اولا
- نحمد الله على الفوز التاريخي على الغريم التقليدي ودخوله موسوعة الهلال
الخمسية التاريخية ..
ثانيا
- الحكم خليل جلال اتقي الله بما فعلته بالزعيم كدت تقتله من الوريد الا الوريد ... انا ما اقول انه خليل جلال نصراوي لكن مشكلة التحكيم السعودي انه ينقاد خلف العواطف يعني يناظر نتيجة المباراة قبل احتساب الخطأ من عدمه وبعطيكم عدة امثلة 1-لمن كان الهلال متقدم بهدفين كان في كورة مشتركة بين ويلي وهزازي داخل منطقة الجزاء فأضطر هزازي انه يرجع الكورة للحارس والاخ بدل ما يشتتها مسكها
يعني كانت واضحة كوضوح الشمس انها متعمدة لكن الحكم ماشاءالله لا حس ولا خبر ولو كانت النتيجة متقاربة لكان له رأي آخر
2-كوع فيقاروا لرادوي !!!! كان الهلال متقدم بثلاث اهداف والقانون واضح (كوع=طرد)لكن الحكم شكله ماكان وده يزيد الطين بله
3- طرد الفريدي
الرجال زلق غصبا عنه يعني وش تبيه يسوي يطير مثلا وبعدين رجله مالمست اللاعب وطبعا كان الهلال متقدم بالنتيجة فشكله حب يطيب خاطرهم (وطبعا بعد طرد الفريدي انقلبت الموازيين)
4-ضربة جزاء ريان بلال بالله بأي قانون تحتسب بلنتي احتكاك عادي جدا ولكن ....
........... ومع كل هالاخطاء المؤثرة يطلعلنا الامير ممدوح ويصرح عبر الجزيرة الرياضية ويقول انه الحكم بسميه خليل هلال!!!! لأنه جامل الهلال كثيرا !!! وتحامل على النصر هو وحكم الراية ويقول ان حكم الراية احتسب تسللات غريبة على النصر!!!!!!! مدري وش تعريف التسلل عند هالامير ومدري اي مجاملات يتكلم عنها ؟؟؟ ما اقول الا حب خشم الحكم اللي قلص النتيجة لكم ......... واسف على الاطالة يازعماء .........
الوضع الشجري
