[زعيم البطو لا ت]

بسم الله الرحمن الرحيم

السلام عليكم ورحمة الله وبركاته


اولا ارحب بكل عضو هلالي في هذا المنتدى


ثانيا اشكركم على هذه المواضيع والردود من خلال تفاعلكم مع المنتدى


انا مسجل السنه الماضيه لكن الإداره مافعلت العضويه الا من اسبوعين


انا قبل مااسجل بالمنتدى كنت زائر لهذا المنتدى واتحمس للمواضيع والردود الي تكتبونها قبل وبعد كل مباراه سواء

فاز الهلال او انهزم وفي فترة الإنتقالات الصيفيه والشتويه وبكل صراحه اكثر منتدى ادخله من يوم عرفت للنت

منتدى الجمهور الهلالي طبعا بدون مجامله سأدخل في الموضوع :


من مباريات السنه الماضيه للهلال في دوري ابطال آسيا الى هذه السنه قبل كل مباراة للهلال على ارضه تجدون ان

اكثر المواضيع قضية الجمهور والخمسه وسبعين الف متفرج وفي الحقيقه انا يوم كنت زائر كنت اتحمس مع هذه

المواضيع لأن الأعضاء يتفاعلون مع الموضوع وتلقاهم يقولون انا ابجي ومعي خمسه من اخوياي والي يقول معي

اربعه انا استانس واحتري المباراه على احرمن الجمر عشان اشوف الخمسه وسبعين الف متفرج لكن للأسف اذا

جاء الجد تجد 30,000 متفرج فقط اهذا هو جمهور الهلال الي نعرفه وين جمهور الهلال امام الوحده الإمراتي

والكويت الكويتي وبختاكور الأزبكي عام 2007 اقصد ........


مباراة الهلال وسابا الإيراني العام الماضي قلت بيجي جمهور لكن ماملوه نعذرهم لأن المدرب كوزمين كان قبل هذي


المباراة بمباراة مطرود والمشاكل دخلت في البيت الهلالي بعدهذي الطرده


مباراة الأهلي الإمراتي الدخول مجانا لكن ماحولك احد كالعاده30,000 متفرج


مباراة بختاكور الأوزبكي حطو باصات من الشرقيه يجون لكن ايضا ماحولك احد وكالعاده 30,000 متفرج


مباراة ام اصلال كان الحضور فيها ممتاز صحيح ان الجمهور ماملى الملعب لكن حضر الملعب حوالي اكثر من


40,000 الف منتفرج في اعتقادي الشخصي يمكن اقل لكن انا ماادري


مباراة مس كرمان ذاالسنه قلت الملعب بيمتلي لأن الهلال ذاالسنه غير جاي من بطولتين مهمه توه ماخذها وفايز


خارج ارضه في اول مباراة من آسيا من اقوى فرق المجموعه الي هو السد القطري لكن كالعاده ماحولك احد


و30,000متفرج


مباراة الأهلي الإمراتي ذاالسنه كالعاده ماحولك احد لكن هذي المره غير الحضور 22,000 متفرج فقط


ارجو امام السد القطري يكون الحضور خمسه وسبعين الف متفرج بعض الجمهور يجي ويقول ملينا الملعب قدام


الكويت الكويتي والوحده الإمراتي وطلعنا بالتعادل اقوله خل عنك التشاؤم واحضر والي بيكتبه الله سبحانه وتعالى

بيصير


واخيرا اتمنى واتمنى واتمنى اكررها ثلاثا ان هذي المره تكونون على قد كلمتكم ويحضر خمسه وسبعين الف متفرج


الله يوفق الهلال في مباراته امام السد القطري

[أبو سعيد 20]

بأذن الله جــن الملاعب راح يكونون ع الموعد وراح يشوفون جمهور كبير يملي جنبات استاد الملك فهد



بالتوفيق لزعيـم اسيـا

[bredawy]

الله يوفق الهلال كاس الملك والاسيوية وان شاء الله الجمهور الهلالي يبي يفلل الملعب غدأ

الله يعطيك العافية

[abdu ahmed]

ان شاء الله الجمهور راح يملي الملعب لان المباراة مهما وشبيه الريح راح يكون موجود لازم يكون استقبال مشرف له بعد طول الغياب

[نزيه المشاعر]

الله يكتب اللي فيه الخير للزعيم

[آلبرنس]

ان شاء الله نشوف حضور كبيرر

وياليت احد الشباب اللي يشتري تذ1كر يكتب لنا رقم التذكره كم وصل

ونقيس عليه عدد الحضور