[صمت القـلـووب]

السلام عليكم ورحمة الله وبركاته

مساء الخير

هاردلك لكم يا جماعة على الهزيمه الي كنت متوقعها انا شخصيا وسبحان الله نفس توقعي



بلا روح بلا عزيمه بلا اصرار بلا حماس بلا تكتيك





الظاهر خلص بنزين الداهيه جيرتس

ومحتاج انه يعبي بنزين من جديد


تبديلات غريبه جدا

اللعب بثلاث محاور غريبه جدا جدا


تعودنا على الهلال الهجوووم طوال المباراة لكن للاسف الشيء هذا اختفا باخر مبارتين للهلال





اقدر اقوول النجوووم الي كنا نتغنى فيهم

طلع الي مخليهم ساطعين هو ( وليهامسوون )

واتمنى ان الموضوع يطرح

تعبت وانا اكتب يا مشرفين الزعيم

ولا تحطون مواضيعي


ماصار موضوع غلطنا فيه

بمجرد اني انتقدت مشرف على القسم بسبب خبر لم يكن صحيح

تحياتي

[زعيم الكون ازرق]

صحيح ان ويلي لاعب له ثقله في الفريق ولكن ليس هومن اثر على الفريق اليوم ولهلال لايقف على لاعب واحد وانما (سيد حظ )وهو من وقف للفريق بصراحة اربع كور في العارضة والقائم اجتهدوا الشباب لكن الله ما اراد والحمدلله على كل حال وان شاءالله تكون تطعيمه لكأس اسيا
والحكم تساهل مع الايراني كثير

[brhomi]

ويلهامسون لاعب كبير وسبب الخسارة ليست بغياب ولهامسون

[قلب الشلهوب10]

مع احترامي لك ياخوي الهلال في الصدارة وزين جات من البداية علشان الفريق يعدل وضعة والهلال ماكان سي هاجم بس الله ماراد

[عيسى المحياني 16]

الهلال حقق 6 بطولات اّسيويه بدون ويلي

[الزعيمـ 20]

مع احترامي لوجهة نظرك أخي الكريم

لكن الهلال أكبر من أن يتأثر بغياب ويلي هامسون

لن أطيل بالكلام لكن بقول لك انتظر المباراه القادمه للزعيم والتي سيلعبها بدون ويلي

راح تكون رد لك ولجميع من قال بأن الهلال يتأثر بغياب لاعب

بالتوفيق للزعيم

[الدكتورة رشا]

انا مع كلامك 100%100

بصراحة اليوم اثبت الهلال انه بدون ويلي ولال شي

والاعبين الاجانب اللي مخليهم نجوم ويسجلون ويلي

لانه هو من يصنع الهدف ....

ومو بس الاجانب اولهم ياســـــــــر

[ضناني الشوق]

عزيز وينه
اجل الغنام محور
وجرتس اليوم فاااااااي
انتهى .

[عزيز القوم6]

صراحة الفريق اليوم رااااااااااااااائع
سيطرة كاملة للملعب وبدون اي هجمة للفريق الخصم مقابل سيل من الهجمات الهلالية حال الحظ دون تسجيلها وكل هذا من دون النجم ولهامسون


والمهم ان الاداء ممتاز والصدارة هلالية
الفريق اليوم رائع

[حاتيموفيتش]

لبىى قلبه ويلي وربي فاقدينه..

بالتوفيق للزعيم..

يعطيك العافية..

[سعودالرياض]

إن شاءالله تكون بداية التصحيح !!

والحمد لله مازلنا في الصدارة !!

والقادم مذهل بإذن واحد أحد !!

(((( رآدوي لله دركم الجني الأزرق ))))

[HRS.Eng]

انت شكلك ماتابعت المباراة زين !! مانتبهت انه 9 تي شرتات حمراء مدافعين عن مرماهم ومانتبهت انه الحكم اليوم ماعنده سالفه وجبان وماعنده شخصية صحيح انه التكتيك لك عليه شوي وانه الاعبيين اليوم عندهم بطء بتنفيذ الهجمه وبعديين صحيح انه حنا نحب ويلي ونعرف مكانته بس الهلال مايوقف على اي احد ومستحييل فيه فريق بالعالم كله فوز بفوز لازم يصيير فيه هبوط

[صمت القـلـووب]

انا ما قلت ان الفريق كله وليهامسون

لاكن مكان الرجال واضح

ولا تكابرون على انفسكم

لو تتابع الهجمات الهلاليه تعرف ان وليهامسون مأثرررررر وبشكل كبير

والتكتيك اليوم والتبديلات كلها سيئه


والي يقول كل الهجمات هلاليه على العين والراس هذا لان الاهلي لاعب دفاعي

لاكن لو لعبت مع فريق يهاجم كان شفت الفريق شلون

وليش نروح بعيد

مباراة الاتحاد بعد خروج ولهامسون ارجع وشوفها

وبتعرف ان الي شايل الفريق وليهامسون

[عزيز القوم6]

إقتباس الرسالة الأصلية كتبت بواسطة صمت القـلـووب انا ما قلت ان الفريق كله وليهامسون لاكن مكان الرجال واضح ولا تكابرون على انفسكم لو تتابع الهجمات الهلاليه تعرف ان وليهامسون مأثرررررر وبشكل كبير والتكتيك اليوم والتبديلات كلها سيئه والي يقول كل الهجمات هلاليه على العين والراس هذا لان الاهلي لاعب دفاعي لاكن لو لعبت مع فريق يهاجم كان شفت الفريق شلون وليش نروح بعيد مباراة الاتحاد بعد خروج ولهامسون ارجع وشوفها وبتعرف ان الي شايل الفريق وليهامسون

طيب طبيعي ابيك تتخيل برشلونة بدون ميسي >>>>> عرفت ان الامر طبيعي

بالعكس الهلال كان رااااائع

[صمت القـلـووب]

الهلال يعيش في مرحلة خطيره الان

صدقوني

مرحلة تراجع بالمستوى

كبيره جدا

ونتمنى انهم يرجعوون لمستواهم قبل فوات الاوان