[غيـَث]

سسلام ..


تبون الجد ، اول مره اشوف المنتدى غريب وكئيب بهالشكل
الجماهير صايره كأن مالها خلق الفريق ولا لتشجيعه

كلن يتكلم وش سوا الاتحاد والا وش قالوا النصراويين
ما فيه احد يشجع والا يحمس الجماهير على الحضور

تبون الجد ، قسسم بالله العظيم ان احساسي يقول ان المباراه
الجايه بتكون اقل مباراه حضور لجمهور الهلال في الأسيويه
على مدى تاريخه وان النتيجه ان كانت ايجابيه ان المستوى
راح يكون سيء وهالشي بسبب الجمهور واحداث المباراه
اللي راحت

افضل فرصه يحقق فيها الهلال الأسيويه هي هالسنه
كل الأمور متاحه انه يحقق الأسيويه ، خصوصاً اذا نظرنا ان فيه
احتماليه كبيره ان الموسم الجاي راح يكون اخر موسم لقريتس
وحتى لو تأهل الهلال لدور الثمانيه ما راح يدربه قريتس وراح
تقل فرصته عن فرصته المتاحه هالسنه هذا من ناحيه ..

لازم ندعم الفريق ، ونسانده ، لازم نطلع الفريق من ازمة
الهزيمه واصابة ويلي والمشاكل والايقافات اللي صايره

لازم نحسس اللاعبين ان وراهم ملايين الاوادم اللي يحبونهم
ويدعمونهم ويوقفون معهم بأي ظرف وأي حاله

لازم نحسس ياسرر ان نص شعب المملكه معه ويحبه ويدعمه
وان حثالة مجتمع ما يقدرون يأثرون عليه وانه اللاعب الأول
في اسيا وندعمه لتحقيق هداف الأسيويه

لازم ندعم رادوي ، الروماني اللي دافع عن ياسرر وعن الهلال
اللاعب الوحيد اللي عنده روح الفريق وتحس انه يلعب للشعار
ويحس بأحساس الجماهير وحب الجماهير

اللاعب الوحيد اللي تمنيته سعودي ، ولا مر علي محترف اجنبي
في السعوديه يعشق ويلعب للشعار اكثر من رادوي

لازم ندعم ويلي من المدرجات ، وهو اللي حيّانا وهو في سيارة
الأسعاف في الميدان وهو في اسوأ حالاته النفسيه والصحيه وكله
عشان جمهور الهلال وحب الهلال

لاعب منتخب السويد احد اقوى المنتخبات العالميه ، ولعب في اقوى
الأنديه الأوروبيه ، ويتمنى ينهي حياته الكرويه في الهلال بالله ما تبون تدعمونه
وهم اللي حاربوه وما خلوا شي ما ظلموه فيه وعليه ضغوطات كبيره ومع هذا
يكافح ويلعب ويبكي في الملعب ويحيي الجماهير ودموعه تنزل من الألم ومن
معرفته انه راح يغيب عن الفريق ودعم الفريق وحنا في القهاوي والا ننتظر
المعلق الفلاني وش يقول
( مع اني احسس ان كل المعلقين اللي تمدحونهم ماخذين اكبر من حجمهم ونفس الكلام والمديح يكرر في كل مباراه )

تذكروا حلم كل هلالي في الأسيويه ، تذكروا حلمنا في اللعب في المونديال
تذكروا زعامة الهلال في اسيا ، وهزيمته لأقوى واعظم الفرق الشرق
اسيويه ، تذكروا حزن الشلهوب بعد ضياع ضربة الجزاء في مباراة ام صلال
ودموع ياسر بعد مباراة الوحده ، ومرارة هزيمتنا وشن الاعلام الاماراتي
لحملات الاستفزاز بعد خروجنا من الأسيويه في مباراة العين

تذكروا مباراة الشارقه والخمسه والموسم التعيس ، تذكروا السنين العجاف
اللي في كل مره نتوعد اننا نحقق الأسيويه ونطلع من الدور الأول

حسسوا كيف الهلال بدون ابطال اسيا ، بالله عليكم ما تحسون ان اسيا
ما تليق الا بالهلال ؟!

بالله عليكم ، كيف تتوقعون شعور العالم اجمع ، وهو يشوف مباراة الهلال
والجماهير ما ملت حتى الواجهه !!

ما تحسسون انه احراج ، اسسألكم بالله مو احراج ؟؟
ما تليق مباراة للهلال بدون جمهور اببببد


نبي نشوف المباراة والملعب فل ، وكلهم بصوت واحد
" هلال " ..

نبي نحطم الأرقام القياسيه بالحضور ، ونعلم اسيا كلها
ان جمهور الهلال هو الأكثرر والأقوى تأثيرر في المباريات

نبي نرعب فرق شرق اسيا قبل وصولها لأرض الهلال
نبي نرفع اسسم الهلال فوق ، نبي كل القنوات والجرايد
العالميه تتكلم عن الهلال وجمهوره

وش ينقصنا ، وش باقي نبي ؟
ما قصر عنا ابو فيصل بشي ، اجانب عالميين وجاب لاعبين دوليين
لـ منتخبات قويه عالمياً ، مدرب ؟ وجاب لكم افضل مدرب في اوروبا
ومدرب جميع فرق العالم تبيه بما فيها ميلان ، لاعبين وجاب لك افضل
اللاعبين وسوا لك فريق هجومي يحطم الأرقام القياسيه وفريق رديف لو
يلعب في اسيا حققها وبطولات الموسم وجابها؟؟ وشش تبون بعد وما تحضرون !!


يا ناس خلونا في فريقنا ، خلونا ندعم ونفرح ونضحك ونشوف احلى الأهداف
ونشجع فريقنا ونعيشش اجواء الأسيويه اللي تتوعدون فيها قبل تبدأ

تبون المقاهي ؟ بالله عليكم وش حلو الفرحه في الملعب ؟ والا في القهوه
والطفشش ودور جلسسه وطلبات ما تجي وانتظر احد يغير لك جمر المعسل

ياخي رح احضر المباراه والا لا تششجع الفريق ، مهوب في حاجتك



ما كتبت الموضوع وانا مجهز له ، لكن الحقيقه اللي نشوفه في المنتدى
وطريقة الأعلام الهلالي في الألتفات وش يقول جستنيه وطقته وعدم
دعم الهلال في مبارياته الأهم