[احبك..ياهلال..]

بسم الله الرحمن الرحيم
السلام عليكم

اخباركم يا زعماء,,,,

اول شي هاردلكم عالتعادل المر,, لكن العوض من الله في دبي,,

بصراحه امس فالملعب شفت موقفين ما ينسكت عليها...

الى الحين الصوره رافضه تدخل مجال التصديق عندي...
معقوله وصلنا لهالمرحله,,,,
معقوله صرنا متعودين نطبق الاوامر بدون حق التعبير ولو بشرح المعاناة,,
خلااااااااااص,,,
يكفي تجريح لكرامة المشجع,,,
في عز الصيف نمنع من ابسط حقوقنا (علبة مويه بااردة نروي فيها حلوقنا مع التشجيع)..
لكن صرنا ضبان فالملعب, كلما تلفت لواحد جنبي لقيته فاتح فرته وده يصيد لو بخار مويه,,,
واذا جا بين الشوطين تشوف الناس امم عالمقاصف كانهم واصلين من سباق مراثوني من العطش تلقا الواحد يشرب المويه قبل ما يحاسب عليها,,,,


وفالمدرج نمنع من الجلوس براحه...
تروح دورة المياة وترجع تلقا كرسيك مخطوف...
لازم تجي قبل المباراة باربع ساعات عشان تجلس في مكان زي الناس,,,,
لييييه

من حقي اجي قبل المباراة بنص ساعه ويكون فيه كرسي ينتظرني برقم التذكره الي معي...
صبرنا لييييين خلاص...
(والله مافيه خلاص دامني اعشق الهلال, بحضر وبحضر على امل انا نتطور...
الناس وصلت الفضاء وحنا نركض عشان نجلس فالواجهة,,,

طبعا كلكم عارفين هالمعاناة لكن الي خلاني اكتب هالموضوع موقفين صاروا امس...

وانا داخل الملعب تلفت فالجمهور وكلي خيبة امل (عالحضور الي يسد النفس)...
وفجأة في زاوية الواجهة الدور الثاني شفت علم اماراتي كبييير,,,
وتذكرت وانا داخل الملعب والعسكر يفتشونا كنهم يفتشون مساجين واذا شافوا معك اي شي عليه حروف خذوه.. حتى الشال الي مو مكتوب عليه الا موبايلي ياخذونه...
يعني رح جب لك قماش ازرق سادة عشان تدخله معك,,,
قلت في نفسي يالله لعيونك يا زعيم نتحمل,,,
لكن انصدمت يوم شفت واحد معاه علم السعوديه..ويوم تقدم للتفتيش والعلم على راسه بكل فخر تفاجأت ان العسكري ياخذ اعلى واجمل شعار فالعالم شعار (لا اله الا الله) ويرميه على الحاجز الحديدي؟؟؟

طيب انا كمواطن سعودي وكمشجع كيف راح يكون شعوري بعد هالموقف؟؟

تبون تعرفون ليش دخل العلم الاماراتي؟
عشان ما عليه ولا حرف,,,
مجرد الوان...

يعني الي يبغا يدخل علم السعوديه يبونه يشيل لا اله الا الله
( وهذا مستحيل دام دولتنا قائمة على هذا الشعار...)



من جد شر البليه ما يضحك,,,


احنا نطالب بحقوقنا كاامله,, دام عندنا قيادة حكيمه يهمها راحة المواطن في المقام الاول بما يوافق نهج الدين الاسلامي الحنيف............


اسف عالاطاله,,
وتقبلوا تحياتي....



احبك يا هلااال

[سعودالرياض]

الأعلام كلها موجوده حتى العلم البحريني والكويتي .


تقبل مروري .

[بن جبله المطيري]

الله يعين بسسسسسسسسسسس............

[كــثر الجفى ما يفيد]

اقول جمهور الهلال من غير هذي وهذيك مايحضر يتحجج بالامن
ياليت ينحذف موضووووعك

[احبك..ياهلال..]

إقتباس الرسالة الأصلية كتبت بواسطة كــثر الجفى ما يفيد اقول جمهور الهلال من غير هذي وهذيك مايحضر يتحجج بالامن ياليت ينحذف موضووووعك

تقدر تبدي رايك بطريقه احلى,,,
وبخصوص التحجج بالامن ما عمري تحججت واصلا الموضوع ماهو تحجج بالعكس هذا واقع ماراح تحس فيه الا اذا حضرت مباريات في اوروبا ولا ليش تروح بعيد اسال الي حضروا مباراة السد,,,
وياخوفي انك ما تحضر حتى فالرياض,,,
وحط في بالك اني ما ترددت عن الحضور مع كل هالتعقيدات ولا ادعوا الجمهور انه يتردد,,,

وشكرا

[احبك..ياهلال..]

إقتباس الرسالة الأصلية كتبت بواسطة سعودالرياض الأعلام كلها موجوده حتى العلم البحريني والكويتي . تقبل مروري .

مشكور اخوي عالمرور ويعطيك العافيه

[صمت القـلـووب]

كلامك صحيح أخوي ونتمنى اي تعديل على قوانينهم الي مدري شلون يتخذونها

وبالنسبة للحضور الجماهيري

اقول يا للاسف بس

ليت كل مباريات الهلال خارج الرياض

[ღهلالي مكةღ]

ياخي لازم يسوون فيها اهم أهل كرم ومدري ايش وخرابيط ..

مستحيل ترمي علم الامارات لانه بتصير مصيبة بين الدول خخخخ

اما علم بلدك .. عادي جدا .. حت سياراتنا ماخلوها ..


والمفروض المباراة تقام بالملز عشان يظهر الجمهور بشكل كبير و يكون بصوت واحد ..


تحياتي

[♥ⒿⒶⓃⓇⒶⓁ♥]

الأعلام كلها موجوده حتى العلم البحريني والكويتي .


تقبل مروري .

[a.a.m.s]

والله مصخره
من المسؤوووووووووول؟؟؟؟
الحين علم مكتوب عليه الشهاده ترميه كانه قطعه قماش قديمه والله لو في امريكا مايسوونها احتراما للاديان و الدول.

[احبك..ياهلال..]

إقتباس الرسالة الأصلية كتبت بواسطة صمت القـلـووب كلامك صحيح أخوي ونتمنى اي تعديل على قوانينهم الي مدري شلون يتخذونها وبالنسبة للحضور الجماهيري اقول يا للاسف بس ليت كل مباريات الهلال خارج الرياض

مشكور خوي عالمرور الرائع ويعطيك العافيه

[عذروب خلي]

فيه علم السعودية انا شايفه..........

[احبك..ياهلال..]

الف شكر لكل من شاركنا فالموضوع...
ويعطيكم العافية

[احبك..ياهلال..]

إقتباس الرسالة الأصلية كتبت بواسطة عذروب خلي فيه علم السعودية انا شايفه..........

صدق والله ؟؟؟
تصدق حاله غريبه...
اتوقع انه مهرب......

مشكور اخوي بس حسيت انك تبي تقول كذاب...
ههههههههه

[كلاشـنكوف]

الله يعين اذا علم عليه لا اله الا الله ينقط على الجهاز الحديدي وش بقى؟؟