شباب الزعيم يخسرون كأس الدوري لصالح الاتحاد (مبروك للاتحاد) - نادي الهلال السعودي - شبكة الزعيم

غوار · #1 26/04/2010, 06:11 PM

شباب الزعيم يبتعدون عن كأس الدوري بخسارتهم من الاتحاد (مبروك للاتحاد)
خسر شباب الهلال أمام شباب الاتحاد بهدف وحيد سجل في نهاية الشوط الأول ..
حاول شباب الزعيم لكن اليوم لم يكن لهم .. العارضة صدت أكثر من كرة ..
لم يخسر الزعماء الكأس .. لكنهم ابتعدوا عن المتصدر بفارق 3 نقاط ولم يتنبقى إلا مبارتين
حظ أوفر لزعماء المستقبل ..
ومبروك شباب العميد ،،

شرقي · #2 26/04/2010, 06:15 PM

للأسف الهدف الملغي في الدقيقة الأولى سبب الخسارة
هدف في الثانية 7

أبوعبدالعزيز20 · #3 26/04/2010, 06:16 PM

هاردلك لشباب الهلال لكن مايصير اخر اربع مباريات يا تعادل او خساره؟

اتمنى التركيز أكثر مشكووووووور

Ricky 8 · #4 26/04/2010, 06:17 PM

الجهني والموسى ضيعوا المباراة بـ أنانيتهم

كل لاعب يبي يسجل الهدف بنفسه عشان يشوفه في موقع الزعيم

ويبي الجمهور يطبلون له

اقسم بالله فشل ما شفت مثله

فريق عقيم مافيه اي شي يبشر انهم يبون يتعادلون

في ارضك وتخسر من الاتحاد 1 - 0 ؟؟؟

الله يعين بس

الإمبراطوره الهلاليه · #5 26/04/2010, 06:18 PM

غريبه بصراحه ... انا ماشفت المباراه وش جآهم !!!!

الحين الدوري اخذه الاتحاد والا وش السالفه

حصان ابيض · #6 26/04/2010, 06:23 PM

هاردلك واهم شيء كسبنا نجوم للمستقبل بغض النظر عن الهدف الملغى

عشقي آلم · #7 26/04/2010, 06:23 PM

أجل الدعوه فيهـــا أنانيـه ..!!

قطــع ...

عالعموم .. موفقين خييييير ..وكويس إني مـ حضرت

كريم المشاعر · #8 26/04/2010, 06:25 PM

والله حراااااام ينهزمووون
بس فيه انانيه عند بعض اللاعبين

البردويل · #9 26/04/2010, 06:25 PM

عادي ياشباب

الف مبروووك للعميد ونحن نطمح لكاس الملك وكاس اسيا

السهم 20 القاتل · #10 26/04/2010, 06:28 PM

حظ اوفر ان شاء الله يعوضونها

سمسم سامي9 · #11 26/04/2010, 06:29 PM

هاردلكم باقي مباراتين امام الفقر وحطين كلها برياض

والاتحاد يلعب باقي مباريته خارج ارضه بالتوفيق للهلال وحصد الدوري

سواليف ليل · #12 26/04/2010, 06:29 PM

هاردلك ماقصرو

وخيرها بغيرها

تشكراتي

طيار هلالي · #13 26/04/2010, 06:30 PM

الله يستر السنوات القادمه صح بنحقق بطولات درجه الشباب بس وش الفايده اذا حققناها بفريق نايم مايطلع لك مواهب

قيريتس سياسته قوية جدا مع لاعب هالفئه ياخذهم للفريق الأول والأولمبي ومايسمح انهم يرجعون لدرجه الشباب حتى لو عمرهم يسمح

لأنه يبي الاعب يكون طموحه أكبر ويطور من مستواه أكثر وأكثر علشان يثبت نفسه بالفريق الاول

والمفروض السنه الجايه لو ماتتطور مستويات الاعبين الموجودين نستغني عنهم ونجيب لاعبين طموحين

الفريدي جاي للهلال ولعب الناشئين والشباب والاولمبي وكان طموحه كبير .. نفس الشي العابد والدوسري

نبي لاعبين بهالعقليه

كلنا شفنا المهاجم الي اسمه الجهني يقولون ممتاز ممتاز واليوم ماشفنا ممتاز والله الا لاعب عادي وأقل من عادي

وحرام تتابع فريق يحبونه ويشجعونه اغلبيه الشباب وتحصله يلعب بلاعبين أقل من العاديين

الاتحاد بجده مسيطر على مواهب جده اكثر من الأهلي وشي طبيعي

المفروض الهلال هنا يترك الواسطات ويخلي الاعب واسطته موهبته مو عمه ولا ابوه اذا كان واصل مع بندر بن محمد أو احد من الي تحته

محمد 22 · #14 26/04/2010, 06:31 PM

لالالالالالالالالالالالالالالالالا
وربي حرام
اخ والله قهر
ليش الانانية لييييييييييش توكم شباب وهذي بداياتكم يالله خيرها بغيرها ومبروك للاتحاد

الهــalhilalــلال · #15 26/04/2010, 06:35 PM

فريق اقل من عادي واللي ضيع الفريق العابد و شافي و عبدالله الدوسري اللي راحوا مع الزعيم لايران وتركوا فريقهم يخسر الدوري