[B a N d O o R e]

بسم الله الرحمن الرحيم

السلام عليكم و رحمة الله و بركاته

على عجال

مباراة الهلال اليوم على الفوز المستحق لكن لا نقلل من الاخطاء الحاصلة

الخطأ الاول

الجمهور يطالب الفريق بالبطولات ولا يحضر ...!!!
و قيل السبب هو التشبع و الاكتفاء
طيب اذا انتو تشبعتوا كيف تطلبون من الفريق بطوله ؟؟
و ليش لما تضيع بطوله من الهلال نحصل ان الحضور مخيب ؟؟
اذا كان من مبدأ تشبع من الفوز و البطولات المفروض في حال الهزيمه المباراه التاليه يكون الملعب ممتلي !!!

انتو اول خطاء فني في المباراه

مباراه مع الفتح ,, مع الانصار ،، مع اتحاد صنعاء ,, مع فريق حواري .. يضل اسمه الهلال


الخطأ الثاني

ما اكبر عيونكم على اخطاء لاعبين تكرهونهم
و ما اصغرها على من تعشقونهم من اللاعبين

انا اشجع الهلال لذلك كلهم واحد عندي الا اللي ما يخلص للشعار

اليوم توقعت الجمهور يردد اسم ياسر مع انه مكانه المحياني

من مبدأ جرت العادة

ان لم نؤازرهم لاعب لاعب و نعطيهم نفس الحصيله من التشجيع فنحن نهدمهم بنفسنا

المحياني كل ما يلعب يصنع هدف او يسجل هدف
مع العلم ان ياسر يصنع و يسجل بس مو كل مباراه
ليش الحقد و الكره لعيسى ؟؟

العتيبي اكاد اجزم انه افضل من يمثل الحراسه الهلاليه في تدني مستوى الدعيع

العتيبي اليوم تردد في بعض الكور و خروجه لها
اما الدعيع ما قد خرج لكوره اصلن

العتيبي نص الفريق حارس + مدافع اخير( قشاش )
الدعيع حارس فقط يعني مجرد لاعب ولا يحمل نص الفريق

الفريدي + الدوسري راجعين من اصابه و مطالبتهم بما هو اكثر .... مصيبه !!




الخطأ الثالث


سامي الجابر هو سبب هزيمه مصر من الجزائر و المتسبب بهزميه النصر
و وراء هبوط مستوى بعض لاعبي الهلال
كيف لا و هو من سبب هزيمه الاتحاد بـ5

سامي الجابر لن تعرفوا قيمته الا بعد ما يترك الهلال

بكل صراحه جمهور الهلال لا يستحق عظيم مثل سامي

بعض .. الناقدين .. يقول ان سامي يكثر كلام مع الحكام

اذا ما تكلم سامي اجل مين يتكلم .؟؟ و اذا سكت قلتوا انه ما يبي ياخذ حق الهلال منهم




الخطأ الرابع


من الخطأ التكهن بما لا نعلم
العابد يفكر بالعقد .. العتيبي يفكر بالمظاريف يوم الثلاثاء
الزوري يفكر بالزواج و الفريدي يفكر بالمركز الصيفي

اتمنى الارتقاء من الكلام هذا

اكرر الاعب بشر يتدنى المستوى و يطلع

و السبب الاول و الاخير انتم يا الجمهور



الخطأ الخامس


اظهره الهلال ... عالم من الخيال

الهلال يملك اظهره يتمناهم كل فريق

انا اتمنى من كل قلبي ان يباع الزوري و نامي و نشوف الجمهور اللي ما يبونهم وش بيقولون بعدهم

للمعلوميه كل الانديه السعوديه كلها بدون استثناء تتمنى الزوري عندها
و انتم ما تبونه

محمد نامي اقسم بالله قدم مباراه كبيره
اللاعب هذا ذكي و اختراقاته في الهجوم تسبب للخصم ارباك
و لاننسى لياقته العاليه

لكن هذي هي امكانيات اللاعب يعني وش يسوي يلعب بيدينه و خشمه عشان يصير مايكون ؟؟؟؟؟

هذا اللاعب قاعد يحترق لجل الفنيله و الشعار لكن هذا اللي بيده

حتى انت يا قارء الموضوع تجد انك تعرف واحدا من الناس مجتهد و مكافح

لكن التحصيل قليل

هذا هو نامي لاعب يحترق من الداخي و يحتاج للتشجيع







بلنتيات


][][المنتدى بعد الفوز شبه فاضي مافي لا مواضيع ولا شي و هدوووووووووء


][][جمهور الهلال يبي الصف الثاني اقوى من الاول و هذي ما عمري شفتها لا بالدوري الايطالي ولا الانجليزي ولا الاسباني فما ادري الهلال اظن جاي من الشمس ؟


][][العتيبي انت كبير و تستاهل الهلال و الهلال يستاهلك و جريتس كان صائب لما طلب بقاءك

][][المحياني عنده الكثير

][][ خيرات الدوسري العابد الفريدي انتم مستقبل الهلال

][][ جريتس بدأ الجمهور يختلف عليك لكن انت الافضل و انت تعلم ما تعمل
انت صاحب خبره طويله و تعرف امكانيات لاعبيك اما نحن نجهل كل ما تعلمه
و مع ذلك يضل بعض الجمهور غير مقتنع فيك