[ابو ثامر 20]

السلام عليكم ورحمة الله وبركاته

هذا اول موضوع لي في احلى واكبر منتدى
والعضويه مستعاره من شخص عزيز علي


وماراح احط مقدمات راح ادخل في الموضوع ع طول لقلة وقتي

وسامحوني عن الكلام الي بقوله ويمكن يكون طويل ومو مرتب


صراحة انا من محبين شبكة الزعيم ومواضيعها بس صراحة دخلت اليوم الصباح وشفت المواضيع
بس للاسف كلها كانت محبطة وفيها تهميش في حق الاعبين وكل الكلام الي انقال بدون منطق مجرد اثآر الهزيمه
هي ماهي هزيمه بس تعتبر هزيمه بحق الهلال (( الزعيم ))

صراحه انا انتقد ع الي يتكلمون ويقولون ان المدرب والفريق ومدري ايش ومن هالكلام

طيب انت يالي تقول هالكلام ماجلست مع نفسك وفكرت

ياخي فريق من بداية الموسم لين الحين بطولات محليه و3 مباريات خارجيه

ما انهزم الا 2 مباريتين وتعادل مايقارب 5 مباريات ومبارات واحده من الهزيمه مجرد تحصيل حاصل
طبعا انا اتكلم بدون كاس فيصل لان المدرب يختلف والاعبين يختلفون بنسبة 70%

ومدرب ولاعبين يقدمون مباريات من احسن المباريات في الموسم الحالي اهداف (( بالجملة ))
فريق حصل ع بطولتين والمدرب ماله الا موسم واحد مع الهلال !!

فريق في الدوري الهداف من الفريق
افضل خط وسط فريق اقل كلمه تنقال عنه الفريق (( زعيم اسيا ))

عشان مبارات وحده وتعادل فيها صار كذا !!

ليش ما اعتبرتوها كبوة جواد

مدري وش المقصود (( معهم معهم عليهم عليهم )) ؟؟!!
يعني الفريق تبيه طول الموسم ماينهزم ؟؟

مافي فريق طول الموسم ماينهزم

وكل واحد له طاقة وطول الموسم يركض ويبدع ويسجل ويبدع ويدافع ويبدع

وش تبونه مايتعب والله قهر الي اشوفه في المنتدى

راح اتكلم عن المبارات الاخيره مع الاهلي الاماراتي

فريق لعب بتشكيله غريبه حتى في البلاي ستيشن ما نحط هالتشكيله
( 5 ) دفاع
( 3 ) محاور
( 1 ) وسط
( 1 ) مهاجم

يعني فريق 100% مدافعين ومتراجعين

يعني لو سدد الاعب من بره المنطقه وين الفراغ يا انها فووووق او انه بتضرب في احد المدافعين
بتخترق من العمق؟؟
راح تقابل قدامك 8 لاعبين !!

يعني بالعربي الفصيح الاهلي قتل المبارات من اول دقيقه في المبارات

والي يقول بسبب غياب ولي هامسون

ابيكم تجاوبون ع السؤال هذا

طيب لو كان ولي هامسون موجود كان بيقدر يسوي شي قدام هالدفاع كله ؟؟


وانتم يالي تكلمتو ماتستاهلون انكم تكونون من جماهير الزعيم
من مبارات وحده قلبتو ع الفريق ياليتها هزيمه ومع ذالك متصدرين المجموعة
الاتحاد والاهلي والشباب مهزومين وفي المراكز الاخيره ويحلمون انهم ياخذون اسيا
واحنا يالي متصدرين محبطين ليه من مبارات وحده مقتوله للاسف مانتم جمهور
واتعجب من الي يقولون اننا ماراح ناخذ اسيا

انا راح اقولهم اسيا باذن الله لنا والصوره تتكلم




راح اتكلم عن الفريق واحد واحد

شبيه الريح :
رئيس من زمن اخر يبذل جهده وماله ويقد للزعيم كل الي يقدر عليه جلب افضل مدرب شهدته الكره السعودية
جلب لنا افضل اجانب في السعودية مهما اقول فيه ماراح اوفيه حقه
وينتقدونك ويقولون انك ماتحظر والهزايم بسبت انك مو موجود
انا اقول لهم ارجعو للفرق العالمية الرئيس لا يحظر للمباريات

سامي الجابر :
اسطورة اسيا صراحه يكفي انه موجود في دكة الاحتياط لانه هو روح الفريق يدعمهم بالخبره والروح والتوجية

اريك جريتس :
صراحه عجيب مدرب غريب رجع الروح لجمهور الهلال من موسم واحد حصل ع بطولتين ومازال هناك بقية
مدرب ارجع لنا لاعب كبير افقدته الكره السعودية صاحب الابتسامه البريئه محمد الشلهوب بعد ماقتل موهبته كوزمن
رجع لنا المرشدي مثل ماعرفناه في الموسم الي راح بعد ماطاح مستواه
بدا يرجع مرعب الحراس القناص ياسر
واستعجب من الي يقولون بانه مايستحق انه يدرب الهلال عشان مبارات وحده وما تاثر فيها الهلال ومبارات مقتوله

الــدعــيــع :
طول المبارات مريح ما اختبر في ولا كورة غير الكورة الي جا منها هدف من كورة ثابته
وتسجلت ويبقى هو اخطبوط وعميد حراس اسيا ويتمنونه اكثر من فريق واتمنا اني اشوفه يمثل المنتخب من جديد

المرشدي :
صراحه انت مقاتل حتا بالاصابه تقاتل وتبقى هذا هو المرشدي الي عرفناه

اسامه :
لاعب محارب عيني عليك بارده يا اسامه
صراحه من بعد تفاريس كنت متخوف من الدفاع في الهلال بس بجيت اسامه وتالقه وابداعه
وبصراحه رجع لنا الامان في الدفاع

الزوري / الكوري :
ماقصرو حاولو انهم يخترقون يرفعون كور عرضيه بس للاسف الكثافة العددية في الدفاع ابطلت العرضيات
بس صراحه الكوري عجبني في كورة يوم سحب مدافع الاهلي ارجو ان يبقا مع الزعيم

رادوي / الغنام / الغامدي :
صراحه ابدعو في تسكير منطقة الوسط ورادوي محارب يكفي الحمية الي عنده
ههههههههههههههههههههههههههههههههه

الشلهوب :
صراحه استغرب من الي كانو يقولون اناني بارد طيب كيف يخترق او يشوت وفي تكتل دفاعي عجيب

نيفيز :
نسو انك فرحتهم في مبارات الاتحاد ونسو انك فرحتهم في مبارات النصر واكثر من مبارات
وتبقى انت صاحب الرمية الصاروخية رجلك مثل لدغة العقرب

العابد :
صراحه كان بارد وماينلام لاعب صغير ماعنده خبره وقابل فريق مســـــــــــكـــر وانشاء الله نشوفه متالق

الفريدي :
الفيلسوف الصغير صراحه امس ابدع وحاول بس الحظ ماكان معه وكان يحاول بس الحظ والعرضات ابطلت رمياته
ولاعب ماينلام يلعب وهو في رجله ســــيــخ واول مبارات لعبها ابدع وسجل هدف من اجمل الاهداف
وجاهز للهلال في اي وقت تعال يالي تنتقده خلني احط في رجلك سيخ واركض
الله يشفيك يالفريدي وترجع مثل ماكنت واحسن


المحياني :
صراحه امس تالق وابدع ولعب مو في نفس مركزه الي يلعب فيه وارتقا في اكثر من كورة بس حارس الاهلي ابدع في التصدي لها
وانشاء الله نشوفك مهاجم اساسي وهو افضل مهاجم احتياط في الهلال والبتوفيق له

ياسر :



تبقى انت المهاجم الاول في اسيا ومرعب المدافعين والحراس وانشاء الله نشوفك مثل ماكنت في 2007
وامس حاول وماقصر ابو عزوز بس نرجع للي قتلو المبارات بالدفاع وانشاء الله يرجع مثل ماكان

الجمهور :
صراحه انتقد الي يقول ما في ناس ماعندها 20 ريال ياخي في ناس ودهم يحضرون كثير بس علتهم 20 ريال
انت الله رازقك فيها بس في ناس غيرك محتاجينها ومايقدر يدفعها عشان يحظر مبارات وكان الحظور لابأس فيه
وانشاء الله نشوف جماهير اكثر في مبارات السد القطري ونحطم الرقم القياسي


كنت اتمنا اني اشوف جمهور مثل هالجمهور بس للاسف ما تحققت الامنية



ويبقى الجمهور هو الرقم الصعب

ارجع واقول الهلال ابدع وماقصر وفرحنا اكثر من مره وسجل لنا ارقام قياسيه هالموسم كثيره عشان مبارات وحده نقلب عليهم
اسرع هدف في العالم هلالي
ماخذين الدوري قبل ماينتهي بـ 3 جولات
لعبنا 3 نهائيات وحققنا ثنتين منها وباقي بطولات ان شاء الله

احنا مانبي نكون مثل الي يقول

معهم معهم عليهم عليهم

نبي نكون ع قلب واحد في السراء والضراء

نبي نكون ع قلب واحد





ولا ننسا الاعب ولي هامسون




حمدالله ع السلامه يالطير الاشقر
وان شاء الله ترجع لنا بالسلامه باسرع وقت



واخر كلمة اقلها :

ننسى الي راح ونفتح صفحة جديده وخلو الكئابه عنكم

البطل بطل مهما كان يا جمهور الزعيم

وسامحوني ع الاطاله بس كنت ابي افضفض

مع تحيات / ابو عبدالعزيز



عشقي للهلال مو غريب