[hamad alhilali]

السلام عليكم ورحمة الله وبركاته ...




والله ماكان عندي نيه أكتب موضوع ولا شي ..

بس شدني توبيك من التوبيكات اللي بالمسن عندي

واللي هو :

( يلعبي الهم على كيف كيفه كأني حارس النصر والهم يآآسر )



والصرآآحه انا هنا سميت ياسر بـ (الهم )



لانه هم على قلووب النصرااويين ..








المهم نرجع لموضوعنا اللي هو ( هم النصراويين > ياســر < )



يــآآسر كان هم على النصراويين قبل لا ينتقل للزعـيم


يوم كان بنادي القادسيه ..


أخرجهم من بطولة كأس ولي العهد ..


ولكن جاء الخوجلي كالعادة وتضارب معاهـ بعد المباراة لان ياسر عذبه تعذيب


ولكن جاء الخبر الصــآآعقة على جمهور النصر ..


هو أن الهلال تعاقد مع هذا الـنـجم : يــآآسر القحطـاني ..


طبعا أول مباراة بين الهلال والنصر بوجود يــآآسر ..

حب يــآسر ان تكون له بصمه بهالمباراة .. والضحية كالعااادة نـآدي النصر .


فاستلم كورة من الآعب جيوفاني ..

وانفرد بالمرمى النصراوي ..


وكالعادة كان محمد الخوجلي .. يبي يــآآخذ الكورة من القحطاني ولكن هيهات هيهااااات



القحطاني مارس هواية التسحيب بالحراس كعادته


وخلى الخوجلي يتصافق رجليه بالأرض


المهم ..انتهت المباراة والنصر من بعدها خلو الخوجلي بالاحتياط ..

ونسقوا هادي شريفي ..


والسبب ( يــآآسر الـقـحطـاني ..)



وبعدها انتهى الموسم .. بخيرهـ وشرهـ

ورجع الخوجلي لابداعاته المعهوودة .. <--- ايه هين



ولكن الخوجلي حظه ردي دآآآيم




ان الهلال بيقابل النصر ...


وكالعادة القحطاني حطله بصمه بالمباراة هذي ...

ولكن موب أي بصمه ..


لان الهدف جــآآء بالكعب ..

وبسبب هذا الهدف اتهموا جمهور النصر ان الخوجلي هو الفاااشل ..

وكالعادة عاقبوا الخوجلي بابعداه عن فريق النصر ..

واعارته لنادي سدوس بـ 60 ألف <--- الددسن أغلى منه



هاهـ عرفتوا اللحين ان يــآآسر هم على نادي النصر




وبعدهاجاء الضحية الأخرى ( اللي هو محمد شريفي )


ولكن هالمرة يــآآسر ناوي يحط بصمة غييييييير عن أي بصمة


لانه سجل هدف .. ببطنه


وكالعادة محمد شريفي قام يمشي على يديه ..


وكالعادة الله يهديه ياسر قطع رزق محمد شريفي

وأبعدوا محمد شريفي عن النصر ..



ورجعوا خالد راضي لحراسة المرمى الأصفر


ولكن كالعادة يــآآسر سجل فيه هدف ..


وكالعاادة رجعوا محمد الخوجلي للنصر ...


ولكن أبو سعيد كالعادة سجل فيه هدف لن ينساهـ النصراويين ..

هدف موب أي هدف ..


هدف كووبري




اللحين عرفتوا ان يــآآسر هم عـلى الـنـصر ..


ولكن رجعوا خالد رآآضي ..لعله ان يكون أفضل من اللي سبقوهـ


لكن ياسر مايرضى انه يخليه يروح بدون لا يسجل فيه هدف أسطووري كعادة القناص

استلم ياسر القحطاني كرة عرضية من ويلي ..

وكل اللي يتابعون المباراة يحسبون ان ياسر بيلعبها على طول برآآسه ..

ولكن موب ياسر اللي ودهـ يسجل هدف أي كــلآآم ..


يـــاسر لازم يسجل هدف اسطوري وتدريس للأجيال القادمه ..


ثبت الكرة على صدرهـ بهدووء داخل منطقة الـ6 يارده .. <-- لاحظوا على الست ياردهـ


ونزلها بهدووء على مرمى النصر ..



عجزوا يوقفونه بأي طريقة ..

بالملعب .. <-- والله تبطووون

بالكــلآآم <--- ياسر يتبع المثل اللي يقول ( القافله تسير والكلاب تنبح )


واللحين عرفتوا ان يــآآسر هم على النصراويين ..



آآمل ان موضوعي حاز على رضــآآكم ...

[hamad alhilali]

للرفع

.............................

[وارثــ الزعامه ــــة]

ياسر عقدتهم ..~
الله يوفقه هداف الزعيم ..

[فارس الترحال]

ان شاء الله يكون هم عليهم يوم الثلاثاء

[TaMeeMo]

.

.

صصراحة موضوع رووعه , وخاصة العنوان جاامد
والله مثل ما قلت النصراويين يحاولون يقللون من
مكانة ياسر , والمشكلة إذا جت معه الكورة في
الملعب كل واحد يحط يده على قلبه ما أدري ليش هع
مشكور أخوي على الموضوع و بالتوفيق للهلال

.

.

[[ آبو خآلد ]]

ههههههههههههه يياااسر عقدهمـ وان شاااااااء الله يعقدهمـ يوم الثلاثاء مو بكوبري ولا براس ولا بالكعب


نبيها ذي المره دبل

[محب الزعييييييييم11]

هههههههههههههههههههههه
كلام والله جميل ورائع





اشكرك اخوي وانتضر ابداعاتك

[hamad alhilali]

مشكوور ع المرور يا حبايبي


يارب يعقدهم
ههههه

[مبارك الفضلي]

ياسر عقدتهم ..~
الله يوفقه هداف الزعيم ..

[قناص الغربيه20]

كلنا ننتظر بصمه ياسر في لقاء الديربي يوم الثلاثاء ان شالله

وان شالله الهلال يقدم مستوى رائع وان شالله الفوز مقرون بالمستوى الجميل

الله يسهلها على ياسر وزملائه اللاعبين ان شالله ..

[hamad alhilali]

يشرفني مروركم العطر............

[فايز الكاسر]

بأذن الله ياسر بتكون له كلمة في المباراة ويحسم لنا التأهل في مباراة الذهاب

[sosf]

موضوع في غاية الروعـه

وان شاء الله هذي المرهـ يسجل ياسر هدف اسطوري كعادته

بالتوفيق لنادي القرن...,

[عصر الخيانة]

إقتباس الرسالة الأصلية كتبت بواسطة hamad alhilali واعارته لنادي سدوس بـ 60 ألف <--- الددسن أغلى منه ...

يعني ددسن الحلال الي مع الراعي أغلى منه
ههههههههههههههههههههههههههههههههههه
الله يرجك ابليسك والله ميت ضحك منها

[ابو هادي 20]

إقتباس الرسالة الأصلية كتبت بواسطة المهجـول ههههههههههههه يياااسر عقدهمـ وان شاااااااء الله يعقدهمـ يوم الثلاثاء مو بكوبري ولا براس ولا بالكعب نبيها ذي المره دبل

والله زيك افكر اقول لو انه يدخل دبل القلوب عند بعض