[هلالي النماص]

السلام عليكم ورحمه الله وبركاته

قبل كل مباراه للهلال في الاسيويه .. نشوف موجه من المواضيع اللي تشجع الجماهير للحضور والمطالبه بالرقم 70 الف لكي يكون موجود في ملعب الملك فهد ولكن في الاخير وقبل المباراه يكون طموحنا تمتلئ الواجهه .. لذلك سابتعد عن تشجيع الجمهور للحضـور .. لان على كثر مواضيع التشجيع ما نشوف غير الواجهه

لكن .. حبيت اذكر الجمهور الهلالي بـ لقب جن الملاعب
جن المـلاعب الاسم اللي كان يرعب الخصــوم ويبث الحماس في نـفــوس لاعبي الهـلال ..
جن الملاعــب اسم كان يطلق على الجمهور الهلالي اللي يحول استاد الملك فهد لـ مقبرره للخصــوم .. جن الملاعب الاسم اللي ارتبط بالجمهور الهلالي العاشق في ملعب الملز وانتقل معاه لملعب الملك فهد في بداياته ..

غيرنا ضحكووو عليهم وقالولهم جمهور الشمس .. وصاروو يحضروون .. وترى قبل مقوله جمهور الشمس ماكانو يحضروون لكن صدقوو نفسهم انهم شمس وصارو يحضروون ..

جمهور الهلال .. انتم جن المــلاعب ..
هياااااااااا بنـا لنعيد هيبه مدرج جن الملاعب ..
وكل واحد منا يحضر الملعب يحط في باله انه جني << بسم الله علينا ..
ويتقمص دور الجنــي اللي يرعب الخصــوم ويمد الفريق الهلالي بالقوه والحماس لتكسير راس الخصووم



نجي الحين للاقتراح اللي في راسي ويارب ما يكون مكرر

اقــتـــراااح الــبــــاص الهـــــلالــي

تعريف الباص الهلالي / هو باص يجمع الجمهور الهلالي من جميع انحاء مدينه الرياض ويوديهم الملعب ويرجعهم بعد المباراه ..

فكره الاقتراح /

يتم استئجار عدد 5 او 10 باصات قبل المباريات المهمه للفريق الهلالي
ويتم تحدد اكثر من نقطه تجمع للجمهور الراغب بالحضور للملعب
على سبيل المثال يكون في نقطه تجمع في نادي الهلال ونقطه ثانيه في شمال الرياض وجنوب الرياض << تراني معرف الرياض بس على سبيل المثال خخخ

وقتها بتختفي مقووله الملعب بعيد .. ما نقدر نروح زحمه الرياض وشوارعها .. ومنها تحقيق ( يد الله مع الجماعه ) لما جمهور يحضروون سوا ويرجعون سوااا يكون فيه حماس اكثر

هذا الاقتراااح واتمنىى اي احد عنده فكره لتطوير الاقتراح يقوولها .. واتوقع بتساهم بشكل فعال في حضور الجماااااااااهـير للملعب


تحياتي