18/04/2010, 11:40 AM
|
| زعيــم متواصــل | | تاريخ التسجيل: 30/10/2006 المكان: L O N D O N
مشاركات: 173
| |
مـن آطاع غضبهـ اضاع آدبهـ ! فهل نغضب من ممدوح !؟
بسم الله الرحمن الرحيم
ابداء بالسلام عليكم ورحمة الله وبركاته ، من آكبركم الى اصغركم ، والله يسعد لي صباحكم وجميع ايامكم
ثانياً راح اتبع المثل القائل ( خير الكلام ما قل ودل ) واحاول اني ما اطول بالموضوع واعطيكم زبدة ما اريد الوصول اليه .
وعشان مانمللكم من الموضوع راح نخلي الموضوع بالعاميه لان اصلن مالي الا العاميه الله لايخليني منها 
الاغلب من الاعضاء سمع تصريح المشجع ممدوح والذي يعتبر مشجع وليس بكفو ليتسمى بعضو شرف نادي حواري مع احترامنا وتقديرنا لاندية الحواري ، بس يتحملوني ابلصمق المذكور اعلاه فيهم والله يعينهم على مابتلاهم، وطبعاً تعودنا قبل المباريات ( الديربي سابقاً ) والي يكونون طرف فيها امامنا ، بآستخدام كل الاسلحه الشرعية والغير شرعية ، وبما انهم في السنين الاخير لايمتلكون اي سلاح شرعي ، حتى نبيطه واجد عليهم فبدأو ببث سمومهم بآطلاق الشائعات وتصيد الاخطاء حتى لو كانت خارجيه ، ومع القوبع ماراحش تئدر تغمض عينيك
ولكن يا اخوان هذي دائماً حيلة الضعيف 
قال الشاعر وصفاً لهذه النوعيه الكريهه في مجتمعنا...
الردى حيلة المحتال ولا الضعيف
كل ماياصل الحروه رجع دونها
الردى للردي ولا الشرف للشريف
مايحافظ الأمانه غير مأمونها حتى هجاهم شاعر اخر ... ياشين وجهك يالرّدي عند لازمـــك
الله لا يبـــــــــــلى الأوادم إبفالك
لا واجه اللازم تغيّر معـــــــالـــمـك
تطلع علامات الردى في إسبالك
أنا أشهد إن الله من الطيب محرمك
ومتعارف بين الناس ان الردي ردي النفس ، ورداه يرجع على نفسه ، والردي عندما يكون صفر على الشمال في مجتمعنا ، وتجد الناس تبي تفارق خشته الشرق الاسيويه ، يحاول البحث عن مخرج للظهور مره اخرى للاعلام ،
على سبيل المثال وليس الحصر ، ممدوح يعتبر مظرب مثل فيما سردناه من قبل ، والان يحاول الظهور لكسب جماهير فريقه ، فهوا يعلم ان ذاك الجمهور موته من الجوع بس اهم شي يكون هناك ردى وفتن ، فهم يتفاخرون والعياذ بالله بالاشاعات والتحدث في اعراض المسلمين ، وهذا الكلام ليس من فراغ او من تآليفي ، ماعليك الا ترعص على منتدياتهم وتشوف القذاره المتواجده من اشاعات وصلت لاعراض اللاعبين ، ومن تحريض على ترديد اهازيج شوارعيه
ولو كان هناك بطوله للاشاعات لحققه ذاك الفريق قبل نهاية الجوله بثلاث جولات 
عشان ماحوس الموضوع واجيبكم نقطه نقطه  الحين عرفنا من هو الردي وشنهي طبايعهم وماهي عمايلهم
نروح للنقطه الثانيه والي اشوف كثير من الاعضاء مسوين احتقان عليها، وهي سالفة ليش الادارة ماترد على هالاشكال،،،
يعني بالله ماسآلت روحك ، لو كل شخص من هالضُعوف نقز لنا وصرح من الباب للطاقه ، وقال ياجماعه ترى رادوي شارب ( شاني ) وهذا نوع من المنشطات ، يعني الرجال افطر فول وحب يصبح على ربيعه وهو يعرف ان ( مود ) ربعه هو الاشاعات ومايهمه يحط في ذمته ، خصوصاً الذمه بريال هالايام، وحب يكون الفارس المغوار، لآن هذا ديدنهم للآسف لايحلمون بالبطولات حلمهم وهدفهم بالحياه كيف نجعل الهلال لايحقق البطولات 
وهذا تصرف الحمقى يا اخوان ، فاذا قابلك احمق بمثل نمونة هالحمقى ماذا تفعل معهم !؟ هل نجادلهم !؟
لا تجادل الأحمق .. فقد يخطئ الناس في التفريق بينكما هل نغضب ونرد !؟ من أطاع غضبه أضاع أدبه
ولكن قال الشافعي رحمة الله عليه
يخاطبني السفيه بكل قبح فأكره أن أكون له مجيبا
يزيد سفاهة فأزيد حلما كعود زاده الاحراق طيبا
و قال ...
اذا سبني نذل تزايدت رفعة و ما العيب الا ان اكون مساببه
و لو لم تكن نفسي علي عزيزة لمكنتها من كل نذل تحاربه
و قال ...
اذا نطق السفيه فلا تجبه فخير من اجابته السكوت
فان كلمته فرجت عنه و ان خليته كمدا يموت
ثم قال ...
قالوا سكت و قد خوصمت قلت لهم ان الجواب لباب الشر مفتاح
و الصمت عن جاهل او أحمق شرف و فيه أيضا لصون العرض اصلاح
اما ترى الأسد تخشى و هي صامته و الكلب يخسى(الرمي بالحصى) لعمري و هو نباح.
لذلك يا اخوان الرد على هالاشكال، هو عباره عن اعطائهم قيمه اكبر من حجمهم ، وليس كل من هب ودب وطلع يصرح يجب على ادارة النادي الرد ، فآدارة النادي اذا بكل اشاعه راح تطلع تنفي راح ننافسهم على بطولة البيانات، وما كدينا خير عقبها، وراح نشكك الناس بوضعنا ، نحن ولله الحمد واثقين من لاعيبينا وادارتنا وكل من ينتمي للهلال ، وهم الله يشغلهم بنفسهم يكفي الى الان تم كشف عينة لاعبهم المصري والله اعلم عن المستخبي ...
لذلك اتمنى الترفع وعدم الاللتفات لمن هم تحتك ، فعندما تكون بالدور العاشر وتخاطب من هو بالدور الارضي فسوف تسقط معه يوماً من الايام ، فآتمنى ان نترفع عن من هم دوننا
وردنا بآرضية الملعب ومن فوق المنصات  ووقتها نشحنهم بالباصات ونمشيهم بزعبيل الامارات
وبالتوفيق للهلال اسيوياً اولاً ونتمنى ان يكون جار بار بالجار العاق
في الختام
دمتم بصحه ومحبه وعناق مع البطولات
وغيركم يدوم بصحه وعناق مع الاشاعات |
الوضع العادي
