[هلالية والعز عنواني]

~.انا المجروح من وقتي وأنا من صاحبي مطعون
وانا اللي قد قضى عمره ونفسه دوم مكسوره .~

السلام عليكم ورحمه الله وبركـاته

موضوعي اليـوم ترددت كثيـر قبل لأكتبـه بس بالنـهايه قلت توكلي على الله يابنت وأكتبيـه

راح أدخل في الموضوع سيـدآ >>

التحرش الجنسي بالأطفـال سمعـت عنه كثير لكن كـان يمر علي مرور الكرام لدرجـه أني أحيانا ما أصدق اللي أسمعه بس الأسبوع اللي فات قابلت وحده (في المـكان اللي أتدرب فيـه عشان التخرج )
قعدنـا نسولف ودخلنـا بسالفه قويـه إلآ تجي وتقولي أن أختـها تعرض لـها خالـها ... أنا طبعا أنصدمت أشلون وكيف ؟
(المهم هذا كلـه مقدمه عشان تعرفون أشلون جاء الموضوع)
يمكـن الكل يـخـاف على عيـاله اذا راحـو للبقـالـه اذا طلعو مع شخص غريب اذا راحو للجيـران لكن مافي أحد
خاف على عيـاله اذا راحو لخوالهم أو أعمامهم لآنـه من المفترض أنهم يكونون مصدرأمـان وموضع ثقه للطفل لكن
للأسف أن البعض ممكن يستغل هالطفل البريء اللي مايدري عن شيء ويغريـه عشان يشبع رغبـاته في لحظه شيطانيه وبالآخير يهدده << ممكن يندم وينسى
لكن هالطفل أشلون ينسى شنو ذنبـه تجيـه عاهه نفسيه وعقد يعاني منها طول حياته شنو ذنبه يقعد طول عمره خايف من ماضيه
يعني بالنهايه الطفل أهو اللي يروح فيـها وأهله مادرو عـنه واللي تحرش فيـه ينسى السالفه ويعيش حياته

عشـان أطفالنـا لآزم نحذر من أقرب المقربين قبل لانندم . ~

عشان أطفالنا لازم نعلمهم ونفهمهم نوعيهم بما يتناسب مع سنهم عشان ماينضحك عليهم .~
(بس طبعا عندنا هالشيء عيب ومايصير ويمكن بعد حرام)

هذا كل اللي عندي وأترك لكم التعليق على الموضوع


أسأل الله أن يحفظني وإياكم ومن تحبون من كل شر

~.لا جيت ابنسى واتراجـع واسامحـك
صاحن جروحي واشتكن لي طعونـك ~.