مساء الخير لجميع الهلاليين
.. ومبروك الخماسية اليوم
.. والله يديم الأفراح علينا إن شاء الله
.. وعقبال البطولة
في موضوعي هذا راح أتكلم عن ثلاث نقاط :
1 ) أبغى أعرف الإيقافات اللي على الهلال والنصر المباراة الجاية .. لأني سمعت في لعيبة بيغيبون في الإياب ..
أتمنى اللي عنده خبر مايبخل علينا ..
2) بالنسبة لنامي اليوم قدم عطاء ممتاز يشكر عليه وتوج مجهوده بالهدف .. لكن ملاحظ فيه حاجه وهي إنه لاعب قوي هجومياً وسريع وحسب ما أعرف إنه مع فريقه السابق قبل يجي للهلال كان يلعب وسط .. أتمنى يلعب في خانة الوسط أو الجناح لأني أتوقع عنده قدرات كبيره في هالمركز الهجومي .. يمكن أحد منكم يقول ماله مكان بوجود ولي والفريدي والشلهوب والعابد والدوسري .. أقولك صح لكن ليش مايتم تجريبه في كأس فيصل أو المباريات المحسومه مثل آخر الدوري أو المباراة القادمة في بطولة آسيا أمام الفريق الإيراني بما إن الزعيم ضمن التأهل ..
3) الكرات العرضية الرأسية على الهلال سواء ثابته من فاول أو زاوية أو كرة متحركة عرضية تشكل خطورة كبيرة على الهلال .. النصر اليوم سجل فينا من كلرة عرضية وكذلك باسكال المباراة الماضية وغيرها الكثير .. وبالمقابل الهلال ضعيف بالكرات الرأسية لصالحه لما نجي لأهداف الهلال هذا الموسم بالرأس نجدها قليلة ممكن أربع أو خمس .. أتمنى المدرب والإدارة يشوفوا حل للمشكلة لأن الفرق الآسيوية تعتمد كثيراً على الرأسيات ..
أتمنى الموضوع يعجبكم بما أنه أول موضوع لي في منتدى الجمهور الهلالي
.. وإن شاء نرى تفاعلكم معه
..
تحياتي ..departed..
<<(( الإيقافات في مباراة الإياب .. نامي ومركزه الجديد .. الكرات العرضية ))>> 
الوضع الشجري
