[X530X]

السلام عليكم ورحمة الله وبركااته

الكل لاحظ في الفتره الاخيره كثرة شكاااوي الجمهور الهلالي من الرابطه وطريقة التشجيع وغيرها وهذا ان دل يدل على حمااس الجمهور .
الحمدلله فريقنا الفريق الاول في المملكه اللي طبق الاحتراف بحذافيره والكل يطلق عليه نادي محترف بما تعنيه الكلمه لا من ناحية اداره ومدربين ولاعبين ومركز علامي وموقع رسمي .. بس اللي ناقصنا شيء واحد بس الجمهووور لازم يكون محترف وهذا اللي كلنا نبيه بس مو قادرين نسويه كلنا نطالب بالتشجيع بطريقه غير كل جماهير المملكه واذا جينا للملعب مانسوي شيء وهذا بصراحه اللي قهرني عشان كذا انا عندي اقتراح بسيط وسهل يمكن يوصل للاداره ورئيس الرابطه ويمكن احد يزود عليه والا يعدل فيه الشيء المهم ان حنا نلقى حل .
(( انا اشوف ان يكون فيه تدريب للجمهور ويتحمل مسؤلية هالتدريب رئيس الرابطه والطريقه سهله جدا مثلا قبل المباريات المهمه مثل مباراة يوم الاربعاء وفي تدريبات الفريق في مقر الناداي يتجمع الجمهور في مدرجات النادي ويكون الاتفاق على حركات التشجيع والاهازيج اللي راح نقولها بالمباراه ومنها مؤازرة الفريق في تدريباته وبكذا يكون جمهور الهلال كله رابطه ولايكون الاعتماد على ناس معينين اللي مايتعدون خمسين رجال وبالطريقه ذي راح تشوف تجاوب كبير ان شاء الله من الجمهور ويكون تخلصنا من اللخبطه اللي تصير بالمدرجات وقت المباراه لان الواحد موب عارف وش يقول والا وش يسوي اتمنى اذا الاقتراح جيد ويستحق التنفيذ انه يوصل للرئيس الرابطه والاداره من المسؤلين .))

تحياتي لكم