[E×××p_Ert]

السلام عليكم..

اتمنى يكون احساسي غلط..

ولا هي مسألة الإحساس بالخذلان تجاهـ الفريق.. ولكن الأرقام تقولي ان الهلال اذا اعتلى منصة الفوز تلو الفوز..

يفاجئ الجميع بعدها بخسارة مخيبة.. سواء كانت الخسارة بهزيمة المبارة.. أو حتى بالتعادل فيها..

تعادلنا بكرة مع السد القطري.. بعد ما هزمناهـ على أرضه بالثلاثة.. هزيمة وأي هزيمة.. هزيمة نكراء بعد..

هذا مو معناته اني ماني مستبعد الهزيمة.. السد فريق يجبرك تحترمه موب لمجرد احترام فريق والسلام..

السد.. اذا ماخاب ظني راح يوصل لمراحل متقدمه في البطولة.. هذا اذا ما احرزها..

عن جد أتكلم.. مو عشان مباراتنا معه بكرة..

ودي اسمع من الكل اني غلطان.. وحتى لو سمعت توبيخ ما يمنع اني اقول اللي احس فيه واللي أعرفه عن فريقي الغالي.. الهلال..

فريقنا للأسف.. وإن شاء الله ما راح اشوف هالصورة، لا بوكرة.. ولا بعدهـ..

أقول.. للأسف ان فريقنا، يحن على خصومه.. وأكيد كل هلالي ملاحظ هالشي..

صحيح ان الفريق اختلف هالموسم.. لكن انا اللي اشوفه ان فيه خصلة متوارثة في لعيبة الزعيم من فترة..

وهي ان الفريق يحن على خصمه وكأنه يتودد له انه يرجع للمباراة..

والشاهد على كلامي.. مباراة الأهلي الإماراتي الثنتين مؤخراً..

مباراة الرائد في القصيم.. اللي كان الرائد قاب قوسين أو أدنى من تحقيق نتيجة إيجابية معنا..

وهذا على سبيل الذكر لا الحصر..

انا أكثر ما يغبني في فريقنا.. لم يتقدم وبنتيجة طيبة ومستوى هجومي رائع.. وبعدها يضيع في أحضان الفريق الخصم.. لاهو باللي يهاجم، ولا هو اللي يسكر الخطوط الخلفية..

وكأنه يتودد الفريق المنافس انه يرجع للمباراة.. وأكيد يبي ينال اللي يبيه الخصم وراح يتحرك لمرمانا..

شغلة كثيييير تضايقني في الفريق..

وأكثر ما تكرهني في الكورة كلها.. لدرجة اني اطفي الشاشة..

يوم اشوف فريقي تايه لاهو عارف يدافع ولاهو عارف يهاجم.. انغبن.. واقعد اتصيد لاعبين الهلال برشاش الموية حق الولد..

من لاحظ هالشي.. دايم تصير وفي الفترة الأخيرة بعد تكررت أكثر من مرة..

يعني يتقدم الزعيم مافيه أحلى من كذا.. وبعدين يطيح مستواهـ وبعدها لاهو يهاجم بضراوةةة ولا هو يدافع ويلعب مرتدات..

طبعا مستحيل فريق في العالم كله يكون مهاجم طول المباراة..

لكن انا اللي اشوفه.. وبلاش اقول اللي اشوفه عشان ما يطلع لي أحد ويقول بدا يتفلسف الأخ..

خل أقول ليش قيرتس ما يقفل بعد الهدف.. يعني بصريح العبارة نرجع لطريقة المدرب اللي حنقابله بوكرة في المبارة..

كوزمن.. حبيب الكل..

هذا الأسلم ان الفريق بعد ما يسجل هدف أو هدفين، ليش لا.. نلجأ للخبث الكروي..

نلعب مرتدات..

والهلال في المرتدات مع ياسر وولي.. أطلق منه مافيه.. وحتى من دون ولي وياسر بعد..

الباقين فيهم الخير والبركة.. تمريرة وحدة من اللهلوب.. لراس ولدنا عيسى.. وفي اقوووون..

لا تزعلون من يازعماء.. واتمنى احساسي ما يطلع في محله والله..

وتجون كلكم بكرة بعد ما توبخوني الحين.. تقولون لي شفت وشلون فاز الزعيم؟؟

بالتوفيق للهلال بكرة مع أشقائنا في السد القطري..

[مزائر الهلال]

معليييش اخوووووووووووووووي




يحلموووون

هذا الزعيم

[قلبي للزعيم عاشق]

لا تتشاءم بإفراط .
ولا تتفاءل فإفراط

وازن مابين الثنتين

مع أنه يقال في علم النفس: توقع أسوء الإحتمالات يخفف بكثير من صدمتها على الإنسان إذا وقعت .

لأنك متوقع الهزيمة إذا خسر الهلال _ لا قدر الله _ سيكون وقع الهزيمة عليك ضعيف جدا .


بس تكفى لا عد تكتب مثل هذي المواضيع الله يبارك فيك

[.yousef]

إقتباس الرسالة الأصلية كتبت بواسطة قلبي للزعيم عاشق لا تتشاءم بإفراط . ولا تتفاءل فإفراط وازن مابين الثنتين مع أنه يقال في علم النفس: توقع أسوء الإحتمالات يخفف بكثير من صدمتها على الإنسان إذا وقعت . لأنك متوقع الهزيمة إذا خسر الهلال _ لا قدر الله _ سيكون وقع الهزيمة عليك ضعيف جدا . بس تكفى لا عد تكتب مثل هذي المواضيع الله يبارك فيك

نفس الفكرهـ






لاتتفاءل بإفراط
ولا
تتشاءم بإفراط

[زعيمه بالفطره]

تفاااال بالخير
بأذن الله الزعيم يفوز بكرى

[الهمر15]

اوصانا نبينا صلى الله عليه وسلم بالتفاؤل
فقال : (( تفاءلوا بالخير تجدوه ))

وقال الشاعر :

إذا سمـاؤك يوماً تـحـجبت بالغـيوم***** أغمض جفونك تبصر خلف الغيوم نجوم
والأرض حولك إذا ما توشحت بالثلوج***** أغمض جفونك تبصر تحت الثلوج مروج

الهلال دائما إذا تقدم في المباراة بنتيجة أكثر من هدفين فهو يسترخي في الشوط الثاني
ولكن .. لابد أن نزرع الثقة في نفوسنا وأن نتفاءل بالفوز الذي سيكون حليفنا باذن الله ..!!


وجهة نظري وشاكر لك ع الموضوع ،،،

[هلالي والقلب ساري]

تفائلو بالخير تجدوه

لاتكون متشائم على طول

[فوتوغرافي الزعيم]

الله يكتب اللي فيه خير للزعيم

[AlZ3eemah]

تدري وش الحالة النفسية اللي عندك ؟؟؟

زي الطالب لما يذاكر بزيادة و يخاف انه ما يجيب العلامة الكاملة

حبك للهلال كبير جدا مما جعل مخاوفك تتصور لك كأنها سيناريوهات

و مشاهد ثلاثية الأبعاد و إحتمال يكون فيها إعادة بعد .. من يدري !!

إذكر الله يا خوي .. الزعيم ما عليه خوف إن شاء الله

و لا احد من الزعماء بيوبخك .. و كلنا بنبارك للجميع غداً بإذن الله العلي العظيم

شكرا على الموضوع المخيف .. و ننتظر المزيد من ابداعاتك في القريب

[E×××p_Ert]

يعطيكم العافية.. هذا التفاعل ولا بلاش..

أتمنى يشوفونا اللاعبين الحين او حتى بوكرةة قبل المباراة..

عشان يعرفون انه موب بس هم اللي يحترقون..

[زعـيــم الـعــــــرب]

صحيح أخوي اظم صوتي لصوتك والله يستر

بإذن الله الهلال يقول كلمته ويعتلي الصداره عن اقرب منافسيه ويظمن التأهل

بالتوفيق للهلال

..............................

[I MISS YOU_555]

اهم شي الجمهور واللاعبين يؤدون الاي عليه والنتيجه في علم الغيب ولكل مجتهدن نصيب بس ماكنك متشائم مررررررررره

[تــقــوى الــهــجــر]

ياعزيزي الله يهديك

حسيتك من مشجعين النصر

تراك هلالي ارفع راسك وانا اخوك

ولكن اتمنى من الادارة الهلالية ان تلعب جميع مباريات الزعيم في الملز وخصوصا الاسيوية

لاان اولا الجمهور هناك يكون له تاثير واضح

وثانيا الملعب راح يمتلي فل لانه وسط المدينة

ثالاثا من يلاحظ لعب الهلال في الملز يجد المتعة والفن والابداع

ونادرا مايخسر الهلال في الملز

واكبر دليل خماسية الاتحاد

وانشاء الله الموسم الجاي يبدا الزعيم في بناء ملعبة الجديد اللي اتمنى يكون مثل ملعب السد

[ابوربى]

والله انت صادق وانا عندي نفس الاحساس لكن اتمنى الاعبين يتغلبوا على انفسهم ويلعبو بروح الفوز والله يكتب ما فيه الخير وبعدين تخيل ان النصر عنده الفريق هذا وفايز ببطولتين ايش تتوقع مستوى التفائل اللي عندهم يعني لازم نتفائل با الفوز

[الخمري هلالي]

صدقت نفس الاحساس

في اي مباراة تجد الهلال يستطيع ان يسجل بالشوط الواحد 5 اهداف عالاقل
يعني ثقيله

تنتهي المباراة فرق هدف او اثنين مع النخوف

الا مباراة نجران والاتحاد
بالعلم ان الاتحاد المفروض انها منتهيه 9 اهداف