاعضاء يقولون بنفوز بخمسه زي ما فزنا على الاتحاد..

كلام سليم وصحيح للأسف ,, اذا تساهل الجمهور سيفقد اللاعب التركيز في المباراة لان حماس الجماهير هو مايدفع اللاعب للفوز ,,


شكراً لك والله يوفق الهلال

[مبارك الفضلي]

كلام سليم يجب موازره الفريق وبعدين نفكر في مباره الاوزبكي

[القيصر 13]

انا معك

المرحلة القادمة .. هي أهم مرحلة في هذا الموسم

[!هلالي حتى الموت]

يعطيك العافيه على الموضوع المهم ,,

دعوه لتوحيد المواضيع عن مبارة النصر فقط ونسيان الخمسه,,,


دعوه لتوحيد المواضيع عن مبارة النصر فقط ونسيان الخمسه,,,


دعوه لتوحيد المواضيع عن مبارة النصر فقط ونسيان الخمسه,,,

دعوه لتوحيد المواضيع عن مبارة النصر فقط ونسيان الخمسه,,,


دعوه لتوحيد المواضيع عن مبارة النصر فقط ونسيان الخمسه,,,

وبالتوفيق للهلال

[احبك..ياهلال..]

مشكوريييين عالرفع يا مشرفين

[احبك..ياهلال..]

مشكورين على المرور يا احلى اعضاء

[بردقـــا]

الله يخليكم ( لا إفراط ولاتفريط) لاتعطونهم اكبر من حجمهم
من متى النصر يجيب علينا 3 .....؟
تقول المباراه الاخيره انه جاب 3 اقلك انت غالطت نفسك لاسباب
الاول / التحكيم سيئ . الثاني / ان الهلال جاب 4 وتراخى ..
لكن ان نلعب والنتيجه على ( بيـاض ) صفر صفر ..وتبيهم يفوزون .؟
عزيزي المباراه مهمه جدا جدا جدا المطلوب مننـا كالتالى
1_ الحظور الحظور الحظور
2_ التشجيع المستمر
3_ اسكات من ( يسب ياسر ) .. ترى ياسر قال مابي لجنه تاخذ حقي وجمهور الهلال قادر على اسكاتهم
تكفوووووون نلبي طلبه ونرج الملعب رج
4_ الاحتفال بعد المباراه بإذن الله



خاتمه / ياحلوها من سنه ياهلال ماشاء الله تبارك الله

[سعود العساف]

حنا ماقللنا من قيمة النصر ولا المباارة الجاايه بس الجمهور قاعد يعطينا فكره عن الفريق الأوزبكي ....
وعن اهميته واهم الاعبين الي فيه ....

ولا النصر حااافظينه وعاارفين لعيبته وش تبينا نقول عنهم ......؟؟؟

وترى كلنا ندري انها مباراة مهمه ومصيريه

اما الاحتفال بالخمسه لازم اكيد نبي نستانس فيها

[iam.legend]

انا ماأقول الا شى واحد بس ’’



^



^



^


ياليت في عشره منك كان حنا بخير والله شى يقهر والله ياناس تعلمو من الدروس الي جتنا والي جت غيرنا اقرب مثال الي نبي نقابله الي هو النصر كان متقدم على الوصل بفارق هدفين والوصل بالاياب جاب 4

مانبي مواضيع كم نبي نفوز والي يقول تبي تجي تاريخيه واستهزاء بالخصم مهما كان ’’

باأختصار كره القدم مالها أمآآآن ’’

والى الامآم ياكاتب الموضوع ’’

[bredawy]

الله يوفق الهلال وجميع لاعبيه

[t3bk ra7h]

نعم ننسى الخمسه

ونركز على المباراه القادمة


والاهم الحضور الجماهيري

[memo2008]

لابد من الحضوووووووووووووووور

لابد من مسااااندة الزعييييييييييييييييييييم

استمتعوا بابداعات عيسى المحياني ومحمد الشلهوب في هذه المباراة