[بروفسور]

السلام عليكم

بدون مقدمات ولا مقبلات

نتمنى من اميرنا عبدالرحمن مساعد الله يعطيه الله يعطيه الصحه والعافيه ويشفي والده

نتمنى انه يخلي الدخول مجاني لمباراة الهلال والسد

ممكن تستغربون من حضور جماهير الفقر ترى دخلوهم مجاني

صراحه مشتاقين نشوف الملعب مقفل أزرق على الاخر

ومشتاقين الموج الرائع والزلزال

تخيل الملعب فل جماهير وحركة الموج

ولاتفهمون الموضوع غلط وتضنون ان المسأله ماتستاهل 20 ريال المقصد تحفيز الجماهير وضخ دماء جديده وكل شخص يقدر يجيب اكبر عدد وخلوها مناسبه


اكيد كلم توافقوني الرأي

ان شاءالله نشوف القرار قبل مبارتنا مع السد بفتره طويله عشان ينتشر الخبر بشكل اكبر

شكرا لكم

[بروفسور]

شكرأ لإتاحة الموضوع

في انتظار آراء الاعضاء

[أحبك لو تجافيني]

جمهور الفقر اللي حضروالله وهوبلاش جمهور الهلال بفلوس اكثر منه وانااستغرب من اللي يبي تكون ببلاش ماادري فيه احد مايقدر يدفع عشرين ريال...

[مزاجي حلووو]

ليه الارده تدفع اعضاااء الشرف هم الي يدفووووووووووون للجمهووووور لادره دفعت وجابت لاعيبه نبي اعضااااااااااااااااااااااااااء الشررف هم الي دفعوووووووووووووووووووووووووون

[هلاليبي]

للأسف :أعذار واهية - لما الواحد يطلب من سمو الأمير يشتري التذاكر.
ليه التذكرة قيمتها 500 يورو .
عجب لكم يا جمهور الهلال .
مع حبي لك 20 ريال والله ماتفرق حتى لو معاك عشرة على حسابك .
اسمع هذا صارت عادة في الرياض الجممهور بالشحتة و الطلب و تكفى ولج الله عشان يحضر بس 12 ألف .
موضوع بارد

[AL_HILAL LOVER]

خله يرجع الرياض بعدين يصير خير
يا زين ايام محمد بن فيصل بس رجال ونعم الرجال
ولا تحطون اللوم بالتذاكر المجانيه والله لو انها بـ 1000
حتى 20 ريال ما تقدر عليها ؟
جمهور الهلال في الآونه الاخيره مقصر بقوة
اجل مباراة في الآسيوية فريق يجيب لك بطولتين ويقدم مستويات رائعة ويوم ربوع وجو حلو
وما يحضر الا 12 الف بس !!

[سالم الكويتي]

بصرحه انا معاك 100-100
ياخي المسأله مو مسألة 20 ريال أو 500يورو
ياخي الدخول المجاني يسوي حافز للجماهير
خاصة بالاسيويه اللي موب هلالي يجي يساند الفريق السعودي<<وهذا واقع

والكل اليوم شاهد جماهير النصر فل وتفاعل وانا اعتقد ان 75% منهم حاضر لأن الدخول مجاني

وجهة نظر يمكن أكون مصيب ويمكن اكون مخطئ

تحياتي للجميع....

[kalasnikov]

ماتهون على الهلال 20 ريال؟؟؟؟


تقبل مروري..................

[♥ⒿⒶⓃⓇⒶⓁ♥]

{جمهور الفقر اللي حضروالله وهوبلاش جمهور الهلال بفلوس اكثر منه وانااستغرب من اللي يبي تكون ببلاش ماادري فيه احد مايقدر يدفع عشرين ريال...~

[بروفسور]

يااخوان المسأله ماهي سالفة 20 ريال

لكن نبيها تكون بطعم المناسبه

نبي نشوف جماهير ونبي نشوف الموج ونبي نشوف استعراض الجماهير


لاتلفون الموضوع وتخلونه شحاذة 20 ريال

جينا من مئات الكيلوات لحضور المباريات تتوقعون بتهون علي سالفة 20 ريال عيب ياناس

نبي الجماهير تعزم بعضها ويجيبون اكبر عدد من الجماهير

واللي مسوي فيها كاش نبي نشوفه يشتري 1000 تذكره ويوزعها

والمسأله ماهي على الفلوس لكن في حال الدخول المجاني كل شخص بيجيب معه اكبر عدد من الجماهير

يعني لاتفهمون الموضوع غلط وتحسبون كل شي مجاني يعني تصير المسأله بخل,, عيب

[F TOTTI]

جمهووور النصر جاي من كل مكان لازم نكون اكثر في مباره السد

[Меси]

ياشيخ بدل ماتدفع بمقهى تعال للملعب وابو فيصل ماقصر بأي شيء كل شيء ووفرة

والا تهون العشرين على ابو فيصل؟!

ولا والله ماذبحنا الا المواضيع الي قبل المباراة القناة الناقلة والمعلق هي الي خلت الجمهور مايحضر وتخلف بعض رجال الامن

والله مانلوم الاعبين اذا ماقدموا مستوى

[El Barca]

ماهي بس على الدخـول المجاني

فيه أشيـآء أكبر من كذا

[رسـ2006ـاوي]

إقتباس الرسالة الأصلية كتبت بواسطة سالم الكويتي بصرحه انا معاك 100-100 ياخي المسأله مو مسألة 20 ريال أو 500يورو ياخي الدخول المجاني يسوي حافز للجماهير خاصة بالاسيويه اللي موب هلالي يجي يساند الفريق السعودي<<وهذا واقع والكل اليوم شاهد جماهير النصر فل وتفاعل وانا اعتقد ان 75% منهم حاضر لأن الدخول مجاني وجهة نظر يمكن أكون مصيب ويمكن اكون مخطئ تحياتي للجميع....

نفس كلام اخوي سالم

الجمهوور يبي له تحفيييز

[ملك الشرقيه]

ليشـ فقرآويهـ حنآ


حنآ جمهوووووووور
الزعيم يآبطل