[Khalid.S]

السلام عليكم..

هارد لك التعادل الي اشوفه ضربه صاعقه للاعبين.. الي بإذن الله بتصحيهم للمباراه القادمة.
بعض الاعضاء ما شاء الله بس عشان النقطتين هذي خلوا الفريق طلع من البطوله.. ما اقول لهم الا "اكبروا" او شجعوا نادي ثاني ينفع لكم..

انسوا النقطتين الي خسرناها وشوفوا الانديه الي وصلت النهائي كم نقطة خسرت في دوري المجموعات..

في دوري المجموعات.. كل نادي يقدر يحصل على 18 نقطة كحد اقصى وطبعا اذا يبيها لازم يفوز في كل المباريات وهذا شي مو سهل ابدا..

موسم 2009

النهائي بين شقيقنا نادي الاتحاد وبوهانق الكوري. شوفوا في دوري المجموعات كم نقطات خسروا..



الاتحاد خسر 6 نقاط من ثلاث تعادلات وبدون هزيمة.. ووصل للنهائي.. ولا عشان تستانسون..ترى في دوري المجموعات نقاطتنا الموسم الماضي اكثر من نقاط الاتحاد.. كانت نقاطنا 14 نقطة وطلعنا من دور ال16



بوهانق ستيلرز نفس حكاية الاتحاد بالضبط..

موسم 2008 فاز فيه جامبا اوساكا وحصل على 14 نقطة مثل الهلال الموسم الماضي..


الخلاصة يا جماعة ان خسارة نقطتين مو بالسوء الي الكثير يتوقعه.. بالعكس انا شخصياَ اشوفه شي ايجابي (ما بكذب واقول كنت ابيهم يتعادلون., بالعكس ابي الفوز) لكن يبقى التعادل يصحي الفريق خصوصا اذا عينه على البطولة بشكل جدي..


الفريق افتقد فيلهامسون.. خلونا من الرسميات.. جيريتس لازم يشوف خطه افضل يلعب بها الفريق ان غاب السويدي. لاعب له موسمين ما شاء الله ما غاب عن الفريق فجاه وفي اوقات مثل هذي.. الفريق تعود عليه وهو موجود شي طبيعي بيفتقدونه والمستوى ما بيكون مثل المباريات الاخيره.. لكن ان شاء الله يرجع لنا سليم ومعافى ونحصل على نقاط التأهل.

حبه حبه يا جمهور الهلال.. لا تفكرون بالبطولة قبل التأهل من المجموعة والفوز في دور ال16
خطانا الموسم الماضي هو اننا حطينا عيننا على البطوله قبل المراحل التمهيدية لها.. ووقعنا في فخ الاندية الصغيره.. ما نبي هذا الشي يتكرر.

بالتوفيق للجميع يارب.