[تــقــوى الــهــجــر]

السلام عليكم ورحمة الله وبركاته

اولا: هاذا اول موضوع اكتبه في المنتدى وصراحة ماكتبته الا من اللي شفته اليوم في الملعب

صراحة اللي شفته شي يغبن

انا مادري وش سالفة رجال الامن مع جمهور الهلال بالذات

اليوم وانا داخل الملعب شفت رجل امن ماسك واحد من الجمهور ومطلعه برا الملعب ويدفه ويتكلم عليه

تدرون ليه؟؟؟؟؟؟؟؟؟

لانه جايب معه علم رومانيا؟!!

لا وزود على ذا قبل مادخل من البوابة واعتقد كل اللي جوا الملعب لاحضوا الشي ذا!!؟

شفت نص اعلام الهلال مرمية عند البوابة لان حضرت رجال الامن يقولون ممنوع تدخلون شالات؟!!

ثانيا: اتمنى من الامير عبد الرحمن بن مساعد يلبي طلب جمهور الهلال بنقل جميع مباريات الهلال للملز
الين ربي يفرجها ويبني الهلال ملعب خاص فيه

مثلنا مثل الاندية القطرية اللي لاتعرف شي عن الاحتراف وجمهور مايملي نص الملعب حتى في النهائيات

ولكن لديها ملاعب خورافية

حتى الخريطيات اللي توه جاي من الدرجة الثانية قعد يبني ملعب مشابه لملعب السد

وحنا جمهور نادي القرن نردد ياليييييييييييييييييل ماطولك

اما الاستاد والله معاد نبيه لو الحضور بريال!!

اداء باهت ويرفع الضغط وكل الجمهور الهلالي يعرف الشي ذا

انا اتحدى اي واحد خلال المواسم الاربعة الماضية يقولي ان الهلال ابدع وامتع في الاستاد؟!!

والدليل ان الهلال دائما يطلع من فرق لو لعبنا معها بفريق درجة الشباب لهزمناها وبنتيجة كبيرة

يعني بالله فريق زي ام صلال المهزوم بسبعة من الاتحاد ياتي الاستاد بعد اسبوع ويخرجنا من دور 16